Fru Keilegavlen

Eco Hat and Fingerless Mittens

2012-01-14T13:01:00.005+01:00

Først av alt må eg seie TUSEN, TUSEN TAKK for alle koselege og rørande kommentarar

på forrige innlegg. Det var litt skummelt å legge ut noko som eg har designa sjølv

og som eg hadde så dårlege bilete av. Men det varma stort med alle dei gode kommentarane frå dykk! Tusen takk!! ♥ Eg kjem nok til å legge ut begge mønstra ein gong,

men må berre finne motivasjon til å reinskrive dei og så finne teststrikkarar osv. ;)

Så tilbake til innlegget.

Eg har vore så utruleg heldig å få teststrikke to flotte mønster frå vår alles

O´Store Bitta Mikkelborg!!

Hua over heiter Eco Hat.

Mi er strikka i Nepal på pinnenr 4 og 6mm. 6mm rett og slett fordi eg ikkje fann 5,5mm, og så strikkar eg litt stramt. Garnbutikken var tom for rosa blomstrar, så eg må sjå om eg evt skal skifte knapp på hua. Det gjekk med 132 gram Nepal.

Eg fekk mønsteret rett før eg for på styremøte på jobb på mandagaen, så eg fekk starta tysdagmorgon og strikka litt på kvelden igjen etter jobb, før den var fullført torsdag kveld.

Nydeleg mønster!!

Bitta Mikkelborg har og laga mønster på matchande pulsvarmarar,- Eco Fingerless Mittens.

Eg hadde ikkje nok brun Nepal, så då vart desse i den lillafargen i Nepal som

eg er blitt utruleg glad i! Og...det betyr jo at eg må strikke fleire slik at det blir

to matchande sett. ;) Litt vanskeleg å få fram den flotte lillafargen i dette lyset, men, men...

Her har det gått med 106gram Nepal og dei er strikka på pinnenr 4 og 5mm.

Nydeleg mønster dette og!! Har planer om å strikke fleire, ja!

Desse vart strikka mesteparten på på torsdag. På fredag vart siste vrangborda strikka og begge tomlane. Trådar festa og knappar sydd på i dag.

Begge mønstra vert lagt ut for sal hos Strikk Innom når

Bitta er heilt ferdig med dei,-

så "løp og kjøp". ;)

Mitt eige mønster :) / My own pattern :)

2012-01-13T19:42:00.004+01:00

For ei stund sidan vart ei god veninne av meg 30. Ho ønska seg lange sokkar til bursdagen.

Eg strevde med å finne eit mønster som eg følte var akkurat slik ho ville ha

det, så...eg designa mønster sjølv. Eg føler sjølv dei vart litt korte til ho.

Men ho sjølv er fornøyd, så då bør vel eg vere fornøyd og...?!

Det er litt vanskeleg å få fram flettemønsteret på baksida,

men det er fletter bak og hjarter foran.

Sokkane er strikka i str 36, og det er mine bein i str 38 og ein smule tjukkare

leggar enn ho som poserer med sokkane på her, så dei

ser forhåpentlegvis litt betre ut på henne. Brettekanten kan ein velge

om ein vil ha bretta eller ikkje.

Mønsteret er som sagt mitt eige, så får eg sjå om eg legg det ut etterkvart.

Dei er strikka i Fabel på pinnenr 2,5mm og vart pakka inn ganske fort,

så vekta har eg ikkje før veninna mi har vegd dei. ;)

Veninna mi ønska seg og eit par matchande pulsvarmarar til jul så då måtte eg jo designe det og. ;)

Veldig artig. Her har det gått med 30gram Fabel på pinnenr 2,5mm.

Det har ikkje vore det beste veret dei siste månadane til å ta bilete ute, så eg håpar på å få tatt

nye bilete ein gong hos veninna mi så mønsteret kjem litt tydelegare fram.

Viss du klikker på bileta vert dei større.

Ønskjer alle ei kjempefin helg!!

Kjøkkenklut og raggsokkar

2012-01-03T08:23:00.003+01:00

Godt nyttår alle saman!!

Håpar alle hadde ei fin feiring.

Biletet over her er av ein kjøkkenklut som

Pludrehanne fekk i adventskalendaren sin.

Føn er utruleg mjukt og godt garn.

Som vanleg er det brukt eit nøste garn.

I starten av oktober starta eg eit lite prosjekt om å strikke så mange sokkar

som eg klarte til mannen min før jul. Det vart fem par sokkar

til han, eit par til ein svoger, eit par til svigerfar

og eit par knesokkar til ei veninne (det har eg ikkje lagt ut bilete av enno).

Så det vart ei lita samling. No minkar det på raggegarnet, og eg trur mannen

har sokkar ei stund framover.

Til saman gjekk det med 694g garn!!

Ønskjer alle eit kreativt og godt nyttår!!

Tennbrikettboksskjular

2011-12-28T06:40:00.004+01:00

I år rakk eg faktisk i siste liten å strikke to tennbrikettvesker. Den første her er Hjertelig tenning, som er nok eit mønster frå Bitta Mikkelborg. Her har eg brukt 100 gram Lima og pinne# 4mm. Kjem nok til å strikke fleire av desse. Kjekke julegåver å gje vekk med ein tennbrikettboks inni.
Viss du har sett mønsteret før og ser nøye etter så ser du at eg har strikka flettene motsatt. Jaja, får strikke rett etter mønsteret på neste. ;) Strikka dette 23.desember og vart gitt vekk på julaftan.
For ei god stund sidan fekk eg og eit mønster, vedbrikettbokshylster, av ToneM på Hobbyboden. Dette har eg og strikka i julegåve, og vart starta på på kvelden på vesle julaftan, fullført tidleg morgon på julaftan, pakka inn og hengt på postkassen til naboen i tide før dei henta posten. ;) Denne er strikka i 100 gram Alaska på pinne# 6mm.
For ei tid sidan hadde ein svoger bursdag. Eg fekk ei lang ønskeliste tilsendt på mobil, som bl.a. inneholdt ulike typar bor, lyspærer, batteri osv.... Eg tenkte: "denne lista leverer eg til mannen, ja", men så kom eg på slutten av sms´en og der stod det jammen meg, strikka sokkar, hals og fingerlause vantar. Og slike ønsker er jo kjekke for ein strikkoholikar, eller kva?

Så sokkar og hals vart strikka. Sokkane er strikka i Viking Sportsragg på pinnenr 3,5mm og det gjekk med 147 gram. Halsen er strikka av 133 gram Smart på pinnenr 4 mm.

Winter Waves Cowl

2011-12-27T06:50:00.003+01:00

Då er det å prøve å få vist fram julegåvene. Denne er strikka til ei niese, og eg håpar ho likar den. Dette er nok eit fantastisk mønster frå Bitta Mikkelborg. Ho lagar utruleg mange fine mønster. Mykje sokkar, og så starta ho å designe vottar, huer og sjal/halsar i tillegg.

Mønster: Winter Waves Cowl

Garn: DSA Mirasol

Mengde: 125 gram

Pinnenr: 4,5 og 5,5

Eg håpar det går bra med alle som er berørte av Cato og Dagmar. Her har vi vore berørte og, men eg kan ikkje seie at det er så gale som lenger nord. Liten storm og storm har me vel hatt her, men ikkje så mykje meir enn det. Takhellene ligg på taket, det uler i veggane og ein føler at huset skal ramle ned, men når eg ser bilete frå andre stader i landet skal me absolutt ikkje klage. Her er det ingenting i forhold til andre stader.

Ønskjer alle ei fin romjul!

Uglesokkar/ Owliesocks

2011-12-26T10:01:00.004+01:00

GOD JUL alle saman!! Tenkte eg skulle blogge eit innlegg på veslejulaftan eller på julaftan, men det gjekk litt i eitt her så så langt kom eg ikkje. Men eg håpar alle har hatt ei fin jul.

Desse fekk Iris i sin adventskalender på julaftan. Eg håpar ho likar dei og kan bruke dei. Mønsteret er Owlie Socks, dei er strikka i Sisu på pinne# 3mm, og det gjekk med 84 gram garn.

På desse er og perlene strikka inn vha heklenål.

No er julefeiringa over, og me har fått mange flotte gåver. Ingen snø utanfor, men Cato eller Dagmar var på ein liten visitt innom i gårkveld. Det ulte godt i veggane i gårkveld og eg var glad eg kunne halde meg inne.

________________________________________

Iris recieved these socks in her Adventcalender on Christmas Eve. I hope she likes them and can use them. The pattern is Owlie Socks.
Så var det dei siste adventskalendergåvene. ;)

Frå Iris:

Dag 19: Eit spennande nøste garn i merinoull.

Dag 20: Ei notisbok

Dag 21: To firkanta telys, lik dei eg fekk tidligare.

Dag 22: Flotte maskemarkørar

Dag 23: Ein nydeleg pose med vintagebilete på.

Dag 24: Ei flott toalettveske

Frå pludrehanne:

Dag 19: Pakkebånd

Dag 20: Til frå lappar

Dag 21: Herlege knappar

Dag 22: Kakepynt

Dag 23: Eit nøste Drops Alpakka i brunfarge

Dag 24: Eit broderikit der eg kan brodere og sy kremmerhus.

Tusen, tusen takk for flotte kalendarar frå begge to!!

Tennbrikettveske

2011-12-19T07:03:00.002+01:00

I dag opnar Iris denne i kalendaren sin frå meg. Ho fortalte meg i ønskelista si at ho likar ugler,- som du og ser i dei to innlegga under. Så no håpar eg ikkje at eg har tatt heilt av når det gjeld ugler... :) Hihi... Men når eg oppdagar mønster på mønster med ugler så må eg jo berre strikke. Ho fortalte meg og at ho har ei stor stove der delar av den skal vere ganske fargesprakande med bl.a. oransje. Derfor fekk ho tidleg i kalendaren to oransje nøster og ulike oppskrifter på puter som ho kan strikke sjølv.

Denne tennbrikettveska kjøpte eg mønster på hos Mikk-L design. Den er strikka i Tove og augo i Pt2. Dei oransje og dei blå stripene er strikka like breie, men det oransje har tova dobbelt så mykje som det blå. Det gjekk med 78 gram Tove og 5 gram Pt2. Eg brukte pinne# 7mm.

Så håpar eg Iris likar denne og at den får eit langt og godt liv i stova hennar. ;)

Uglehue og adventskalendergåver/ Owliehat and Christmas Calendergifts

2011-12-18T08:12:00.002+01:00

I går fekk Iris denne i kalenderen sin. Her har eg tatt utgangspunkt i mønsteret på uglepulsvarmarane og strikka matchande hue. Perlene til augo er strikka inn vha heklenål. Denne er og strikka i Sisu på pinne# 3mm og det har gått med 52gram. Så håpar eg ho er fornøyd med denne og.

No nærmar det seg jul og me har fått snø her, så gjenstår det å sjå om den ligg ei veke. Det hadde vore fint.
Bileta vart tekne før kalendaren vart sendt i posten, så ingen snø på desse bileta. Linselusa mi, Scott, må jo sjølvsagt vere med på photosession. ;) Det var spennande med sjøen!
Fleire nydelege gåver frå Pludrehanne og Iris. Tusen, tusen takk!!

Frå Pludrehanne:

Dag 16: Rosa sløyfe refleks, denne skal festast på jakken så eg synes når eg er ute på tur.

Dag 17: Eit nøste deilig Drops alpakka i ein nydeleg rosafarge.

Dag 18: Fine snøkrystall klistremerker

Frå Iris:

Dag 16: Flott Mandarin petit i ein fin brunfarge.

Dag 17: Eit nøste Mandarin petit til, men i ein nydeleg blåfarge.

Dag 18: To flotte firkanta telys.

Uglepulsvarmarar og kalendergåver/ Owlie mitts and Christmas Calender gifts

2011-12-15T09:48:00.004+01:00

Desse uglepulsvarmarane strikka eg til Iris som ho har fått i adventskalendaren i dag. I ønskelista som ho skreiv til meg for ei god stund sidan fortalte ho at ho er veldig glad i ugler for tida. Så håpar eg at desse fell i smak.
Eit nærbilete. Grønnfargen kjem ikkje heilt godt fram, men dei er strikka i Sisu på pinne# 3mm. Og det er gått med akkurat 50 gram.
Mønsteret finn du her. Perlene til augo er strikka inn undervegs vha heklenål. Viss du klikker på bileta vert dei større.
Så ligg eg litt på etterskot med å legge ut alt det flotte eg har fått i kalendargåvene frå Iris og Pludrehanne.

Frå Pludrehanne:

7. Dei flotte lommeserviettane nede til høgre.

8. Rosa Tildabånd nede til venstre.

9. Lavendelsprudlebad.

10. Sandnes Kashmir Alpakka i ein nydeleg brunfarge

11. Sandnes Kashmir Alpakka i ein nydeleg brunfarge

12. Ei lita skriveblokk med minikulepenn til,- Unorganized perfectionist. ;) Som Pludrehanne allereie har skrive litt i. ;)

13. Gult Tildabånd nede til venstre

14. Snøkrystallar i sølv til kortlaging oppe til venstre.

15. Hånd- og Fotkrem laga av bl.a. honning

Frå Iris:

7. Eit flott lilla hjarte som ho har sydd, dette er ein god del større enn det eg fekk 1.

8. Eit søtt lite hjarte som det står Lykke på.

9. Pyntekopp som ho har laga

10. Ein flott telysestake

11. Ei nydeleg lita strikkeveske i rosa, med hjarte på. Gler meg til å ha med meg eit lite strikketøy oppi denne, og så ha den vesle pungen som eg fekk tidligare med målbånd ++ oppi.

Eg har lagt inn to bilete av denne slik at ein kan sjå når den er snurpa saman og når den er open.

12. Ein kjempesøt knagg som eg gler meg til å henge opp. Midten øvst.

13. Ein telysestake til.

14. Søte lommeserviettar. Oppe til venstre.

15. Ein stor strikketøypose. Oppe til høgre.

Tusen, tusen takk til både Iris og Pludrehanne for kjempeflotte gåver!!

On The Go-Veralls og adventskalendergåver

2011-12-06T15:20:00.006+01:00

Frå oktober av vart eg med på ein along der ein skal strikke eit plagg til liten kvar månad. Me får tema kvar månad med tips til mønster og skal strikke etter det. Veldig greit, for då får ein strikka litt kle som ein kan ha å gje vekk i barselgåver i stadenfor å stresse på slutten. Desse buksene var oktobermønster. Starta på dei 27.november og ferdig 29. Kjappe å strikke med andre ord. ;)

Mønster

Garn: DROPS Nepal

Mengde: 203gram

Pinnenr: 6mm

Storleik: 12-18mnd

I år som i fjor byttar Iris og eg adventskalendarar. Men i år er eg og med på adventskalendaren arrangert på Hobbyboden og der har eg bytta med Pludrehanne. Utruleg kjekt! Gler meg til kvar morgon der eg kan opne gåver frå dei!!

Gåvene frå Iris:

1. Eit nydeleg lilla hjarte som ho har sydd sjølv. Det vart hengt på veggen med ein gong.

2. Eit nøste Merino extra fine. Det har eg ikkje prøvd før

3. Kleklyper på ei snor til å henge julekorta på. Artig! Sånne har eg ein del av frå før då eg heng alle korta opp på snor over buen i stova.

4. Eit nøste til med Merino extra fine

5. Mønster på lue som eg kan bruke garnet til. Det kribler i fingrane etter å starte på dette!

6. Ein flott liten pung som eg kan ha strikkedill i som Iris har sydd. Kjempeflott!

Gåvene frå Hanne:

1. Flotte kaffeserviettar i lilla.

2. Tilda bånd. Linselusa, Scott, er med på det eine biletet.

3. Isoporhjarte og ull. Her treng eg nok litt tips til framgangsmåte, for dette har eg ikkje vore borti før.

4. Kakeutstikkarar! Det passa veldig bra sidan veninna mi og eg baka julemenn den 5.

5. Diverse pynt til kortlaging.

6. Eit Drops Alpakka nøste i ein nydeleg grønnfarge.

Utruleg mange flotte gåver!!

I går bakte veninna mi og eg julemenn. Her starta det å snø i går og ho måtte ta bussen ut hit sidan ho berre hadde sommardekk på bilen. Bussane gjekk ikkje på dei mest geniale tidspunkta då ho skulle heim igjen, men då har eg ein smart mann som kom på at ho kunne jo sitte på med mjølkebilen. ;) Og sånn vart det. Han fekk seg tre kakemenn og selskap på returen etter ein lang dag på jobb. Så dei var vel fornøyde begge to. Jaja, bur ein på landet så bur ein på landet. ;)

Andrea´s shawl

2011-11-29T22:43:00.003+01:00

Det er ikkje det flottaste veret ute i dag til å ta bilete.... Dette sjalet har vore ferdig lenge... Eg starta på det 30.oktober og var ferdig med det 2.november, men...så er det den trådfestinga og blokkinga då... Det er fort gjort å utsetje...

I dag har det vore eit forferdeleg ver, men eg er glad me har hund så eg likevel har kome meg ut i dette veret. Me fekk gått oss ein lang tur og eg har kasta pinnar i motvind. ;)

Mønster

Garn: Drops Alpakka og Gjestal Baby Ull

Pinnenr: 4mm

Mengde: 113 gram

Sildre babysokkar

2011-11-25T15:59:00.004+01:00

Eg var så heldig å få lov til å teststrikke desse nydelege babysokkane som Marit Sættem ved Strikk Innom har designa. Nydelege!! Mønsteret vert nok lagt ut på Strikk Innom sine sider etterkvart. Det heiter Sildre Babysokker. Eg har strikka dei i str 3-6mnd og har brukt Sisu og pinnenr 3mm. Det gjekk med nøyaktig 20gram.

Raggsokkane fekk svigerfar som ein del av bursdagspresangen sin i dag. Det ser ut som om det er eit parti på den eine sokken i ein annan farge, men det stemmer ikkje. ;) Dei er heilt like og i same garnet. ;) Litt kjedeleg å strikke raggsokkar, men kjekt når mottakar set pris på dei. Dei er strikka i Tresko raggegarn, pinnenr 3,5mm og det gjekk med 129 gram. Bileta av raggsokkane vart tekne litt i hui og hast før me skulle inn og levere gåva, så det vart ikkje utebilete av dei.

Julestjerner og ny hund/ Christmas ornaments and our new dog

2011-11-22T17:58:00.012+01:00

Eg strikka desse kjappe og søte julestjernene fredag formiddag. Kjem nok til å strikke fleire av dei. Litt knotete å hente opp maskene for å strikke baksida, men då det var gjort gjekk det kjapt og greit.

Mønster

Garn: Drops Lima

Mengde: 30 gram

Pinnenr: 4mm

12. juni i år måtte me avlive vår gode og kjære hund, Siko. Etter det bestemte me oss i grunn for at me ville vente ei stund før me skulle ha ny hund. Siko var ein fantastisk snill hund, så me har vore veldig redd for å ende opp med å samanlikne ein evt ny hund med han. Før me fekk Siko forstod eg vel aldri heilt orda: "Hunden er menneskets beste ven!" Men då han var borte forstod eg vel for første gong kor tomt det var, og kor utruleg god venn ein hund er. Ein som alltid er glad for å sjå deg, alltid glad for å få vere med! I forrige veke begynte me å innsjå at det er ganske tomt her utan hund. Det og kunne kome heim, trøtt og sliten, men likevel er det ein der som er like glad for å sjå deg uansett! Alltid glad for å få vere med og få vere med på tur. På søndag var me og helste på Scott, ein 2 år gammal Border Collie hann, som er like snill og god som Siko, men i ein litt yngre og meir vilter utgåve. ;) Så god og herleg!! Han vart med oss heim og skal i første omgang vere her ei veke for å sjå at han trives med oss. Me trives i allefall veldig godt i lag med han, og det verkar som om han trives her og. ;) Han er med mannen min i fjøsen, i traktoren,- kort sagt heile tida. Medan Scott og eg går tur i lag og kosar oss i lag. Kjempekjekt å ha ein å gå på tur med kvar dag. Då me gjekk tur i dag, fekk han plutseleg auge på ein katt og fôr avgårde. Akkurat når det gjaldt katt var han ikkje heilt intressert i å høyre på meg heller, så eg trur me må trene litt på den. Men...då han kom springande i fullt firsprang tilbake nedover bakken snubla han i sine eigne bein og stupte kråke då han nådde flaten, opp igjen og sprang vidare i same tempoet. ;) Merkar at etter å kun ha hatt hund som har vore eldre enn 6-7 år, så er det ei artig overgang til ein ung hund på 2 år. ;) Så er det berre å sjå at Sotus og Scott vert gode venner, foreløpig har Sotus full panikk kvar gong han ser Scott, så me får prøve litt kvar dag.

Lady in red

2011-11-10T11:35:00.004+01:00

Endeleg eit bilete av denne kjolen! Eg starta på kjolen 1. oktober og den var ferdig og gjennom vaskemaskina 12.oktober, men....så var det den photosession-tingen då.... Det er jo ikkje alltid like artig... Først eit nærbilete så du ser fletteborda på kjolen ordentleg. Nedanfor er nokre bilete bl.a. etter fotografen´s (min kjære mann) ønsker. Han har ein NH T7 på prøve (les: berre for gøy, skal ikkje kjøpast), og synes eg kunne ha den med på bileta når han først skulle ta bilete. ;) Viss du klikker på bileta vert dei større.
Eg ser at eg vil kjøpe meg ein annan topp/gensar å ha under, for den eg har på no ruller seg berre opp samtidig som den var litt vel fluffy på armane. Men...det lar seg vel gjere... Eg har endra litt på mønsteret. Den er strikka top-down så då fekk eg prøvd den på ein del undervegs. Endringane kan du sjå her på Ravelrysida mi.

Mønster

Garn: Fotrama Alpaca

Pinnenr: 5mm

Mengde: 328 gram

_______________________________________

Finally, I have managed to take pics of this dress. It was finnished on Oct 12th, but I do not like the photosessions where I have to attend myself. Since my husband is a farmer and is the photographer when I have to be in the pics he wanted to have a tractor in the pics as well. This tractor is not his, though, he is just trying it for fun.

Gryteunderlag/ Christmas hot pads

2011-10-31T16:52:00.004+01:00

No har det vore dødt her ei stund, gitt... Det er mange ting som ligg ferdig, men eg har ikkje heilt somla meg til å ta bilete. Bl.a. har eg ein Allegheny kjole som vart ferdig 12.oktober som eg enno ikkje har tatt ein photoshoot av.

Gryteunderlaga var kjappe og greie å strikke. Litt vanskeleg å ta bilete i dag, men eg har no gjort eit forsøk. Måtte legge meg på golvet og sette litt opp ute på terassen i le for vinden, så nokre bilete vart det no. Nokre skal me ha sjølv, tenkjer eg, og nokre hamnar i gåvekassen.

Klikk på biletet så vert det større.

Mønster

Garn: Drops Eskimo,- tova i maskin

Pinnenr: 9mm

Mengde: 600 gram

_________________________________________

These Christmas hot pads were knitted a while ago. I will keep some of them and the rest will go in the giftbox. Pattern.

Bitta´s nepalhat

2011-10-12T14:51:00.004+02:00

Eg trong ein liten pause frå kjole- og sokkestrikkinga og strikka denne hua i går. Eg har strikka Nepalhat, men strikka vrangborda som på Limahat. På Nepalhua strikka eg omg 1 på diagrammet 9 gonger, men med ei maske mindre i rettmaskefelta,- altså tre masker. På første omgong på sjølve mønsteret, medan eg skifta til tjukkare pinnar auka eg ei maske i kvart rettmaskefelt,- til fire masker. Strikka deretter etter mønsteret på Nepalhat. Hua skal vere i lag med pulsvarmarane du ser her. Dette er nok eit fantastisk mønster av Bitta Mikkelborg!!

I dag er det eit nydeleg ver ute! Angrar på at eg ikkje tok meg ein tur på fjellet etter jobb, så eg må nok ut å jogge ein liten tur i det fine veret. Mønsteret er ikkje publisert enno, men linker til det så snart det er ute.

Viss du trykker på biletet vert det større. Biletet oppe til venstre viser nok mest den riktige fargen.

Mønster

Garn: Drops Nepal

Pinnenr: 4 og 5mm

Mengde: 79 gram

___________________________________________

Another lovely pattern from Bitta Mikkelborg. This is her latest design,- Bitta´s Nepalhat which will be published during this week.

Sommerkjole/ Summerdress

2011-10-10T12:35:00.005+02:00

Denne er det ei god stund sidan eg strikka. Eg var på besøk hos Fru Helianthus 8.juli og då viste ho meg denne kjolen som ho holdt på med. Nokre dagar seinare sendte ho meg link til mønsteret og den siste helga i juli vart denne strikka og 1.august var den i bruk. Den har ikkje blitt brukt så mykje i sommar, men eg likar den veldig godt. Friske fargar og fin fasong. Den blir nok brukt til neste år og. Synes det var ganske artig med dei knappetrekka,- artig å lage knappane sjølv. ;) Viss du klikkar på biletet vert det større.

Eg ville helst ha bilete med utsikt til sjøen, men det var ikkje så lett å få til i dag i dette regnveret...

Mønster

Garn: Drops Paris

Pinnenr: 6mm og heklenål nr 4 og 7mm

Mengde: 519gram

____________________________________________

This one was knitted a while ago. I visited Fru Helianthus on July 8th and she showed me a beautiful dress she had knitted and crocheted. A few days later she sent me a patternlink. I knitted/crocheted this on the last weekend in July and wore it on August 1st. Because of a rainy summer I haven´t been using this as much as I wanted to, but hopefully, the summer of 2012 will be better.

Cascade #2 and 3

2011-10-09T10:43:00.002+02:00

Det er skikkeleg babyboom for tida på kollokviegruppa mi. Me var 8 stk på kollokviegruppe. For to år sidan fekk tre av dei kvar sin son på om lag ein månad (trur eg), og i år har fire av dei fått kvar sin son (tre av dei nr 2) på rett i overkant av ein månad. Første kom 15.august og siste 19.sept. Så dei er godt koordinerte. ;) Men det vert mykje koseleg babystrikk på ein gong. Den grå jakken er komen vel fram, den blå med grå kant er på veg til Sverige og eg håpar den er framme i morgon. Mistenker heller ikkje at ho er innom her.

Eg likar godt dette mønsteret. Top down, deilig garn, tjukke pinnar så det vert ein god og varm jakke og eit fint mønster.

Den blå brukte eg 149gram på, til saman av blått garn og dei grå kantane,- det tyder altså på at eit eller fleire av nøsta var på under 150gram... Men, men...litt ekstra med ein grå kant på.

Eg har enno ein kjole eg ikkje har fått tatt bilete av. Det skulle eg definitivt ha gjort i går for då var det knallver,- i dag bøtter det ned med regn og bles. Sidan det er ein sommarkjole bør eg ta det før det blir vinter,- for eg likar jo best bilete ute. ;)

Mønster

Garn: Drops Nepal

Pinnenr: 6mm

Mengde: blå: 149g grå: 161g

_____________________________________________

Cascade #2 and 3. There is a babyboom at the moment. We were 8 people in my studygroup and 2 yrs ago three of them gave birth to one boy each during a month, I think. This year four of them have given birth to one boy each (three of them the second one) during a little more then a month. The first one came on Aug. 15th, and the last one on Sept. 19th. They are coordinated. ;)

The blue one is on its way to Sweden, the other one has arrived. I like this pattern, top down, lovely yarn, and a nice pattern.

On the blue one I have used 149grams, included the grey lines, which means that one or more of the skeins were less then 50 grams. But well, hopefully, the grey lines made the little extra.

Sauejakke/ Sheep Yoke Cardigan

2011-10-07T10:38:00.002+02:00

Strikka denne medan eg var i Tyrkia. Mønsteret er fleirfarga, men eg ønska å strikke den einsfarga med sauer på. Så håpar eg mottakar vert fornøyd. Både denne og dei i innlegget under kjem vel fram i posten i dag. Og eg mistenker ikkje at ho er innom her og kikker. ;)

Jakken er strikka i NZ Lammeuld. Den kvite var ikkje noko festleg å nøste opp. Det var laga ein ekstra slyng på ein god del av det, slik at det hang ein egen utanfor heile hespet som då gjorde heile nøstejobben til noko herk. Det var like før eg heiv heile garnet i bosset, men....det gjekk til slutt. ;) Bortsett frå det nøstet er eg veldig fornøyd med garnet.

Mønster

Garn: NZ Lammeuld

Pinnenr: 3,5mm

Mengde: 97 gram

________________________________________________

I knitted this one while I was in Turkey on vacation. The pattern is in several colors, but I wanted to make it single colored and with sheep on. This is made for a little boy who was born last month. The cardigan and the baby converse booties are hopefully in their mailbox today.

Baby converse

2011-10-05T14:47:00.008+02:00

Tusen takk for alle koselege kommentarar og for alle som legg seg til som følgarar. Det er utruleg kjekt! Eg planlegg ein liten "gje bort" etterkvart, men eg må berre får samla meg på alle hold først.

Eg strever litt med å få til picasa, så viss du har eit betre forslag til mac blir eg veldig glad. ;) Eg brukte photoscape på pc´en og var veldig fornøyd med det.

På laurdag hekla eg eit par baby converse

Synes dei er utruleg artige, og kjem garantert til å hekle fleire, men då kjem eg til å lage ei linje med kontrastfargen langs den kvite sålen og. Artig å gi vekk som barselgåve desse.

Mønster

Garn: Drops Muskat

Heklenål: 3,5mm

Mengde: 28 gram

_____________________________________________________

A pair of crocheted Baby converse. These are great for Baby Shower gifts. I sure will make more of these.

Hals/skjerf

2011-10-04T09:44:00.002+02:00

I natt har det vore ein kraftig vind og i dag høljer det ned med regn, så noko photosession ute er totalt uaktuelt. Så derfor blir det eit kjedeleg innebilete av noko så kjedeleg som ein hals. Dette er då av den typen som ein snurrer dobbelt.

Den er strikka i Kitten Mohair på pinnenr 6mm og det gjekk med 65 gram. Foreløpig hamnar den i ei gåveeske, så får eg sjå om den hamnar under eit juletre ein stad.

Bitta´s lovely mittens

2011-09-30T17:22:00.004+02:00

Mønsteret på desse er det Bitta Mikkelborg som har designa. Ho har designa utruleg mange flotte sokkemønster og har no starta med vottar og. Bloggen hennar finn du her. I utgangspunktet er dette eit vottemønster, men ei av dei som teststrikka mønsteret i Nepal gjekk tom for garn og laga då pulsvarmarar,- derfor består mønsteret av både vottar og pulsvarmarar. Sidan eg har ein del veninner som ønsker seg pulsvarmarar framover så passa det veldig bra. Foreløpig legg eg dei i gåvekassane, så får eg sjå kor dei endar opp.

Eg starta på dei i gårkveld, noko som passa veldig bra sidan Symphonie Wood strømpepinnane mine kom i går. Dei er ein fryd å strikke med. Eg har kjøpt meg SW i rundpinnar der ein kan ta pinnane av wiren og koble på andre pinnestr,- eg er kjempefornøyd med dei! SW strømpepinnane er berre 15 cm lange, men dei er utruleg gode å strikke med og på så små ting som vottar/pulsvarmarar var det greit med så korte pinnar. Dei vart ferdig på føremiddagen i dag.

Eg felte då eg strikka den fjerde fletta og starta med glattstrikk på undersida etter seks fletter. For tommelkileaukingane brukte eg M1R og M1L. Etter 10 fletter starta eg på vrangborda på toppen. Tommel: 15 m frå tommelkilen og tok opp to ekstra masker, på første omgangen strikka eg desse to ekstra maskene saman. Strikka så *2r, 2vr* fire omgangar før eg felte av.

Mønster

Pinnenr: 4,5mm

Garn: Drops Nepal

Mengde: 90 gram

_____________________________________________

I started on these yesterday. They are designed by Bitta Mikkelborg. She has made lots of beautiful sockpatterns and has now started to design mittens as well. I knitted these with my new SW dpns, and I do love SW! I decreased while knitting the 4th cable and started on the st st underneath after six cables. While increasing for the thumb I did M1R and M1L. After 10 cables I started to knit and purl. Thumb: I had 15 st from the mitten and increased by two st. On the first row I decreased these two st to one. Knitted *K2, P2* four rows and BO.

Strikk, strikk så vart det ein puff. ;)

2011-09-29T12:35:00.008+02:00

For ei tid tilbake strikka Fjellbua ein slik puff og eg måtte berre ha ein slik eg og. Det tok ei tid før eg fekk strikka den og så tok det tid å få den inn i bloggen.

Denne vart strikka om kvelden 11.juli, men det har tatt litt tid å stappe og fylle. Inni er det to dundyner frå Jysk og eit grått stretchlaken rundt dynene før det er putta i puffen. Ein rask måte å strikke opp 1 kg garn på. ;)

Eg kikka litt på mønster både hos pickles og hos garnstudio, men endte opp med min eigen vri. La opp 40 masker med tre trådar Eskimo på pinnenr 15mm. Strikka riller til det var nesten tomt for garn,- felte av. Sydde saman kortendane. Snurpa saman eine langsida. La to dundyner inn i eit stretchlaken i omtrent same farge som garnet til puffen. Stripsa saman stretchlakenet. Putta det heile inn i puffen og snurpa saman den andre langsida. Festa tråden, forma og vips: Ein ny puff! :)

Det er faktisk opplett her i dag, så det er berre til å nyte det så lenge ein kan.

________________________________________________

This one was a fast knit. I kntited it in the evening of July 31st, but it took a while to find everything I needed to fill it with. 1 kilo of yarn! :)

Cascade

2011-09-27T17:09:00.002+02:00

Denne babyjakken vart strikka til ei veninne som fekk son nr 2 i midten på august. Eg var så heldig og fekk helse på han ein liten månad etter fødsel. Biletet vart teke før me reiste til Tyrkia, men så har eg ikkje somla meg til å legge den inn før no.

Mønster

Garn: Drops Nepal

Pinnenr: 6mm

Mengde: 155 gram

_________________________________

The babycardigan is knitted for a friend of mine who gave birth to son #2 in the middle of August. Lucky me got the opportunity to meet him less then a month after his birth.

Ut på tur aldri sur/ Knitted babydress

2011-09-24T10:54:00.004+02:00

Denne vart strikka på bestilling til ei veninne som skal gi den vekk til sitt barnebarn til jul. Ho var med og valgte ut fargar og knappar sjølv. Det var eit ork å strikke alle trekantane, for avstand mellom mønster var 9-11 masker. Eg er glad eg lærte meg baklengsstrikk då eg strikka siste selbustringen for det gjorde det noko enklare. Så får eg håpe at barnebarn og foreldre vert nøgde, men og besteforeldra som skal gje den vekk. ;) Det er ei stund sidan den vart ferdig, men det tok litt tid før knappane kom på,- dette pga elf clobber´s som måtte bli ferdige til ein gitt dato. Men....15.sept gjekk dressen i posten.

Mønster

Pinnenr: 3 og 3,5mm

Garn: Baby Ull

Mengde: 306 gram

Str: 2-3 år

_____________________________________

This was an order from a friend of mine who wanted me to knit a babydress for their grandchild for Christmas. I am glad I had learned to knit backward knitting, because of the triangle pattern. Hopefully, they will be happy with it.

Fleire Bronte´s mitts/ More Bronte´s mitts

2011-09-23T19:03:00.003+02:00

I går kveld kom me heim etter ei veke i Tyrkia med 35 grader, sol og varme. Ekstra kjekt var det då å kome innom her til så mange kommentarar til det forrige innlegget,- tusen takk alle saman!

I løpet av nokre månadar no har eg kjøpt litt og litt julegåver og no er me ferdige, så og seie. Det gjenstår berre noko kosestrikk som skal gjennomførast i haust med telys og ein kopp te. I tillegg har eg den vanskelegaste gåva av dei alle att,- til min kjære mann. Men...kanskje eg får laga litt kort i år til ei forandring sidan julegåvene er ferdige. ;)

Tanta til mannen min spurde meg for ei tid tilbake om eg kunne strikke eit par pulsvarmarar for ho. Me fekk valgt ut mønster og desse skulle strikkast. Pga litt anna bestillingsstrikk i tillegg til alle Elf Clobber´s (to innlegg under) som skulle vere ferdig til ulike tidsfristar så tok det litt tid før eg fekk desse ferdige. Men 15.sept gjekk dei i posten. Sjølve lace delen, før avslutninga, strikka eg ti gongar i stadenfor åtte. Elles er dei strikka etter mønsteret.

Mønster: Bronte´s mitts (link til mønsteret finn du i ein av dei andre innlegga med desse pulsvarmarane)

Pinnenr: 3,5 og 4mm

Garn: Baby Ull

Mengde: 32 gram

_________________________________

My husband´s aunt asked me a while ago if I could knit a pair of wristwarmers for her. We looked at patterns and these were the ones she wanted. I had a few orders before these, and also had a deadline on all the nine elf clobber´s I were knitting. So it took a little bit longer to finnish these off. But on Sept 15th they were mailed. I knitted the lacepart ten times instead of eight, other then that I did no mods.

Crazy banana

2011-09-15T13:43:00.003+02:00

Det er ei god stund sidan denne var ferdig. Starta såvidt på den 8.juli og vart ferdig med den rundt 24. juli. Hadde ein del besøk i den tida så det vart ikkje så mykje strikk, men veldig kjekt å få den ferdig. Kjenner at fotografering der eg sjølv må stå i fokus er noko skikkeleg herk,- føler meg ganske dum der eg står og poserer, men, men... Det må vel til det og. Kjolen er frå eit av Dale sine Konfekt hefter og den er strikka i Lerke. Til saman har det gått med 773 gram. Knappane er eg foreløpig litt usikker på om eg skal ha på. Sjølve beltet er litt i strammaste laget då eg skal ha den av igjen, så eg vurderer å rekke opp att litt, men eg får sjå.. Satsar på at eg får brukt denne litt i haust.

Pulsvarmere/ wristwarmers

2011-09-14T14:54:00.009+02:00

Av ulike grunnar er det ei stund sidan eg har lagt noko ut her. Mange ting er ferdige, men eg somlar meg ikkje heilt til å få tatt bilete og legge ut. Men...no skal eg prøve å oppdatere litt framover. :) Viss du klikker på biletet så vert det større, og du får sett knappane betre.

Den siste tida har eg strikka på ein del pulsvarmarar, elf clobbers, som vart overrukke i går til nokre menneske som har betydd svært mykje for meg den siste tida. På fem av pulsvarmarane står det "verdi-full" og på fire av dei står det "Takk". Dei er strikka i Smart og alpakka. Skjørta er strikka i babyull, lanett, sisu og kid mohair. Dei flotte knappane er bestilt frå Snella og Petronella, som har fantastisk service!! Eg innsåg, då eg var inne på sidene deira, at leveringa kom til å bli for sein viss eg skulle bestille 1. og så ikkje fekk dei før rundt 15. Eg sendte ein epost og spurde etter forhandlarar, men då hadde ho ei bestilling ho skulle sende og kunne sende med mine i same slengen. Dermed kom dei i posten den 7.sept!! Fantastisk service!!

Til saman på alle pulsvarmarane gjekk det med 464 gram garn.

Eg har prøvd meg på ny type kollasj no, så dette er laga i picasa,- kjenner er likar betre photoscape, men det får eg ikkje lasta ned på min mac, så då får eg berre prøve meg fram.

_______________________________________

9 pair of elf clobbers knitted for nine wonderful girls who all means a lot to me!!

"Om én mann kan vise så mye hat, tenk hvor mye kjærlighet vi alle kan vise sammen." - Stine Renate Håheim

2011-07-25T11:15:00.005+02:00

Ikke en spurv til jorden (Fougner/Lunde)

Ikke en spurv til jorden uten at Gud er med.
Ikke en sjel mot døden uten hans kjærlighet!
Ikke en blomst er visnet, ikke en tåre falt
uten at Gud vet om det, han som er over alt.

Tro det når stormen herjer bladløse vintertrær!
Tro det når brenning bryter over de nakne skjær!
Tro det når ubeskyttet midt i en kamp du står.
Tro det når helt alene du med en smerte går.

Tro det når noe brister uten å vokse frem.
Tro det når noen mister det som var alt for dem!
Tro det når håp går under uten å reise seg:
Ikke en spurv til jorden! Det er et ord til deg.

_________________________________

Mine tankar og bønner går til dei som er ramma, til dei som har mista sine kjære, til dei som er skada, til hjelpemannskap, dei frivillige, sjukehuspersonell, politi og til det norske folk, uavhengig av opprinnelsesland.

Swallowtail

2011-07-07T20:02:00.004+02:00

Nok eit swallowtail lace shawl. Dette er strikka på bestilling og strikka i Mandarin petit og pinnenr 4,5mm, 112 gram. Eg har for tida inga vekt i nærleiken, men skal få oppdatert innlegga og status på "strikka garnlager" i løpet av helga. ;) Starta på sjalet søndagkveld og vart ferdig i går ettermiddag, fekk levert det i dag.

Elles har eg gjort eit namneskifte på bloggen. Eg er fortsatt litt i tvil om eg skal ha det, men trur nok kanskje eg ender opp med det, viss då ingen har nokre andre gode forslag til meg. ;)

________________________________

Another Swallowtail lace shawl! :) This one is knitted in Sandnes Mandarin petit on needle # 4,5mm.

Rock Island

2011-07-05T20:12:00.004+02:00

Dette sjalet var ferdig fredag 24.juni, men det har tatt litt tid å blokke det og deretter litt tid før eg har somla meg til å ta bilete. Det er allereie brukt litt, og eg er veldig fornøyd med fargen.

Mønster: Rock Island

Pinnenr: 4 mm

Mengde: 96 gram

Garn: Wollmeise Lace, farge fliederbusch

______________________________

My Rock Island Lace shawl was finnished on June 24th but it took a while before I took pictures of it. I love the color, and have already used the shawl a bit.

Folded

2011-06-18T17:44:00.004+02:00

Då var eg ferdig med folded i gårkveld, og brukar den i dag. Første gongen eg brukar ein slik grønnfarge, men er veldig fornøyd. Ekstra spennande er det då eg måtte gjere litt om på mønsteret for å få det til å passe,- stor var gleda då den passa då eg prøvde den i gårkveld og eg slapp å rekke opp att. Eg har strikka den i Wollmeise 100%, og i og med at strikkefastheten då er litt annleis enn i mønsteret, la eg opp masker til storleik M, felte som for storleik M, men auka ut ni gongar igjen i stadenfor fem. Strikka og bolen og armane litt kortare ettersom eg ikkje er så høg og ikkje har lange armar. Etter foldinga felte eg til raglan 19 gongar, det eg hadde av ekstra masker reduserte eg innimellom raglanfellingar, og felte ned til 160 masker før eg strikka opp nakken. Denne kjem nok til å bli brukt ein del.

Mønster: Folded

Garn: Wollmeise 100% superwash,- farge pesto

Pinnenr: 3 og 3,5mm

Mengde: 267 gram

_______________________________

Folded,- knitted for myself.

Min perfekte ankel

2011-06-11T16:14:00.004+02:00

Desse flotte ankelsokkane har i grunn vore ferdige sidan 29.mai, men blogg- og strikkehumøret er ikkje heilt i slaget for tida, så ting går litt treigt. Kjekke sokkar å strikke. Sokkane er designa av Bitta Mikkelborg, med bloggen meisebo. Ho har designa mange flotte sokkemønster,- eit av dei ser du i to innlegg under dette.

Mønster: My Perfect Ankle

Garn: Sisu

Pinnenr: 2 og 2,5mm

Mengde: 52 gram

________________________________

I finnished these socks on May 29th, but I am not in the biggest blogging and knitting mood at the moment... The pattern is called: My Perfect Ankle.

Alvepulsvarmarar

2011-05-24T19:55:00.003+02:00

Så vart det nokre frå denne kanten og. :) Ikkje så lett å sjå fargane på desse, men dei er strikka i lilla Sandnes Alpakka og skjørtet i lys lilla lanett. På dette biletet ser det ut som om skjørtet er kvitt. Strevde litt med heklinga, inntil Mimouna tipsa meg om diagrammet, som eg heilt hadde glømt ut at fantes. ;) Tusen takk for hjelpa, Mimouna!
Mine er strikka med pinnenr 4 på sjølve pulsvarmaren, 3,5mm på skjørtet og heklekrok 4mm. Til saman veg dei 30 gram. Det vert garantert ikkje dei siste. Innser at eg har nok av den lilla Alpakkaen til å strikke eit par til som kan vere litt lengre og. Og garn til fleire er funnen fram.

Luxury - because you're worth it

2011-05-22T11:27:00.005+02:00

For nokre veker sidan starta Bittami med bloggen meisebo ein mysteriesokkalong på Hobbyboden. Bittami har laga det nydelege mønsteret og kvar mandag kom det eit nytt hint i innboksen på eposten min,- i alt fire gongar. Dei små bileta viser dei ulike hinta strikka. :) Då eg var ferdig med hint 3 i gårkveld (eg låg litt etter skjema med hint 3 og 4) så vart eg så ivrig på å starte med hint 4 at eg glømte å ta bilete av begge sokkane i lag. Derfor er det berre bilete av den eine sokken. ;) Her kan du sjå alle dei flotte sokkane som Bitta har designa. Ho er utruleg flink!! Eg kjem definitivt til å strikke fleire sokkar som er designa av ho.
Beate døypte sine sokkar til "Luxury - Because I'm worth it". Eg synes det passa utruleg flott til desse sokkane, men har døypt mine "Luxury - Because you're worth it". Eg håpar det er greit at eg hermer, Beate?
Dette er mitt første prosjekt med Wollmeise, og det vert garantert ikkje det siste!! Kjempedeilig!
Ser forresten at eg gløymde å ta bilete av baksida av sokkane... På baksida av leggen er det eit flettemønster.

Mønster: Mysteriesokk frå Bittami (ikkje publisert enno, og har heller ikkje fått namn).
Garn: Wollmeise 80/20 Twin i fargen Petit Poison nr 5 dark
Pinnenr: 2 og 2,5mm
Mengde: 86 gram
__________________________________
My mystery socks are done! These are designed by Bitta Mikkelborg.

Min varme, gode alpakkagenser/ My warm and cozy alpaca sweater

2011-05-20T19:46:00.008+02:00

For nokre år sidan då Fru Helianthus annuus og ei felles veninne av oss var på besøk, strikka Fru Helianthus på denne gensaren. Eg bestemte meg for at denne skal eg og strikke,- men jammen meg tok det nokre år før eg handla garn (januar 2011) og nokre ekstra månadar før eg starta.

Eg starta på denne på kvelden den 24. april og strikka på den ei lita veke før eg vart ganske lei av den og måtte ta ein pause. Starta igjen i gårkveld og i dag vart eg ferdig med den. Varm og god! Men...føler meg litt inspirert av Bolivia oppholdet mtp mønsteret og så er den jo strikka i deilig alpakkagarn. Eg håpar det er lenge til eg treng å bruke den, men eg gler meg til å ta den i bruk! Litt mørke bilete, men det høljeregner og bles ute, så...

Gensaren er strikka i S, auka ut til M oppe, for så å felle inn igjen til S. Eg har og fellt av med lys brun i halsen.

Mønster: Frå Drops

Garn: Dobbel Drops Alpakka

Pinnenr: 4 og 5mm

Mengde: 494 gram

___________________________________

I like this sweater and feel a little bit inspired by my visit to Bolivia. ;) Hopefully, I won't have to wear it in a while.

Selbustring # 2 :-)

2011-05-19T18:55:00.015+02:00

Då min kjære svoger i Finnmark vart 40 år, laga eg ein gelèbil cabriolet til han, i juni vert han 50 og suksessen frå 10 år sidan må følgast opp. Kva passar vel betre enn ein selbustring til ein 50-årig finnmarking? :) Skulle gjerne vore fluge på veggen då han opnar denne. Satsar på at han vert nøgd og at både han, familie og venner kan få seg ein god latter. ;)
Den forrige selbustringen eg strikka kan du sjå her. Den eg strikka no er strikka i Lanett og vart påbegynt på 17.mai. Pinnenr 3mm og den nette vekt av 55gram. Mønsteret kjøpte eg ein gong i tida av Pixeline.

Under Ski VM i Oslo og skiskyttar VM deltok eg på mesterskapsstrikk, og eg fekk 3.plass på pallen!! :) For ei tid tilbake kom det pakke i posten frå Fjellrosa som arrangerte det heile. Tre nøster med Labbetussgarn. No når eg er blitt litt hekta på sokkar igjen må jo dette bli bra. ;)
Tusen, tusen takk!!

Strikkekurven hadde ei trekning blant følgarane av bloggen sin for ei stund sidan, og eg vart den heldige vinnaren!!! :-) Då dukka dette opp i posten. Eit handlenett og ei bok med tilhøyrande blyant. Utruleg kjekt. Tusen, tusen takk!!!

G-Anette hadde sydd ei slik flott vimpelrekke og fann ut i etterkant at den kanskje ikkje passa heime hos ho. Ho hadde ei trekning i bloggen sin, og i dag dukka den opp i postkassen vår!!! :) I tillegg hadde ho lagt med nokre kjempesøte maskemarkørar!! Så gøy! Eg veit akkurat kor vimpelrekka skal henge hos oss. Tusen, tusen takk, G-Anette!

Rullegenser/ Babysweater

2011-05-12T08:32:00.002+02:00

Denne vart ferdig seint i gårkveld og skal leverast i dag til ei veninne og mannen hennar som fekk sin førstefødde son i februar. Mønster er opprinneleg rullegenser frå Nøstebarnboka, men eg strikka riller på bolen, erma og i halsen i stadenfor vanleg glattstrikk.
Eg ville helst bruke garn eg allereie har, og eg hadde ikkje nok av ein eller to fargar, så då vart det fire fargar,- som jo resulterte i ein haug med trådar å feste. ;) Men eg synes gensaren vart fin. Så får eg håpe at dei vert nøgde og.

Mønster: Rullegenser frå Nøstebarnboka
Garn: Sandnes Lanett
Pinnenr: 3 og 3,5mm
Mengde: 114gram
______________________________________
This sweater was done yesterday night, and will be delivered today to a friend of mine who gave birth to a little boy in February.

Babyjakke/ Babyjacket

2011-05-05T12:55:00.005+02:00

Denne babyjakken er strikka til ein veterinærkollega som vart pappa igjen i mars,- og sidan barnet kom rundt lemmingssesongen, måtte jo knappane vere innanfor dette temaet. Synes desse knappane er ganske artige. Jakken har eg strikka fleire gongar før, men må innrømme at eg likar den best i to fargar og ikkje einsfarga. Kjem nok ikkje til å bli den siste eg strikkar, nei. ;)
Jakken ligg i vaskemaskina no, så eg har ikkje rukke å vege den enno.
Mønster: Drops
Garn: Baby Ull
Pinnenr: 2,5mm
Mengde: 150g
____________________________________
I have knitted this babyjacket to a colleague who became a daddy again in March. Since the baby was born around the lambingseason, the buttons had to be around that theme. I love the buttons. I have knitted this jacket several times before, and have to admit that I do like to two-color ones the best. It is in the washing machine at the moment.
Patter: Drops
Yarn: Baby wool
Needle #: 2,5mm

Tøflar/ slippers

2011-05-01T10:29:00.004+02:00

Desse starta eg på før eg reiste til Bolivia, hekla kanten og broderte/hekla pynten no når eg kom heim igjen. No har dei hatt tre turar i vaskemaskina,- ein på 60 og to på 40 grader. Fekk hekla to ekstra blomstrar og som eg kan feste på noko anna seinare. Desse går i tøflekista i gangen som gjestar kan bruke når dei kjem på besøk.
Ser ut til at det blir ein strålande dag i dag og, litt meir vind enn dei andre dagane. Men ein flott dag å vere mykje ute.
Mønster: Mitt eige. ;)
Garn: Eskimo
Pinnenr: 9mm og heklenål 7mm
Mengde: 449 gram
____________________________
Slippers knitted for guests to wear when they come to visit. It is a beautiful day today,- a little bit windy, but other then that the sun is shining and it is warm outside.

Vottar/ Mittens

2011-04-30T18:20:00.003+02:00

Strikka desse før eg reiste til Bolivia, men tonnet med trådar som skulle festast vart ikkje gjort før i går kveld. Desse er skikkeleg restegarnsvottar, med miks av tove og finull. Har tenkt å strikke nokre slike vottar som kan ligge her i skuffene når niesene og nevøane våre kjem på besøk og manglar vottar. ;)
Mønster: Desse vart til etter kvart
Garn: Tove og Finull
Pinnenr: 4mm
Mengde: 73 gram
______________________________
These mittens are knitted from left over yarn.

Huer/ Hats

2011-04-29T13:02:00.005+02:00

Desse huene strikka eg medan eg var i Bolivia, men har ikkje somla meg til å feste trådar og ta bilete før i dag. Det er nydeleg ver ute,- solsenga er tatt opp, vatn på plass og andre småprosjekt henta ut på terassen. Brøddeig står til heving og sola skal nytast.
Ser at det ikkje er så lett å sjå, men på den turkise er det ei flette i den eine sida.
Mønster: Begge vart til etter kvart.
Garn: Drops Alpaca
Pinnenr: 4mm (det var den eg hadde med meg av små pinnar. ;) ).
Mengde: Til saman 70 gram på desse to.
_______________________________
Two hats I knitted while I was in Bolivia.

Giga sjal og Pay-it-forward

2011-04-25T12:41:00.005+02:00

Dette er mitt tredje bidrag til 11 shawls in 2011 på ravelry. Garnet og mønsteret fekk eg i PIF (Pay it Forward) gåve frå Umulie. Eit kjempespennande garn eg aldri har prøvd! Eg måtte jo strikke sjalet som ho hadde gitt meg mønster på,- og det vart svært!! No skal det seiast at eg strikka ei ekstra holrad til slutt for å få avslutta med rosa, men den eine holrada utgjorde ikkje så mykje. Eg brukte eit liggeunderlag, og det rakk ikkje på breidden og måtte dermed hente ned eit til. Dette blir varmt og godt til kalde haustkveldar på terassen, så eg kan tulle meg godt inn i det, eller i vinterkulda når eg kan surre det fleire gongar rundt halsen.

Mønster: Sjal med hullmønster (Familien 2/2011)
Garn: Evilla kunstgarn 8/2
Pinnenr: 5mm
Mengde: 180gram og 720,9meter

Har du lyst på ei spennande gåve i posten? Då gjer du følgande:

Meld deg på ved å skrive ein kommentar under dette innlegget,- dei tre første er med.

Så får du ei overrasking i posten av meg!

Deretter skal du sende gåve til tre som blir med hos deg.

Du vel sjølv kva du vil gje.

Dersom dette høyrdes spennande ut skriv du ein kommentar i innlegget under,- dei tre første får ei overrasking i posten frå meg.

Siste bilete frå Bolivia

2011-04-21T18:33:00.002+02:00

Ei Cholitadame som sat og tigga ved Kristusstatuen.

Utsikt over Cochabamba.

Takk til desse som bidrog til at eg kunne ta med meg så mykje alpakkagarn heim til Noreg. ;)

Veninna mi, Elsa, og eg i La Paz. ;) Takk for eit fantastisk fint opphold i Bolivia!!

Bolivia

2011-04-20T11:08:00.007+02:00

Då er det nokre dagar sidan eg kom heim frå ein fantastisk flott tur i Bolivia!! Eg var der til saman i 14 heile dagar og fekk sett utruleg mykje. Eg skal prøve å legge ut nokre bilete i morgon og. Forrige helg (7.-10.april) la me turen mot La Paz, Copacabana, Titicaca sjøen og Isla Del Sol. Utruleg flott, men kaldt! Denne helga var me mellom 3600 og 4000 m.o.h. og i kontrast til Cochabamba der me var nedi ein dal på 2500 m, var det ein smule kaldare. I Cochabamba var det varmt og godt og skikkeleg sommartemperatur for ein nordbuar som meg, sjølv om vinteren var i emning der. Solte meg med faktor 30 og vart likevel brun og litt solbrent enkelte stader. ;)

Dette biletet er tatt på Isla Del Sol. Ein utruleg nydeleg plass! Sjøen som ligg der så fin og blå er Titicaca sjøen.
Utsikt over delar av La Paz.
Veninna mi jobbar på DNS (Den Norske Skulen) i Cochabamba og misjonen har ein fin ferieplass litt lenger ute på landet. Her er det eit lite basseng og mange flotte frukttre. ;)
Delar av eit fruktmarked nedi i byen ved politistasjonen.
Kristusstatuen sett frå politistasjonen.

Eg har opplevd og sett utruleg mykje, samtidig som eg har fått slappa mykje av, nytt sola og det å vere langt vekke frå alt kjas og mas. Ein dag besøkte me ein barneheim og helste på barna der, ein annan dag var eg med på Barnas Dag der barn med bl.a. Downs syndrom hadde oppvisning av ein dans. Utruleg herlege ungar! Endå er det slik i Bolivia at desse barna vil ikkje foreldra vite av, slik at det er søsken, tanter/onklar eller besteforeldre som skriv dei inn på skulen (det er to skular i byen som har klassar for desse barna), eller tar dei med til lege eller sjukehus. Foreldra vil helst ikkje vise seg saman med dei. Barna var så skjønne! Mange som kom og spurde om ein kunne ta bilete osv. ;) Så herlege!

Eg har prøvd litt spennande mat som: Soupa de maní (peanøttsuppe), anticucho (kalvehjerte) og salteña.
Ein heilt fantastisk kjekk tur som anbefalast på det sterkaste!! :)

Ha ein kjempefin dag alle saman og ein flott påske!

Cochabamba, Bolivia

2011-04-04T14:37:00.004+02:00

I dette innlegget blir det ingen bilder, men kanskje eg får lagt inn enkelte når eg er tilbake i Noreg. ;) Onsdag 30.mars la eg turen mot Cochabamba i Bolivia. Sekken var lada med strikketøy, hekletøy, ei bok om fotografering med speilrefleks, ei vanleg humoristisk-treng-ikkje-tenkje-bok, ei digibok (Unni Lindell, mørkemannen, som eg lånte av ei veninne før eg reiste til flyplassen) og så var eg så heldig å finne igjen mp3 spelaren min som eg la musikk innpå for sikkert 4-5 år sidan. ;) Så...turen burde gå bra. Etter forsinkelsar, lange flygningar (lengste på 14 timar), testa nervøsitet (Sør Amerika er verkeleg eit kontinent der klokka tydeligvis ikkje er noko som mange har på armen eller følger), nye bekjentskap og mista bagasje kom eg omsider fram til Cochabamba og fekk treffe veninna mi. Eg kom fram torsdagkveld og endeleg i går fekk eg henta bagasjen, berre for å oppdage at delar av den er stjelt!!!! Det er jo berre ting, men kjedeleg når det er klede som er favoritt og som ein veit at ein aldri kjem til å få tak i igjen. Men, men...får anmelde det og gi beskjed til forsikringsselskapet.

Bortsett frå ein smule uflaks på vegen er Cochabamba og Bolivia absolutt eit land å anbefale!! Men eg er veldig glad for at eg besøker ei som kan spansk, for mine små spansk gloser som "si", "no" og "hola" kjem ein jammen meg ikkje langt med. ;) Og engelsk er ikkje noko som mange snakkar her.

Det er sol og varme her. Eg har fått handla ein del Fotrama alpakkaull på fabrikken. Dei klarte å trekke kortet mitt to gongar, men dei oppdaga det heldigvis sjølve, så i dag skal vi tilbake dit og ordne det. :) Det vert nok sikkert uansett meir garn som må handlast vil eg tru. Litt sightseeing har det blitt og,- utruleg mykje flott å sjå! Crazy køyring i trafikken, flotte områder på landsbygda og mykje fint å sjå i byen her. Eit herleg folkeslag og eit flott land!

Veninna mi er på jobb no, klokka er 0850 her (1450 heime), så om 6 timar har eg litt selskap igjen. I mellomtida skal eg kikke litt på nettet, strikke litt og sole meg.

Ha ein fin dag og ei fin veke alle saman!!

Puffekjole til ei nydeleg jente

2011-03-25T08:46:00.003+01:00

Då kan eg endeleg legge ut kjolen her. ;) Det er ei stund sidan eg starta på denne. Eg kjøpte garnet, som svigerinna mi betalte mesteparten av, starta å strikke og det gjekk ganske radig. Då eg var ferdig med skjørtet trong eg ein pause frå kjolen og strikka Plain and simple til meg sjølv.
Det nærma seg at bursdagsbarnet, ei herleg niese på 10, skulle kome sørover i vinterferien sin og då måtte jo kjolen vere klar. Fletta og livet vart strikka ferdig og kjolen montert. Knappar innkjøpt og bånd bestilt, men så kom aldri båndet og så fekk eg omgangssjuka. Så kjolen vart ikkje ferdig den gongen. Svigerinna mi kjøpte eit bånd eg kunne bruke dersom eg ikkje skulle få tak i dei andre. Heldigvis vart ikkje kjolen ferdig den gongen, for i mellomtida var ei anna niese innom og me prøvde kjolen på henne og skjønte straks at kjolen ikkje kom til å passe til bursdagsbarnet. Kjolen vart strikka etter alle mål i str 12 år. Men ermehola var svært trange, livet for smalt og skjørtet syntes me kunne vere litt lenger så kan ho ha den litt lenger. Så då var det å rekke opp att livet og rekke opp att skjørtet frå fletta. Eg strikka fletta lenger og la opp masker langs fletta til str S, men auka ikkje ut som til str S og felte deretter av i ermehola og hals/nakke slik at eg fekk maskeantal som til str 12 år. Eg strikka ermehola 2cm lenger enn oppskrifta sa. Rakk opp att fellinga i skjørtet og strikka det ein 5 cm lenger. Forrige fredag gjekk kjolen i vaskemaskina på 30 grader ullvask, og kom ut att lettare tova!!!! UÆH!!!! Gjett om eg var fortvila då?!?! Men...med litt strekking i våt tilstand syns eg det såg ut til at eg fekk redda situasjonen, men eg kom jo ikkje til å få vite det heilt før jenta hadde prøvde den på. I oppskrifta er heil lengde 75 cm, men eg fekk strekt den til ca 84, og fekk strekt i livet og ermehola. Den vart ein del mindre puffete og flettene noko smalare enn originalen. Forrige søndag sydde eg på bånda,- garnbutikken min fekk ikkje tak i bånda, så eg brukte bånda som svigerinna mi kjøpte. Det vart veldig fint! Kjolen gjorde seg veldig med bånda på. Det vart det vesle ekstra.

Onsdag gjekk kjolen i posten i retning Atløy og i går ringte ei glad jente og takka for kjolen. Det gjer ei tante glad! :)

Kjolen er strikka i det nye Dale Royal Alpakka, eit kjempemjukt og godt garn, men på parti der ein gjerne ikkje ser så mykje på strikketøyet, så delte garnet seg litt lett. I tillegg var det i ein del nøster, ikkje garnskøyter, men knute på tråden, rett og slett. Men elles eit bra garn!

Mønster: Puffekjolen frå Tine Solheim (Dalehefte)

Garn: Dale Royal Alpakka

Pinnenr: 3,5mm og heklenål nr 3,5

Mengde: 526 gram

__________________________________
Finally, I can show off the beautiful dress I knitted for a great niece! You will find more info on my Ravelry project page.

Bronte's mitts #4

2011-03-24T19:27:00.004+01:00

Eit par pulsvarmarar som eg strikka ferdig i dag. Desse skal passe i lag med sjalet i innlegget under og går i gåveboksen. Eg synes dette mønsteret er utruleg fint, og det vert nok ikkje dei siste eg strikkar, men eg kjenner no at eg har lyst til å strikke nokre andre pulsvarmarar,- det er jo så mange fine mønster der ute. I kveld har eg starta på fleire tøflar.

Mønster: Det same som før :)

Garn: Kitten Mohair (begynner å minke no... ;) )

Pinnenr: 3,5 og 4mm

Mengde: 30 gram

I dag har eg vore ein tur på fjellet. Fekk ei lita snøbyge medan eg gjekk der, fekk tatt nye bilete av sjalet i innlegget under og litt bilete av naturen. Ikkje så lett å få tatt ordentleg klare bilete ettersom det snøa litt. Vel heime igjen har eg fått baka 7 brød(!!), strikka ferdig pulsvarmarane og laga ein enkel middag. No skal eg slappe av medan bonden er på møte i den nye gensaren sin.

_______________________________
I have finnished my 4th pair of Bronte's mitts today. I love this pattern and this is not going to be my last pair, but I do think I am going to knit a pair of some other wristwarmers/mitts now. There are so many beautiful patterns out there. Tonight I have started on a new pair of slippers. Earlier today I went hiking and took some new pics of the shawl below and some landscape pics,- it was snowing a little so not the best pictures. After I went hiking I have baked 7 breads (!!), finnished the mitts and made an easy dinner. Now I am going to relax and knit on the slippers while the farmer is on a meeting in his new sweater. ;)

Almost 300 meters of Heaven

2011-03-23T17:24:00.006+01:00

Nok eit 198 yds of heaven. Har strikka nokre av desse no. Måtte ta nye bileter i dag (24.03.2011) då eg var på fjellet ein tur. ;) Strikka dette for ei god stund sidan, men har berre ikkje somla meg til å hente liggeunderlaga mine og blokke det i stova. Men...i går somla eg meg til slutt opp trappene å fekk henta dei. Så...no hamnar det i gåvekassen. Sjølve hovudmønsteret skal i utgangspunktet strikkast 2,5 gongar, eg synes sjalet vert litt kort då, så på dei andre har eg stort sett strikka 3,5 gongar. På dette har eg strikka det 4,5 gongar.
Mønster: 198 yds of heaven (du finn link i ein av dei andre innlegga :) )
Garn: Kitten Mohair
Pinnenr: 5mm
Mengde: 92 gram - 299,5 meter

Dette er mitt andre bidrag i 11 shawls in 2011 på Ravelry.
Eg vart litt bitt av brødbakebasillen min i går, så i dag har eg handla inn mykje forskjellig mjøl, så får me sjå kor tid eg vert lei... ;)
______________________________________
Another 198 yds of heaven. I do not know how many of these I have knitted, but I guess it is time to start on some other patterns. ;) The mainpattern is supposed to be repeated 2,5 times, but I do think they get a little too short. The other ones I have knitted I have repeated the pattern about 3,5 times, on this one I repeated it 4,5 times. It will be a part of my giftbox. ;)

Tøflar/ slippers

2011-03-22T15:24:00.003+01:00

Begynner å innsjå at ein del av dei tova tøflane er moden for utskifting. Me har ei gammal kiste i gangen med mange tova tøflar i, til meg sjølv og til gjester som frys på beina,- eit gammalt hus er golvkaldt. Så når eg ser at fleire og fleire begynner å få hol rundt omkring, så er det vel gjerne på tide med litt fornying. Til bursdagen min var eg så heldig å få eit par tøflar frå tre veninner som den eine hadde strikka,- dei kan du sjå her. Kjekt med eit nytt par i kista. Så...no er eg i gang med prosjekt tøflefornying. ;) Dette er første paret. Dei er strikka i eskimo, hekla kant på toppen og hekla pynt,- den vart litt utståande etter toving. Men...eskimo tova finare denne gongen enn det gjorde på dei forrige tøflane eg strikka. På dei forrige vart dei svært ulikt tova og den eine tøffelen måtte fleire gongar i maskina.
No har mannen renska lyr som me har fått av svigers,- eg skal lage mine første fiskekaker til middag!!! Spennande! Satsar på at ein del kan frysast ned og. Samtidig står brøddeigen til heving og eg har vore på fjellet på tur, klarte det i strålande solskinn, og det hølja ned då eg var komen heim att. Så no er det litt middagslaging, avslapping og baking før eg skal inn på jobb ein tur.

Mønster: I mitt eige hovud. ;)
Pinnenr: 7mm
Garn: Drops eskimo
Mengde 200 gram
________________________________
I have knitted a new pair of slippers. I have figured out that I have to get rid of some of the slippers we have, and make some new ones. These are the first pair.
Today, I have been hiking in beautiful sunshine. Right now I am baking bread and getting ready to cook dinner before I am going to work.

Vottar og award/ Mittens and an award

2011-03-21T16:37:00.007+01:00

På formiddag i dag har eg strikka eit par vottar. Kjapt og greit med pinnenr. 10. :) Eg starta med pinnenr 9, men innser at eg strikkar for stramt og måtte då i gang med # 10. Kjappe og fine vottar.

Dei to siste vekene har vore travle, med feiring av min 6. 25 årsdag den 12.mars (vart 30 den 1.) og bryllupsfeiring til eine besteveninna mi den 19., med talar, album og biletframvisning frå våre 28 år som veninner, så tar ting litt tid. I går var det avslapping heile dagen, og i dag kosar eg meg med strikking og litt klesvask ++.

Det regnar ute og ladar visst opp til ein ein flom, så vi går våte tider i møte.

Mønster: Frå garnstudio
Garn: Drops Eskimo
Pinnenr: 10mm
Mengde: 118 gram

Eg mottok denne awarden frå Mona Kristin med bloggen Fjellbua. Tusen takk!! Til vanleg brukar eg ikkje å legge inn awardar lenger, men akkurat denne synes eg var så koseleg at eg vil vidaresende den.
Liebster Blog ♥ award skal giast vidare til 5 bloggarar med mindre enn 100 følgere, på den måten kan fleire oppdage kor mange flotte bloggar som fins rundt omkring.
Dei eg vil gje den vidare til er:

Fru helianthusannuus

Ei god veninne frå studietida som strikkar og heklar mykje fint og skriv utruleg godt. Mange fine bilete av både handlaga ting, dyra og elles dagleglivet.

Beates englestrikk

Ei dame eg har fulgt med i fleire år no. Alltid like kjekt å vere innom bloggen hennar, hente inspirasjon og berre nyte alt det flotte ho tryllar fram.

Kristin sin kvardagsblogg

Ein koseleg blogg å følge. Mykje flott handarbeid i lag med mange flotte loppisfunn.

Livs

Liv lagar utruleg mykje fint og tar mange fine bilete. Ein blogg eg ofte er innom og henter inspirasjon og berre nyt dei flotte tinga ho lagar.

Ann Tove

Her er det mykje flott å finne. Ho tryllar fram dei vakraste tinga og det er mykje inspirasjon å hente. Eg finn stadigvekk ting som eg må putte på "to do"-lista mi.

Vibbedille

Ei herleg dame med ein herleg blogg! Mange koselege innlegg om såvel strikkeprosjekt som om det daglege livet. Den herlege sonen og den gode mannen. Ein blir glad av å vere innom bloggen til Vibbedille.

TUSEN TAKK FOR ALLE KOSELEGE KOMMENTARAR PÅ MARIUS/MOODS GENSAREN I INNLEGGET UNDER!! SET UTRULEG STOR PRIS PÅ DET!!

Marius meets Moods. ;)

2011-03-15T13:18:00.004+01:00

Då har eg vore med på Ski VM strikk,- kjempeartig! Eg strikka gensar til mannen min. Slo saman to Mariusgensar oppskrifter, slik at eg fekk den med rundsal. Fann eit mønster på nettet med moods traktorar på, endra litt på dette mønsteret slik at det vart så likt Marius som mulig. I tillegg strikka eg Mariuskryssa på armen slik at det ikkje vart så lange trådar på kvar omgang. Eg gjekk tom for garn heilt på slutten, men heldigvis er det super service hos strikkenett, så då kom det manglande nøstet kjapt i posten. Takk for strålande service!
Gensaren vart ferdig på søndag, og er snart på veg i vaskemaskina så skal min kjære få ta den i bruk.
Mønster: Slått saman to ulike i Sandnes Tema 15, og mønster med moodstraktorane
Pinnenr: 3,5 og 4mm
Garn: Drops Karisma
Mengde: 773 gram
Meir info på Ravelrysida.
__________________________________
I have knitted this sweater for my husband.

Tårer/ tears

2011-03-07T16:36:00.002+01:00

Såg denne hua strikka i ein annan blogg og fann ut eg ville prøve meg på den. Synes den er fin, men blir nok ikkje eit favorittmønster. Strikka den ein del lenger enn mønsteret tilsa, då eg er ganske kort i hovudet og eg synes den vart litt finare sånn. Den havner i gåvekassen.

Mønster: Tears of bronze

Pinnenr: 3 og 3,5mm

Garn: Drops Alpaca

Mengde: 45gram

__________________________

Tears of bronze. I like the pattern, but it won't be my favorite.

Plain and simple

2011-03-01T20:19:00.003+01:00

Denne er definitivt ein favoritt! :) Det er ei stund sidan den var ferdig og eg har brukt den ein del allerede, men det tok litt tid før eg fekk min kjære mann til å ta bilete for meg. Synes den vart litt åpen i halsen så eg vurderer å flytte den eine knappen på sjølve halsen over på skulderdelen så den blir litt tettare.
Mønster: Plain and simple
Garn: Drops Alpaca
Mengde: 300gram
Pinnenr: 3 og 3,5mm
_____________________________
I love this one! And have already used it a bit before my husband helped me with the photoshoot. ;) The pattern is Plain and simple.

Babyhue og VM-prosjekt/ Babyhat and my World Ski Championship project

2011-02-23T12:00:00.007+01:00

Denne vart strikka for ei tid tilbake. Eg var litt lei av og berre strikke i gutefargar, ettersom alle vennene mine får gutar for tida. Så i "protest" strikka eg ei rosa hue. ;) Eg er utruleg glad i desse huene, synes dei er kjempefine og ettersom eg har forstått på mammaene så er det god passform på dei og.
Mønster: den same som på alle dei andre. ;)
Pinnenr: 2 og 2,5mm
Garn: Diverse restar,- Lanett og baby ull
Mengde: 23 gram

Så har eg visst hengt meg på SKI VM og strikking. Skal strikke Mariusgensar til min mann, men med rundsal og litt annan vri på mønsteret, så får me sjå. Eg har lagt inn passord og prosjekt på SKI VM bloggen så får me sjå når eg kjem i gong. :)
Fekk melding i dag om at ei veninne har fått ein liten gut i går, så eg burde vel i grunn hatt gåva til dei på pinnane gjennom VM, men, men... :)
Dette blir gøy!! Så får me sjå om min kjære mann har ny gensar til 13. mars.
__________________________________
I knitted the babyhat a while ago. Almost all of my friends are giving birth to babyboys at the moment, so therefor I just had to knit something pink. :) I will put it in my gift box.
I have also signed up for World Ski Championship with lots of other knitters, and we are supposed to knit a project during the championship. I am going to knit a Marius sweater for my husband.

Honeybee socks og/and ein vinnar/ a winner

2011-02-22T12:26:00.003+01:00

I adventskalendaren min frå Iris, fekk eg to nøster med Fabel. Etter at eg fekk det første nøstet starta eg kjapt på eit par sokkar. No når eg skulle fortsette på dei, rakk eg opp att og fann eit anna mønster. Mønsteret var kjekt å strikke og raskt, men det er utruleg vanskeleg å få det fram på bileta, og endå vanskelegare når det er melert garn. Eg strikka 7 rapportar med Honeybee mønsteret frå helen og opp, eg droppa dei boblene som skulle vere i vrangmaskene og så hekla eg avslutninga, elles har eg fulgt mønsteret.
Mønster: Honeybee Socks
Garn: Fabel
Pinnenr: 2,5mm
Mengde: 66 gram

Og så må eg berre beklage!! Denne trekninga skulle vore gjort for ei veke sidan. Men...tida har berre ikkje strukke til, både pga lite overskot og ting som måtte ordnast. Og natt til i går fekk eg omgangssjuke. Så formen er ikkje akkurat på topp, men...fann ut at no må det trekkast same kva. ;) Det vart gjort på den gode gammaldagse måten....

Sidan eg har utsatt trekninga ei veke, så vart det to vinnarar. ;) Og vinnarane er:

Tusen takk til alle som har deltatt!! Kjempekjekt!! Som de ser er vinnarane duBedåre og Elin65, flott om de sender meg adressene dykkar på epost: torunnk@gmail.com, så kjem det ei overrasking i posten etterkvart.

______________________________________

Finally, an update. I have knitted a pair of Honeybee socks. I love the pattern, but they are hard to show on a picture. I repeated the Honeybee pattern on the leg 7 times instead of 5, skipped the bubbles and crocheted the ending. Other then that I followed the pattern. The winners of my give away are: duBedåre and Elin65.

Stjernejakke og gje vekk/ My jacket and a give away

2011-01-21T14:59:00.005+01:00

Så var omsider denne ferdig. Starta på den 25.12 og strikka ferdig bolen 1. og 2. juledag. 27. og 28. jobba eg, og 29. måtte eg jo starte på hjartekjolen. Så denne jakken har blitt litt nedprioritert. Eg innser at den vert litt for liten og at eg heretter må strikke figurstrikka jakkar, slik at eg kan strikke i S i livet og auke ut til M oppe, for S eller M heile vegen blir heilt feil. Denne er strikka i S og eg meiner den er for liten, for knappane spriker for mykje når eg brukar den. Anten får eg bruke den open, eller så får veninna mi nyte godt av den og så får eg evt strikke meg ei ny. Eg synes fargen er kjempefin,- og biletet nedst til venstre gjengir nok fargekombinasjonen best. Jakken er strikka i Alfa og det har gått med 596 gram med garn. 256 av dei er strikka etter jul. Så då vart det strikka 11,276 gram med garn i 2010. Så får eg ha som mål å strikke meir enn det i år. ;)
Strikka med pinnenr. 7,- angrar på at eg ikkje strikka med pinnenr 8, sjølv om eg trur neppe det hadde gjort den store forskjellen. Mønsteret er henta frå Sandnes ung mix, tema 18.

I dag oppdaga eg plutseleg at eg har passert 20.000 unike besøkande på bloggen,- så gøy!! Tusen takk til alle som kikkar innom! I den anledning må jo eg og ha ein liten gje vekk. Kva premien vert enno veit eg ikkje, men skriv om du vil ha garn eller om du ønskjer noko heimelaga, så kan både dei som strikkar og dei som ikkje strikkar vere med.

1 lodd dersom du skriv ein kommentar til innlegget

1 lodd dersom du linkar til denne,- bruk biletet oppe til høgre i bloggen.

Det er ingen ekstra lodd om du vel å legge deg til som følgar eller om du legg meg til i blogglista di, men veldig koseleg om du gjer det. ;)

Skriv i kommentaren kor mange lodd du tar. ;)

___________________________________

I have finally finnished my jacket, and I realize it might be too small. I have been looking so much forward to use it, so now I am kind of sad. Maybe my friend will be the one to wear it.

I realized today that I have had over 20.000 unique visitors on my blog, and to celebrate that I have to have a give away. :)

Babytøflar og gåver/ Baby booties and gifts

2011-01-20T15:29:00.003+01:00

Først av alt,- Tusen, tusen takk for alle dei koselege kommentarane på kjolen min i innlegget under. Det set eg utruleg stor pris på!
Det poppar ut med gutar overalt føler eg. Eg har strikka desse babytøflane som kvar av dei skal vere i lag med ei av desse huene. Kjekt mønster å strikke og artig å prøve noko anna.
Mønster: Saartje's bootees
Pinnenr: 3mm
Garn: Gjestal Baby Ull, Drops Alpakka og DSA Alpakka
Mengde: 26gram
____________________________
Most of my friends give birth to baby boys at the moment. I have used the pattern Saartje's bootees.

Eg har heilt gløymd å legge ut bilete av dei siste gåvene i adventskalendaren frå Iris. Den 22. fekk eg eit nøste med Føn,- det har eg ikkje prøvd før. 23. fekk eg gullblondebånd. 24. to nøster med deilig, mjuk Drops baby merino. Tusen takk, Iris!!
For ei tid tilbake dukka det opp ei koseleg gåve i postkassen, nemleg muffinshua som Mimouna har strikka. Eg kommenterte på eit innlegg og ho trakk ut ein vinnar som fekk den i posten. Kjempesøt! Tusen takk!! Anbefaler å ta ein tur innom bloggen hennar!! Ho strikkar dei herlegaste tippehønene. ;)
I dag dukka det opp nok ei gåve, den hadde eg heilt gløymd, så eg forstod særdeles lite. ;) Men då eg las på lappen som fulgte med skjønte eg jo kor den kom i frå. Denne vann eg hos Mariefriis på same måten som i mimouna sin blogg. Tusen takk!! Alltid kjekt med slike overraskingar. Anbefaler ein tur innom hennar blogg og.
Ha ein fin dag alle saman!!
____________________________________
Gifts I have recieved the last month. Three of the gifts (you may see the numbertags) are the last three gifts in my Advent Calender. The two others are give away gifts from Mimouna and Mariefriis.

Hjertekjolen min/ My beautiful dress

2011-01-15T11:36:00.003+01:00

Åååå, det var surt og kaldt å ta bilete ute i dag. Denne starta eg på 29.12.2010 og eg strikka ferdig sjølve kjolen før nyttår. Armane vart strikka på nyåret. Skjørtet og beltet er strikka i str S, men eg auka ut til str M oppe. Første gongen strikka eg S i lengde oppe, og innsåg at det vart for lite, tok opp att ned til halsfelling og strikka lenger. Maska saman på skuldrene, prøvde på og innsåg at det ikkje vart fint med underarmane. I går rakk eg opp att ned til avfelling til ermene og strikka nokre cm lenger før eg felte av til erme og strikka opp att. Maska saman og var nøgd. ;) Halsen vart strikka og armane sydd i. Kl 19 var kjolen dampa og klar og kl 20 fekk me venner på besøk for å feire bursdagen til min kjære. ;) Eg strikka skjørtet litt kortare, då eg ikkje er så lang, og det same med armane. Gler meg til å bruke den resten av helga til feiringar. ;)
Mønster: Hjertekjole
Pinnenr: 3, 4 og 4,5mm
Garn: Drops Delight, Drops Kid Silk og Drops Cotton Viscose
Mengde: 447 gram derav 347 gram strikka i 2010 og 100 gram i 2011
_______________________________
Finally, the dress is finnished. I weaved in all the ends and blocked it at 7 pm yesterday, and at 8 pm our guests arrived. My husband's Birthday is on Monday and we are celebrating this weekend. Friends yesterday and family tomorrow. The skirt is size S and the top size M. I have also knitted the skirt and arms a little shorter since I am quite short.
It is windy and freezing cold today for a photoshoot outside. ;)

Babytøflar/baby booties

2011-01-13T16:33:00.004+01:00

Eg rakk å ta bilete før skumringa la seg godt over gavlen. ;) Som du ser så snør det ute, snøflaka legg seg fint på babytøflane. Desse er gåve, i lag med nokre huer eg har strikka tidligare, til ei veninne som fekk tvillingar i november. Eg har aldri strikka desse tøflane før, men synes dei var ganske fine. Forhåpentlegvis får eg strikka ferdig hjartekjolen i kveld og kan blogge den i morgon. ;)
Mønster: Strikkede babystøvler
Garn: Askeladen Merino-Lammeuld (3 ply)
Pinnenr: 3mm
Mengde: 61 gram
_______________________________
As you can see it is snowing outside, and I managed to take pictures before the dark. These baby booties are knitted for a friend who gave birth to twins in November. Right now I am knitting a dress for myself, and, hopefully, I will finnish it tonight and blog it tomorrow.

Bronte's mitts again

2011-01-11T10:33:00.006+01:00

Eg har blitt veldig glad i dette mønsteret og har fortsatt nokre skrive ned på planen. Kjappe å strikke og så utruleg fine. Tok biletet før eg hadde blokka dei, men, men... Håpar mottakar vert fornøyd. Eg har brukt 30 gram med Kitten Mohair og pinnenr: 3,5 og 4mm. Eg strikka desse på laurdag. Tips om oppskrift fekk eg frå Hudamå.
På dei eg har strikka før har eg repetert chart A 9 gongar etter tommel og chart B 12 gongar. På desse gjorde eg slik mønsteret sa og repeterte chart A fleire gongar til ønska lengde, som då vart 12 gongar og chart B 9 gongar som det står i mønsteret. Eg synes dei vart finast med fleire repitisjonar av chart B enn av chart A, så eg kjem nok til å gjere det vidare.
I år har me fått tilbake det ordentlege Vestlandsvinterveret,- veit ikkje heilt om eg er nøgd med det. Tenk om me hadde fått ein slik vinter som me hadde sist då snøen låg på bakken frå desember til mars? I år er det snø nokre dagar, så snur det om, vert mildt og regn og is. No snør det igjen ute etter mykje regn i går, så får me sjå kor lenge den varer.

Takk for alle koselege kommentarar på innlegga!!
__________________________
I really like this pattern. They are a quick knit and so beautiful. The picture was taken before blocking. I have used 30 grams of Kitten Mohair needle size 3,5 and 4 mm and knitted them on Saturday. I hope the reciever will like them as much as I do.

Haruni

2011-01-09T13:19:00.002+01:00

Omsider eit innlegg frå denne kanten. Godt nyttår til alle. I romjula har eg strikka på hjertekjolen frå Drops og stjernejakken frå Sandnes. Begge prosjekta har lagt i ei veke no, det er kun montering att på begge....og akkurat no er eg ikkje akkurat motivert for montering.
Den siste veka før jul strikka eg 3 par raggsokkar i smug til mannen min. ;) Men raggsokkar er litt kjedeleg å blogge, så dei har ikkje komen inn her.
Men dei siste dagane har eg strikka nok eit Haruni. Så får eg sjå kor det hamnar. ;) Starta på det 5. januar og ferdig 7. Synes dette mønsteret er veldig fint. Og det vart fint med Kitten Mohair. Var litt skeptisk då eg starta på pinnenr 4mm. Rakk opp att og starta på pinnenr: 3,5mm. Synes det vart ein del finare då. Har brukt 107 gram frå lageret mitt og 348,3meter garn. ;) Dette vert eit bidrag til 11 shawls 2011, Gavealongen og Ingen Bønn.
_________________________________
My contribution to 11 shawls 2011. I love this pattern.

Ønskjer alle ei riktig GOD JUL/ Wishing you all a Merry Christmas

2010-12-24T14:51:00.004+01:00

No senkar freden seg og det nærmar seg fjøstid og deretter julefeiring. Eg strikka ferdig eit par vottar som vart tova i går, men har allereie pakka dei inn så det vert ikkje bilete av dei. :) Ønskjer deke alle ei riktig GOD JUL!!
_________________________
Wishing you all a Merry Christmas!!

Huer og gåver/ Hats and gifts

2010-12-21T10:43:00.005+01:00

To The Boy Hats til. Desse er strikka i julegåver. Den raude er strikka i Smart og den mørke blå i Juvel. Begge med garn frå lageret. Strikkar litt i smug for tida til mannen min, så då blir det ikkje strikka så mykje på andre ting. Eg kan ikkje vise fram det som skal til han før på julaftan. Det er ikkje så veldig spennande, men eg vil tru han blir fornøyd. ;) Det har til saman gått med 90 gram på desse to. Det kjedelege er at eg oppdaga desse altfor seint. Dei er utsolgt!! :( Då eg skreiv epost til dei får eg vite at dei ikkje kjem til å produsere nye før langt uti 2011, mest sannsynleg ikkje før til neste jul... :( Men, men...eg skal følge tidlig med til neste år, så kanskje det kan bli neste julegåve til min kjære mann. Det hadde vore så artig og kunne åpne nyefjøsen og servere slike til alle som kom... Men, men....

Sjå alle dei flotte kalendergåvene eg har fått frå Iris! 9. fekk eg mange svarte knappar. 10. Ein pepperkake, til frå "lapp", 11. Eit nøste Fabel i flotte grønnfargar (dette har eg allereie begynt å strikke såvidt på eit par sokkar til meg sjølv av...). 12. Eit nøste lilla Pt Sumtra som eg kan strikke ein kjøkkenklut av,- oppdraget var å strikke den den dagen, men det gjekk litt dårleg sidan me var i 60 årsdag den dagen. ;) Skal nok strikke den i romjula eller på nyåret. 13. Pt2 til å strikke englar av. 14. Eit nøste til med Fabel. 15. Mønster på eit sjal som eg visst skal bruke Fabelnøsta til... obs... eg trur eg må strikke det sjalet av nokre andre nøster... ;) 16. Nydelege maskemarkørar som Iris har laga. 17. Eit nydeleg bilete så eg skal hive meg rundt å sy...Eg veit ikkje heilt om eg tør,- tenk om eg øydelegger det... 18. Ulike ting til å lage maskemarkørar av. Spennande. Det har eg ikkje gjort før. 19. Eit nøste Alpakka i ein nydeleg lillafarge,- til å strikke pulsvarmarar av. 20. Perler til å lage maskemarkørar av. 21. Eit stoffhjarte som Iris har sydd.

På HB var det og HV julevenn i november og desember. Sjå den flotte gåva eg har fått. 2 nøster med Noro og 2 nøster med Pt2, eit kvitt og eit grått. Ein artig sopp, englevinger og ein engel til å henge på juletreet, og knappar, alle desse tinga frå Danmark. Så har ho laga ein eplebeskyttar (den lyseblå) og ein tepose"mappe" (den rosa). Så artig. Tusen, tusen takk til min juleven, som eg ikkje anar kven er...

______________________________

I have knitted two Boy Hats which are Christmas presents. Look at all the wonderful Advent Calendergifts I have recieved from Iris. And the gifts from my secret Christmasfriend at Hobbyboden.

Flower Basket Shawl

2010-12-17T07:54:00.003+01:00

Eg har strikka mitt første Flower Basket shawl. Eg må innrømme at det er lenge sidan eg har hekla sjal no, det er ikkje så mange fine hekla mønster som det er med strikka mønster. Av strikka sjal er det eit hav av mønster å leite i. Det vert nok ikkje mitt siste Flower Basket, tenke eg. Fargane kjem ikkje heilt til sin rett på desse bileta...
Som de ser har me fått snø igjen. Hurra! Og sidan desse bileta er det kome meir, det snødde i heile går, så min kjære mann var ute og brøyta i heile går og i heile natt. Eg håpar denne snøen vert liggande slik at vi får ei kvit jul og min kjære mann kan få sove litt.
I går var eg i Pepperkakebyen for første gong. Imponerande arbeid!
Mønster: Flower Basket Shawl eller frå ravelry
Garn: Idena Mohair Lux
Pinnenr: 5mm
Mengde: 100gram

Anbefaler alle å gå innom her for å sjekke at ikkje dine julegåver ligg hos posten fordi mottakar ikkje har blitt funnen.
________________________________
My first Flower Basket Shawl and we have got snow again!! Crossing my fingers for a white Christmas.

Huer/ Hats

2010-12-16T13:03:00.001+01:00

Eg har strikka to av huene i går og ei på morgonen i dag. Desse skal bli julegåver, men aner ikkje kven som skal få kva enno. Strikka av litt ulikt restegarn, som rubin, smart, karisma og juvel, men mest av rubin. Eg har ikkje rukke å vege dei enno, men skal legge inn vekta i kveld. ;)
Ha ein fin dag!
______________________
These are Christmas presents.

Hello Kitty :)

2010-12-13T18:45:00.002+01:00

Litt meir Hello Kitty. Synes desse var så søte og passa godt i lag med sitteunderlaga. Denne vert og under juletreet i år. Hua er strikka i Karisma, men eg hadde berre nok til eit øyre. Så øyra er strikka i dobbel Baby Ull, medan sløyfa i Fritidsgarn. Sløyfa er festa med ei sikkerhetsnål slik at den kan takast av ved vask og ikkje bli tova. Eg rakk den opp att ein gong då den vart altfor stor til ei lita jente, men no håpar eg og trur eg at den skal passe bra. Det gjekk med eit nøste Karisma, 6 gram Baby Ull og 6 gram Fritidsgarn. Strikka hua med pinnenr: 3 og 3,5mm. Eg fann mønsteret her, men har endra ein del på den for å få fasongen slik eg ville ha den og mtp at eg strikka i eit anna garn. Og så har eg nok ein gong gløymd å ta bilete av adventskalendergåvene,- så eg får prøve å legge ut ei lita oppsamling i morgon. ;) Ha ein fin kveld!
_________________________
I have knitted a Hello Kitty hat for a niece for Christmas.

Hello Kitty

2010-12-12T13:46:00.004+01:00

To Hello Kitty sitteunderlag. Strikka desse for ei stund sidan, men så fann eg ikkje filtenålene og dermed tok det litt tid før eg fekk kjøpt nye og fekk nålefilta på auge, nase og følehår. Eg var veldig spent då eg tova dei, for eg har brukt mange ulike garntypar frå lageret. Men jammen meg tova alt heilt likt og vart den forma det skulle. Litt kan nok vere for at eg strikka dei med to trådar av to ulike garntypar, men den eine garntypen gjekk igjen gjennom heile. Bortsett frå den eine kor det er enkel tråd Cortina i starten og deretter to trådar av ulike andre typar vidare. Det har til saman gått med 380 gram med garn frå lageret. Det rosa er brukt Fritidsgarn. No skal vi avgårde i 60 årsdag.
Ha ein fin 3. søndag i advent alle saman!!
__________________________________
I think these are so cute. One goes in my gift box and the other one are wrapped and will be underneath a Christmas tree this year.

Bronte's mitts again

2010-12-11T08:20:00.002+01:00

Dette mønsteret falt eg verkeleg for. Passar så utruleg bra med lace sjala. Desse er til sjalet i innlegget under. Blir garantert fleire av desse. Eg har brukt 30 gram med Kitten Mohair og pinnenr: 3,5 og 4mm. Mønsteret er fortsatt Bronte's mitts som du finn link til i eit innlegg under.
Det regner og regner her, og dei 40 cm me ein gong hadde med snø er snart borte. I følge vermeldingane skal det visst snu om igjen i kveld eller tidleg i morgon tidleg, så då kan det fort bli glatt.
___________________________
I admit it, I fell for this pattern. These mitts look so great together with the Lace Shawls. These go together with the Lace shawl below. I have used 30 grams of Kitten Mohair and needle# 3,5 and 4mm. The pattern is still Bronte's mitts.
We had 40 cm of snow these last couple of days, but yesterday it started to rain and now we do not have much left. It is supposed to get colder tonight, so I guess it will be icy tomorrow.

Nok eit laceshawl/ Another Lace shawl

2010-12-10T14:55:00.002+01:00

Nok eit 198 yds of Heaven. Desse er kjappe å strikke og blir fine mønster. Eg strikkar ein ekstra av chart 1, elles synes eg det vert for lite. Strikka i Kitten Mohair, pinnenr: 5mm. Det gjekk med 62 gram med garn. Jobbar meg gradvis gjennom garnlageret. ;)
Me hadde 40cm med snø i går. I dag er det typisk Vestlandsver med regn og snøen smeltar. Ingen julekortstemning lenger... :( Håpar det kjem litt meir snø før jul og blir kaldt igjen slik at me får ei kvit jul. Eg har heilt glømt å ta bilete av kalendergåvene frå i dag og i går. Skal legge ut bilete av dei i morgon. ;)
___________________________
Another 198 yds of Heaven. This is a quick knit and a beautiful pattern. I knit an extra of chart 1 so it gets a little bigger. I have used Kitten Mohair yarn, needle # 5mm, and used 62 grams from my stash. We had 40cm of snow yesterday, but not anymore. Today it is a typical weather for the Western Coast, rain and warmer. Hopefully, it will get colder and we will have some more snow before Christmas Eve. I have totally forgotten to take pictures of the gifts I have recieved in my Advent Calender. I will blog about them tomorrow. ;)

Bronte's mitts

2010-12-09T14:57:00.002+01:00

Etter at eg hadde strikka swallowtail lace shawl, som du kan sjå her spurde eg inne på Hobbyboden om nokon visste om eit mønster på pulsvarmarar som kan passe til. Då vart eg tipsa av Iduns om desse, Bronte's mitts. Eg har brukt 28 gram på dei, og har no 2 gram igjen med Kauni etter to Swallowtail Lace shawls og eit par pulsvarmarar. Eg har brukt pinnenr.: 3 og 3,5mm. Eit nytt par er allereie på pinnane og skal matche eit anna sjal.

Siko og eg har vassa oss ein tur i snøen i dag og. Rakk berre eit bilete før batteriet i kamera var tom for straum. :( Det tok litt tid før Siko forstod at det var ein smule smartare å gå i mine fotspor enn å brøyte veg for meg. Men me kom oss no rundt beitet ganske anpusten kan ein seie... I dag har eg hengt opp meisebollar, så kjekt å sitte inne og sjå på kjøttmeisen som et medan Sotus (katten) ligg inne i senga si og søv vel uvitande om at det er mykje fugl rett utanfor nasetippen hans.

__________________________________

I have knitted a pair of Bronte's mitts to match the Swallowtail Lace Shawl I knitted earlier. After two Swallowtails and one pair of wristwarmers I now have 2 grams left of Kauni. I have started on another pair to match another shawl.

Our dog, Siko, and I have been walking in the snow today too. But I was only able to take one picture before the battery was out. :(

Snø/ snow

2010-12-08T15:31:00.003+01:00

Dei to øvste bileta her vart tekne då Siko og eg vassa på tur i snøen på søndag. Eg elskar slike vinterbilete og håpar me får ein like fin vinter denne gongen som me hadde forrige vinter.

Skimter du fuglane oppe til venstre i bjørketreet? Dette biletet er tatt for ein time sidan ut altandøra. Synes himmelen var heilt fantastisk flott og måtte ta litt bilete. Må nok gå og finne meisebollane i kveld og henge dei ut,- høgt oppe så Sotus (katten) ikkje får tak i fuglane.

I dag fekk eg eit mønster på kjøkkenhandkle til steikeovnsdøra i adventskalendaren frå Iris. Mønsteret har ho designa sjølv. Dei to nøsta med brun Mandarin petit fekk eg i går og i forgårs. Blir spennande å prøve dette etter at alle julegåvene er strikka ferdig. ;)

________________________________

I love the winter and taking pictures on a beautiful winter day. Can you see the birds on the third picture? The top two are taken on Sunday. The next two pictures are taken an hour ago. I recieved a pattern today in my Advent Calender from Iris. Looking forward to start on it.

Fleire julekuler

2010-12-07T17:57:00.002+01:00

To julekuler til og eg trur nok ikkje det vert dei siste. :) Eg har ikkje kjøpt boka enno, men funne meg eit mønster og kikka litt på andre julekuler for å strikke mønster på dei. I går var eg innom Husfliden i by'n og fann Arne & Carlos si julekulebok og konkluderte i grunn med at eg ikkje treng kjøpe ho. Kjem nok berre til å strikke dei mønstra eg har funne og evt bruke litt selbuvott mønster osv på nokre. Det går ikkje mykje garn med på desse.
Eg fekk eit brunt nøste til med Mandarin petit i adventskalendaren i dag, så no er eg spent på kva plan Iris har med dei. ;) Ha ein fin tirsdagskveld!
_________________________________
I have knitted some more of these and they are not the last ones. ;) Have a nice Tuesday evening.

Hals/Neckwarmer

2010-12-06T08:45:00.003+01:00

Eg fekk Drops Alpaca Boucle i adventskalendaren 2. og 3. desember. 4. desember fekk eg mønster på ein hals. Den har eg strikka no. Deilig og mjukt garn, men ikkje sånn "jippi, hurra, dette vil eg strikke mykje med"- følelse. ;) Men artig å ha prøvd.

I går fekk me bakt julekaker,- slag 2. Så viss me no skal gå for dei 7 så er det 5 igjen. ;)

Mønster: Frå Inspirerende Hobby, Molde

Garn: Drops Alpaca Boucle

Pinnenr 6mm

Mengde: 100gram

Her er og gåvene eg fekk 5. og 6. desember frå Iris. Lysene brant eg i går,- koseleg. Garnet er eg veldig spent på kva plan ho har med. Så får eg berre håpe og tru at Iris er fornøyd med adventskalendaren eg har laga til henne.

_______________________

I recieved two skeins of Drops Alpaca Boucle in my advent calender and also a pattern for a neckwarmer. I love the feeling of the yarn, but I didn't love knitting with it. ;) But it was fun trying and the neckwarmer is so soft.

The last two pictures are gifts I got in my advent calender today and yesterday.

Swallowtail Lace shawl og/and julestemning/ Christmas spirit

2010-12-05T14:32:00.008+01:00

Det var ikkje enkelt å ta bilete i dag, men, men...prøver så godt eg kan. ;) Har strikka nok eit Swallowtail Lace Shawl, eg aner ikkje heilt kor dette skal enno og foreløpig hamnar det i gåveeska. Så får eg sjå. Det hadde snødd 15 cm i natt, så det var nydeleg utanfor. Siko og eg rusla oss ein tur i snøen rundt beitet, ganske tungt å gå i ubrøyta snø, men veldig kjekt. Eg har fått to lilla telys og noko lilla dekor steinar i julekalendaren, men har heilt gløymd å ta bilete. Legg ut bilete i morgon. ;)
Mønster: Swallowtail Lace Shawl
Garn: Kauni
Pinnenr: 4mm
Mengde: 100 gram
Eg har igjen 30 gram. Held det til pulsvarmarar?!? Nokon som har ein link til eit mønster som kan passe i lag med dette sjalet?
Ønskjer alle ein fin 2. søndag i advent!

________________________________

I have knitted another one of the Swallowtail Lace Shawl,- knitted in Kauni. I have about 30 grams left. Is that enough for wristwarmers?! Does anyone know about a pattern for wristwarmers to go with the shawl? Our dog and I went for a walk in the snow today, it had snowed about 6" tonight so it has been so beautiful outside.

Odessa

2010-12-04T14:30:00.006+01:00

Eg er veldig glad i dette huemønsteret og ender ofte opp med å strikke dette. Eg er liten i hovudet og strikkar ofte huer i min storleik og får dermed ofte høyre det av ei veninne at huene blir for små til henne. Så denne gongen har eg strikka hua litt ekstra stor. Så får eg håpe den passar til andre enn meg.

Mønster: Odessa

Garn: Viking Frøyagarn

Pinnenr: 3 og 3,5mm

Mengde: ca 50 gram

I adventskalendaren i går mottok eg eit nøste likt som det eg fekk den 2. I dag fekk eg eit mønster på ein hals til dette nydelege og mjuke garnet. I tillegg fekk eg ein flott maskemarkør som Iris har laga. Og maskemarkørar kan ein jo aldri få nok av.

No skal eg berre strikke ferdig eit sjal og blokke det, så er eg nok i gong med halsen. Gler meg til å prøve ut det flotte garnet.

___________________________________

I love this hat pattern,- Odessa. I have knitted this one in Viking Frøya. My head size is not the biggest one and one of my friends is always complaining that the hats I have knitted fit my head and not hers. So this one I have knitted too big for me.

Yesterday, I recieved another Alpaca Boucle yarn in my Christmas calender from Iris. Today I recieved a pattern to go with it and a stitch marker,- you can never have too many of those. I will start on the new pattern this evening right after I have finnished off a shawl I am knitting on.

Monsterbukse/ Cranky pants

2010-12-02T13:15:00.006+01:00

Denne har vore ferdig lenge, men det tok litt tid før eg orka å sette i gong med montering... I dag er den gjort ferdig. Eg viser berre baksida, ettersom framsida er heilt lik, berre utan ansiktet. Synes desse er skikkeleg festlege og kjem nok til å strikke fleire framover. Eg har brukt litt ulike mønster. Buksa er strikka i str 4 år og i Sandnes Smart. Pinnenr: 3,5mm og det har gått med 280 gram med garn. Håpar barnet som skal få denne og synes den er like artig. ;)

Eg har og opna pakke nr. 2 i kalendaren min frå Iris, og har motatt dette flotte og spennande garnet.

________________________________________
My first cranky pants, but not my last ones. I have also opened another present today in my Christmas calender from Iris. I recieved a skein of soft and beautiful alpaca yarn.

Bella's mittens og/and julekalendergåve/ Christmas calender gift

2010-12-01T13:59:00.002+01:00

I dag har eg opna den første luke i adventskalendaren min. Eg har fått adventskalendar av Iris.

Ho har laga eit hjarte av perler til meg som eg kan ha som pynt i ei blomsterpotte,- og det gjer den no. Litt vanskeleg å få fram fargane. Elles har eg strikka eit nytt par med Bella's mittens til ei veninne som hadde bursdag for 1,5 veker sidan. Dei skal leverast om eit par timar. Eg strikka ei ekstra flette etter tommelen for å få dei litt lenger.

Mønster: Bella's mittens

Garn: Dobbel tråd Kitten Mohair

Mengde: 78 gram

Pinnenr: 5mm

_____________________________

A pair of Bella's mittens for a friend's Birthday. I have also opened my first present in my Christmas calender from Iris, a beautiful ornament for my flower.

Isskrapevottar/julekalender/jul/ Icescrapemittens/Christmas calender/Christmas

2010-11-30T08:26:00.003+01:00

Dette biletet vart litt merkeleg, men då fekk eg inn litt diverse ting. ;) Isskrapevottane er strikka på bestilling for ein kollega. Han bestilte 3 til herre og 3 til dame. Eg har strikka 6 av kvar (ein damevott har eg frå før, så den er ikkje med på biletet) så kan han velge kva av dei han vil ha. Resten vert nok i julegåver til ein avløysar og kona ++. Så då får eg sjå på jobb i dag kva av dei han helst vil ha. Det er til saman brukt 739 gram med garn.
Hin dagen mottok eg adventskalendar frå Iris. Eg var for sein på HB til å melde meg på årets runde og Iris var så hyggeleg å sende meg ein pm om me skulle vere adventskalendervenner, så det var jo veldig koseleg. Eg gler meg til å opne den første i morgon. Kjem nok eit innlegg kvar dag med spennande pakkar. ;)
Elles pynta eg litt til jul på søndag. Eg har aldri pynta så tidleg før, og er van med at det blir pynta 23.desember, og kun adventsstake fram til då. Synes jula varer litt kort då, så i år prøver eg ein ny vri, så viss ikkje eg blir lei av jula, så blir nok dette vår tradisjon. Pynter litt kvar helg fram til jul. Men...juletreet får ikkje kome inn i hus før 23. desember. ;) Dei flotte nissane har ei svigerinne strikka til oss.
__________________________________
I have knitted icescrapemittens for a colleague. He ordered 3 of each, but I have knitted some more so he can choose which colors he wants.
I recieved a wonderful package the other day from Iris. She is my adventcalender friend this year. I can't wait until tomorrow!
On Sunday I put out some of the Christmas decoration. I am not used to decorate before the 23rd of December, so this is so early. But I'm planning on decorating a little bit each weekend until the 23rd. But....the Christmas Tree has to stay outside until the 23rd. ;)
The beautiful Santas has a sister-in-law knitted for us.

Kjøkkenklutar /Dish cloths

2010-11-29T07:19:00.006+01:00

Det er alltid greit å strikke slike kjøkkenklutar. Veldig greit og enkelt prosjekt som krev ekstremt lite tankevirksomhet. :) Kjappe og så er dei veldig gode å bruke. Den lysaste blå er strikka i Tuva og pinnenr: 4,5mm, resten i Mandarin Petit og pinnenr: 3mm.
Til saman er det brukt 180 gram

Ønskjer alle ei fin veke!!
_____________________________________
I like these dish cloths, easy peasy to knit and great in use.
Wishing you all a nice week!!

Julekuler

2010-11-28T00:17:00.005+01:00

Så vart det visst Arne og Carlos sine julekuler på meg og. ;) Dei var artige å strikke så eg kjem nok til å strikke fleire, trur eg. Eg trudde eg hadde ein rest med mørk grønn Finull som eg kunne bruke til ei eller to kuler, men den gong ei. Så då vert dei kvite og raude.
Dei to øvste er strikka i Pt2 medan den nedste er strikka i Pt2 (raudt) og Tove (kvitt).

Mønster: Arne & Carlos julekuler
Garn: Pt2 og Tove
Pinnenr: 3mm
Mengde: 11gram kvit Pt2 og 10 gram raud Pt2, 6 gram Tove

Tøflar og nye bilete i innlegget under av kudressen :) / Slippers

2010-11-27T16:29:00.005+01:00

Eit forsøk på å bruke av garnlageret. ;) Dei mørkegrøne er strikka i Eskimo, og tøflane vart tova litt ulikt, så den eine tøffelen måtte ein ekstra runde i maskina. Dei gule er strikka i Vamse og i barnestorleik. Foreløpig hamnar dei i gåvekassa, så får me sjå kor dei vert av seinare.
Det er uansett temmeleg kaldt her for tida, så tøflar er bra å ha.
I dag mottok eg adventskalendar i posten frå Iris,- gjett om eg gler meg til 1.desember!!
Eg har brukt 2nøster med Vamse og 4 nøster Eskimo.
_____________________________________
Two pairs of slippers for my giftbox, one for adults and one for a child.

Kudress

2010-11-23T15:19:00.008+01:00

27.11.2010: Har lagt inn nye bilete. :)
Denne har vore eit langt kapittel. Starta på den andre helga i september då me skulle til Seljord på Dyrsku'n. Strikka på den då me var på ferie i Tyrkia,- då strikka eg ferdig alt det einsfarga og den eine armen. Men når ein strikkar mønsteret på erma må ein følge med gitt. Så då eg var ferdig med ein arm tok eg fint pause i over ein månad. Etter det har eg tatt alt litt pø om pø og lovd meg sjølv at eg no skal måle vidden på erma i denne storleiken slik at eg neste gong ikkje treng strikke rundt og slepp den kjedelege monteringa med å sy/klippe/strikke og sy belegg... Eg strikka ein slik ein for nokre år sidan og, men eg trur jammen meg eg hadde fortrengt kor mykje arbeid det var. ;) Men bortsett frå det synes eg at dressen vart fin. ;) Den er no ferdig, har vore gjennom vaskemaskina og skal dampast og pakkast. Så skal den i posten til ei veninne som eg studerte på veterinærhøgskulen i lag med. Ho elskar kyr og så fekk ho ein son i september.

Mønster: Frå Dale 135 (trur eg)

Garn: Gjestal Baby Ull

Pinnenr: 2 og 2,5 mm

Mengde: 357 gram

Storleik: 12/18mnd

________________________________

A cow suit (?) knitted for a friend of mine who gave birth to a little boy in September.

The Boy Hat

2010-11-20T08:46:00.002+01:00

Omsider ei oppdatering frå denne kanten. Eg må innrømme at det har gått svært treigt på strikkefronten dei siste månadane. Denne lua vart strikka i går til ein svoger og kom rykande fersk frå strikkepinnar og damping til han innpakka i bursdagspapir i går. ;) Eg er utruleg glad i dette mønsteret.
Mønster: The Boy Hat
Garn: Sandnes Garn Smart
Pinnenr: 4,5mm
Mengde: 77gram
___________________________________
Finally, an update from me. I have not been in the biggest knitting mood lately. I knitting this hat yesterday for a brother-in-law. I finnished it, wrapped it and gave it away. ;) I love this pattern.

Fiona

2010-10-08T08:50:00.004+02:00

Denne har visst vore ferdig ei stund. Den vart ferdig dyrskuhelga i Seljord, som forøvrig var ei regnfull oppleving. Men bonden sjølv fekk no sett på traktorar og maskiner og eg fekk sett på husflid, så då var vel begge godt nøgde, tenkjer eg. ;)

Fiona er strikka i Tynn Alpakka frå Du store alpakka, eit mjukt og deilig garn, og mange flotte fargar. Eg aner ikkje kven som skal få den enno, så den vert foreløpig liggande i ei av gåvekassane. Eg må få begynt å ta litt bilete ute igjen snart, for det vert så mykje finare...

Mønster: Fiona's dress

Pinnenr: 3 og 3,5mm

Mengde: 95gram

______________________________

Another Fiona. This one was done the second weekend of September. It will end up in my giftbox for a while.

Pulsvarmere/ wristwarmers

2010-09-18T08:13:00.002+02:00

For ei tid tilbake fekk eg tips frå Liv om at eg kunne strikke Anna's wristwarmers av restane eg hadde i Kitten Mohair. Desse var kjekke å strikke og det vert nok sikkert fleire. Men foreløpig siklar eg mest på Veyla og eg trur det må bli nokre av dei i tida framover. ;)
Mønster: Anna's wristwarmers
Garn: Kitten Mohair
Pinnenr: 3,5mm
Mengde: 20gram
_________________________________
A while ago I got a tip from Liv that I could use my left over Mohair yarn to knit Anna's wristwarmers. They will end up in my giftbox, and I might knit some more. But..first I want to knit Veyla. I love that pattern.

Babyhuer/ Baby Hats

2010-09-16T09:01:00.004+02:00

Eg har vore litt dårleg på blogging i det siste og har liksom ikkje heilt funne fram til motivasjonen. Men...eg har no strikka litt for det. ;) Desse har vore ferdige ei god stund. Kusina mi fekk ei slik babyhue når sonen hennar vart fødd. Og eg fekk eit spørsmål om eg kunne strikke ei til til henne. Så då fekk eg lyst til å strikke mange og den eine etter den andre vart til. Den brune og off white er til henne. Alle er strikka i str 1 år, medan den blå og brune er strikka i str 2år. Til saman har det gått med 158 gram på desse 7 huene. Dei er strikka i ulike typar garn som: Alpakka, Nøstebarn sitt Merino Lamuld, Babyull og Lanett.
_____________________________________
My cousin asked if I could knit a babyhat like this for her son. I felt like knitting a bunch of them. ;) The brown/white one is for her.

Tova gensar/ Felted sweater

2010-08-27T07:06:00.002+02:00

Denne gensaren vart strikka i forsøk på å minke garnlageret. Då eg hadde strikka bolen angra eg litt, for...fargen er jo nydeleg og eg kunne jo heller ha strikka noko til meg sjølv. ;) Men, men... Eg aner ikkje kven som skal få den. Den var opprinneleg strikka i str 12 år, men Finull garnet forstår eg meg ikkje heilt på. I vaskemaskina vår må eg som regel tove ting to gongar først på 40 og så gjerne igjen på 40 eller 60 for at eg skal bli fornøyd. Dette har eg måtta med Tove og med Finull før. Så hadde eg jo det brune garnet i dei teppene som nesten ikkje tova. Denne fargen tova alt for mykje!! Ser nesten ikkje att mønstra slik ein skulle. Så det var litt kjedeleg. Men, men... er vel gjerne str 10 eller 8 no. ;)

Mønster: Frå same heftet som den kjolen med hjarte på

Pinnenr: 4,5 og 5mm

Garn: Rauma Finull

Mengde: 350gram

Sjal/ A shawl

2010-08-26T07:10:00.002+02:00

Bileta vert ikkje så fine når ein må ta dei inne som når ein kan ta dei ute. Trur eg må prøve å få tatt nokre nye bilete i løpet av helga. ;) Nok eit 198 yds of Heaven. Her strikka eg akkurat slik det stod i oppskrifta, på dei andre har eg strikka ein ekstra med chart 1. Dette vart veldig kort, så eg kjem nok ikkje til å strikke fleire i den lengden. Jobbar meg fortsatt gjennom garnlageret,- derfor mykje petrol no. :-) Held på med Petrol i Kitten Mohair. Har ca 27 gram igjen av den mørkaste, så får eg sjå kva eg skal bruke den til. Nokre forslag?
Mønster: 198yds of Heaven (sjå link ved dei andre innlegga)
Garn: Kitten Mohair
Pinnenr: 5mm
Mengde: 43gram
______________________________
Another 198 yds of Heaven. On this one I followed the pattern and didn't knit chart 1 once more. I think it is too short. I am working my way through my stash, and as you can see right now I am on Petrol from Sandnes Garn Kitten Mohair. :) I have got 27 grams left of the darkest one. Any ideas what I should knit or crochet from it?

Fleire vottar/ More mittens

2010-08-25T07:56:00.002+02:00

Nok eit par med Bella's mittens. Desse er strikka i to ulike trådar med petrolfarge, rett og slett fordi eg var usikker på om eg hadde nok av den mørke til å strikke dei i kun den mørke petrolfargen. Dei havnar i gåvekassen min dei og. Trur eg snart må skrive ei liste over kva folk skal få til jul. :) Utruleg kjedeleg å ta bilete inne, men det regnar ganske mykje ute, så dei bileta vert nok ikkje så mykje betre.
Mønster: Bella's mittens (sjå link i dei andre innlegga)
Garn: Dobbel tråd Kitten Mohair
Pinnenr: 5mm
Mengde: 72 gram
_________________________________
Another pair of Bella's mittens. I love this pattern. :) This pair of Bella's will end up in my gift box.

Fiona

2010-08-24T06:56:00.003+02:00

Det er lenge sidan eg har kjøpt denne oppskrifta, men først no at eg har strikka den. Den er strikka i ein petrolfarge med mørkerosa striper. Synes den vart ganske fin, og kjem nok til å strikke fleire like. Endra litt på mønsteret for å gjere det litt enklare. Beklager dårleg bilete, men det regnar ute og ikkje det beste lyset ute no på morgonen heller. Eg skal sjå om eg ikkje kan få tatt nokre nye i ettermiddag. :) Den er strikka i str 1 år.
Mønster: Fiona
Garn: Kitten Mohair
Pinnenr: 3 og 3,5mm
Mengde: 79 gram
______________________________
My first Fiona, but not my last one... :)

Bella's vottar og geitramssaft/ Bella's mittens and Fireweed lemonade

2010-08-17T18:33:00.004+02:00

For ei stund sidan hadde Beate laga geitramssaft, ho la ut oppskrifta i bloggen sin,- så...då måtte eg prøve. Safta er kjempegod!! Smakar litt solbærsaftaktig. Så min kjære mann og eg har allerede bestemt oss for at det må garantert plukkast meir geitrams og lage meir saft. Takk for at du la ut oppskrifta, Beate!!
Eg har strikka eit par til med Bella's mittens. Synes dette mønsteret er kjempeflott så det blir garantert fleire. Neste par er alt på pinnane. ;)
Mønster: Bella's mittens
Garn: Kitten Mohair, dobbel tråd.
Pinnenr: 5mm
Mengde: 70gram
____________________________
A while ago Beate had made Fireweed lemonade and had the recipe in her blog, so...I had to try it. The lemonade is so good!! My husband and I have already decided that we have to pick more Fireweed flowers and make more lemonade.
I have also knitted another pair of Bella's mittens. I love this pattern, and has already started on another pair.

Haruni

2010-08-16T07:13:00.006+02:00

Mitt første Haruni,- og det vert nok fleire. Ganske lange omgangar under siste delen med over 500 masker, men det var jammen meg verdt det når det vart slik. :)
Mønster: Haruni
Garn: Kid Mohair laga for Knapphuset, lyseblå, eller lys turkis
Pinnenr: 3,5mm
Mengde: 68gram
___________________________________
My first Haruni,- and I am in love!!

198 yds of Heaven

2010-08-15T08:11:00.003+02:00

Dette strikka eg forrige laurdag til svigerinna mi som hadde bursdag på fredag. Veldig greie å strikke desse sjala, men ein vert fort litt lei dei og. :) Litt lite utfordringar på dei. Ha ein god søndag alle saman!!
Mønster: 198 yds of Heaven
Garn: Kitten Mohair
Pinnenr: 6mm
Mengde: 79 gram
______________________________
I have knitted another of Christy Verity's 198 yds of Heaven. I like this pattern because it is a quick knitting, but I guess you can also get tired of it, because it is not much of a challenge. ;) This was a present for a sister-in-law on her Birthday this Friday. I knitted this shawl last Saturday. Have a nice Sunday!

Pulsvarmarar og litt shopping/ Wristwarmers and some shopping

2010-08-14T09:37:00.006+02:00

Då er eg omsider tilbake. Takk til alle som stikk innom og skriv slike koselege kommentarar. Det er så kjekt! I dag skal eg ta meg ein tur innom til alle dåke og ta meg ein ordentleg bloggrunde.

Dei grå pulsvarmarane har eg kjøpt av Felisi, og i lag med pulsvarmarane kom og oppskrifta. Den er forøvrig lagt ut i bloggen hennar og. Tusen takk Felisi! Dei er nydelege. Litt endringar hadde ho gjort og det har eg og. Kjempeflotte!! Dei lilla har eg strikka. Eg hadde ein liten rest igjen som eg håpa skulle halde til eit par til, så eg reduserte litt på talet på repeterte rapportar på den nedste delen, men....det gjekk ikkje. Kitten Mohair er ikkje det mest festlige garnet å rekke opp att, så dei ligg her, så kanskje eg kan finne ein anna farge som den øvste delen kan strikkast i.

I går var me i eit koseleg bursdagsselskap til ei svigerinne. Delar av gåva hennar var desse pulsvarmarane. Resten av gåva skal eg prøve å få lagt ut i kveld.

Mønster: Felisi

Garn: Kitten Mohair

Pinnenr: 3mm

Mengde: 19 gram i dei ferdige:)

Denne nydelege strikketøymappa har eg og kjøpt av Felisi. Gler meg til å ta denne med meg når eg skal ut og reise og i besøk, i stadenfor å ha med meg posen min. :) Eg anbefaler deg å ta ein tur innom bloggen hennar å sjå alt det flotte ho lagar! ________________________________

I have knitted the purple wristwarmers after I recieved the grey ones and the pattern from Felisi. They are beutiful so I am definetly going to knit more of these.

Bella's vottar/ Bella's mittens

2010-08-06T23:23:00.003+02:00

Desse har eg aldri strikka før, men dei var kjappe å strikke, varme og gode. Langt skaft på dei, som gjer at dei varmar godt til vinteren. Eg kjem garantert til å strikke fleire av dei. I går hadde eg besøk av ei veninne, som allereie har putta dei på ønskelista si til jul. ;)
Mønster: Bella's mittens
Pinnenr: 5mm
Garn: Kitten Mohair, 4825
Mengde: 73 gram
______________________________
My first Bella's mittens,- and I am in love!!

Badedamer på veggen/ More bathing ladies

2010-08-04T20:25:00.003+02:00

Då går det unna. Deilig med avspasering. Dagen starta ganske trått i dag, men begynte på desse badedamene, som skal henge på veggen, i går, så fekk gjort siste finishen i løpet av dagen. Det skal eigentleg vere tre damer på rad og rekke på eit slikt veggteppe, men...ettersom badet vårt er ganske lite og me ikkje har dei store veggflatene, så delte eg dei opp. No heng det eine over dei badedamene som du ser i forrige innlegg og den andre heng over do. ;)
Eg har eit slikt sett til, der eg kan lage eit sånt stort veggteppe, men eg veit ikkje om eg gidd. Foreløpig har eg jo ingen plass å henge det heller.
Tok med litt bilete av dei eg laga i går og, rett og slett fordi eg ikkje fann nokon montasje der eg fekk vist heile veggteppa og så er eg jo blitt litt hekta på desse photoscape greiene. :) Er jo ganske kjekt å vise fram bileta på denne måten.
__________________________________
I have made these beautiful ladies for our bathroom walls. ;)

Badedamer/ Ladies

2010-08-03T12:42:00.002+02:00

Endeleg!! Det er minst 2 år sidan eg klipte opp delane til desse, la det vekk og tok det først fram igjen i gårkveld. Synes desse er kjempeartige og dei passar bra inn på badet. Eg avspaserer dei fire første dagane av denne veka, søv mykje og kosar meg elles med handarbeid. Eg har henta fram eit veggbilete med badedamene på og, så får eg sjå om eg får sydd det og. Litt smale veggar på badet vårt, så dei må i såfall delast opp litt med ei badedame på kvar. Ha ei strålande veke alle saman!!
_______________________________
Finally!! It is at least two years since I cut up all the pieces to sew these ladies. I put it away and last evening I finally started to sew them. I love these, and they fit perfectly in our bathroom. Have a wonderful week!

198 yds of Heaven

2010-07-31T23:36:00.004+02:00

Dette gjekk superkjapt å strikke. Starta på det seint på kvelden 18.juli og var ferdig dagen etterpå. La det til blokking rett før forrige helg og fekk endeleg tatt bilete av det i kveld. Eg strikka ein rapport ekstra på chart 1, slik at eg strikka rad 1-22 ein ekstra gong. Synes det vart passeleg lengde på det då. Dette hamnar og i gåvekassen min. No har eg ganske mange gåvekassar, så det vert greit til jul og til bursdagar framover. ;)

Mønster: 198 yds of Heaven

Garn: Kitten Mohair, 4513

Mengde: 65 gram

Pinnenr: 5mm

For ei tid tilbake vart eg med på ein giveaway på TanteUlla's blogg. Og eg vann dette flotte Wollmeise nøstet. Eg har aldri prøvd Wollmeise før, så dette blir spennande. Eit deilig å mjukt garn.

Elles vil eg anbefalle deg ein tur innom TanteUlla's blogg,- ho lagar mykje fint og har ein koseleg blogg.

I dag har eg og oppdatert på Ravelry både med prosjekt og faktisk lagt inn noko på Stash. Utruleg kjekt eigentleg for no oppdaga eg at eg hadde fleire nøster av enkelte garntypar som eg trudde eg berre hadde eit nøste av osv. Tar litt tid å legge inn bileta så eg gjorde det samtidig som eg rydda og vaska huset... "Oprah calls it multitasking" :)

_____________________________

I've knitted 198 yds of Heaven and won my first Wollmeise at Tante Ulla's blog.

Smetteskjerf/ Babyshawl

2010-07-27T19:18:00.003+02:00

Då har eg strikka to sjal på bestilling. Det kvitaste er i str 2 år, medan det andre er i str 1,5 år. Kjekke sjal å strikke. Dei vart sendt i posten i går, så dei dukkar forhåpentlegvis opp ein av dei nærmaste dagane.

Elles har eg hatt ei fantastisk flott helg i Stavanger i helga med gode veninner frå tida i Lyngdal på vidaregåande. Kjempekjekt!! Det er så altfor sjeldan me møtes alle saman, ettersom eg er den einaste som bur i Hordaland. Stavanger er ein nydeleg by og i så flott ver som det var i helga er det fantastisk!

Garn: Baby Ull og Lanett

Pinnenr: 2,5mm

Mengde: Klarte å sende det avgårde før eg vegde dei... :(

_____________________________

Two babyshawls knitted on request. :)