Desse kjærestevottane strikka eg til ei veninne som gifta seg på laurdag. Eg glømte jo sjølvsagt å ta bilete av dei før eg pakka dei inn, så biletet er tatt på gåvebordet.
Men for eit styr å strikke dei!! Eg tenkte eg skulle prøve å strikke dei på 30cm rundpinne, men oppdaga til slutt at dei var strikka litt for stramt, så eg rekte opp att og strikka dei på strømpepinnar (ikkje kjærestevotten, den var ok). Den eine votten måtte eg rekke opp endå ein gong, då eg ved felling oppdaga at eg hadde glømt å strikke det ekstra mønsteret på baksida. Eg rakk ikkje bli ferdig med vottane før eg skulle reise til Skien i bryllaup, men då eg kom dit festa eg trådar og sydde saman medan brura var hos presten på fredagen og var og pynta i lokalet. ;) På kvelden fekk eg låne strykejern av brura for å dampe dei, men trur de ikkje at strykejernet blåste ut noko så den eine votten vart full i brune flekkar??? Gjett om eg var lei då. Men på laurdagen håndvaska eg dei med Milo og det gjekk faktisk vekk. Så med litt tørke i sola vart det bra. ;) Så...eg slapp heldigvis å strikke enno ein gong. Men no er det meste notert i mønsteret, så då slepp eg å strikke dei fleire gongar neste gong. For dei er koselege å strikke og kjekke å gi vekk! Dei er strikka i Smart.
__________________________________
A friend of mine got married on Saturday, and I knitted a pair og mittens for couples for them. I hope they like them! The picture is taken on the present table, since I forgot to take a picture before I wrapped them.
