Adventskalendergåver

Jada, eg jobbar fortsatt med å få ut alt frå 2013.

Kvar gong eg ser gjennom albumet og prøver å samle i hop det eg kan legge ut i lag ser eg at "Oi, der var noko og, det hadde eg jo gløymd". Så det blir litt kollasje framover så eg får dei ut og kan starte på 2014. :)

Barndomsveninna mi, Jorunn, og eg har dei siste to åra laga adventskalendarar til kvarandre. Det er veldig koseleg. I 2013 laga eg store delar av gåvene til henne.

Adventslysa oppe til venstre er IKEA lys. Eg har kopiert tekst over på silkepapir og brukt varmluftspistol til å få det på lysa. 

Ho fekk ei lilla lyslykt og ei raud, men det er to bilete av kvar med og utan lys i.

Det gjekk med 20 gram mandarin petit til den raude og 20 gram Marks & Kattens Bianca (HUV garn) til den lilla lyslykta. Eg hekla ei heilt lik lilla lyslykt til meg sjølv og.

Dei raude glasbrikkene er hekla i Mandarin petit og kanten er London gull. Her bør eg eigentleg springe på loftet å hente fram nøsta for å finne ut nøyaktig kva eg brukte av kvar, men, ja, dei veg 42 gram til saman. :)

Dei kvite make-up remover padsa er hekla i Mandarin petit og det gjekk med 25 gram.

Tøflane og gryteunderlaga er strikka og hekla i Eskimo og tova i vaskemaskin. Det gjekk med 171 gram til tøflane og 81 gram til gryteunderlaga.

Ja, då nærmar eg meg, litt etter litt. :)

Ny blogg

Mannen min har lenge mast om at han ønskjer at me har ein bondeblogg.

Hin dagen gav eg etter for presset og me oppretta Keilegavlen Gard.

Ta ein tur innom då, og legg gjerne att ein kommentar. :)

"Ta vare på deg sjølv"-kurv

Dei siste vekene har det vore ein del tøffe tak her i heimen,

så det har blitt lite søvn og lite blogging.

Eg har strikka litt desse vekene, men det er ikkje alltid overskotet

har vore der, men litt skal eg forhåpentlegvis få lagt ut framover.

Ei god veninne av meg har hatt det litt tungt i det siste og eg fann

ut at jenta trong ei lita oppmuntring og, rett og slett, ei påminning

om å ta vare på seg sjølv.

Så i den anledning har eg laga ein "ta vare på deg sjølv"-kurv.

Så når ungane er komen i seng skal ho legge alt husarbeid til sides,

ta på seg varme, gode, tova tøflar, eit par varme pulsvarmarar,

tenne telys, drikke litt god kaffi, ete litt god sjokolade

(troika og kvikk lunsj mjølkesjokolade som er hennar favorittar)

og lese litt i KK eller Julegleder og kun pleie seg sjølv.

Tøflane ho fekk ser du på biletet over.

Dei er strikke i Drops Eskimo på pinnenr 7mm

og det gjekk med ca 171 gram.

Dette er pulsvarmarane ho fekk.

Dei er strikka i Inca Alpakka på pinnenr 3mm.

Det gjekk med 21 gram.

Mønsteret finn du her.

Bonderomantikk og min kjære bestefar

Fru Helianthus har meir enn ein gong etterlyst bilete av kunsten frå nyefjøsen vår, og her kjem dei omsider. :) Det er ei lokal jente som har måla desse bileta på veggane i nyefjøsen. Bileta du ser over har ho malt etter gamle bilete frå garden. Det største biletet har ho forlenga litt og fyllt på med ein grindagut, litt geiter og sauer osv. Ho er utruleg dyktig! Og me er svært glade for at me gjorde det vesle ekstra.
Viss du klikker på bileta vert dei større.

Denne vesle krabaten var ein av dei første som kom til verda i ny fjøs. Kyrne vart flytta inn og me starta å mjølke første gongen 23.juli 2011 i ny flott fjøs. Vel....dei første dagane var vel ikkje alt så veldig fryd og gammen. Meir enn ei ku ville ikkje inn i den nye mjølkestallen og det krov mykje tolmod og list og lempe for å få dei inn ein etter ein. Den eldre garde kom etterkvart med hentydningar om at "detta e heilt forferdeleg. Me må jaga dei ner att i gamle flor´n og mjelka dei dar!"

Men etter nokre dagar vart det meste berre kjekt og dei fleste kyrne kjem no frivillige til mjølkestallen og vil mjølkast. Det vil alltid vere ei og anna som synes det er særdeles godt å liggje på madrassa si og har liten lyst til å reise seg, men stort sett kjem dei av seg sjølve,- som denne linselusa over.

Dette er bestemora til mannen min rett nedforbi huset vårt.

Det er same kunstnaren som over som har måla dette og. Dette og det under stod ho på ein nabolåve heime hos seg sjølv og malte. Dei er ca 2x2 meter store. Dei fleste som kjem inn i fjøsen trur det er vanlege fotografi som er forstørra opp.

Dette er min bestefar som 16-17 åring i Husdalen der han hadde det meste av sin barndom.

Han har alltid hatt ein spesiell plass i livet mitt. Når eg står nede i mjølkestallen og kikkar inn i sjølve fjøsen fell augo mine rett på bestefar. Eg kan mang ein gong få ei lita tåre i augekroken, men mest av alt føler eg godhet og glede over å ha fått hatt ein slik god bestefar.

Eg minnes kortspel med han om søndagane då eg besøkte dei på Austevoll, og så snart bestemor sine veninner kom på besøk til henne måtte kortspelet ryddast vekk til fordel for yatzy eller ludo, for kortspel passa seg ikkje på ein søndag. Bestefar kjøpte den første ludoen til meg og sorga var stor då veninna mi hadde teikna i lokket på den.

Han tok meg med på turar både i skogen og på sjøen.

I sept 1994 vart bestefar operert for kreft og fekk slag under operasjonen. Legane meinte han berre kom til å leve nokre månadar til, men nokre dagar etter operasjonen kom min gode bestefar gåande mot meg då eg besøkte han på sjukehuset.
Han kunne ikkje prate, men bestefar kunne synge.

Dei budde i kjellaren hos foreldra mine. Bestefar og eg song "Mellom bakkar og berg", "Fager kveldsol smiler" og "Den fyrste song". Nydelege songar som har ein spesiell plass i mitt hjarte. Bestefar var med under 2.verdskrigen og sat i fangenskap i Tyskland. Då det var 50 år sidan frigjeringa gav eg han ei bok om krigen der namna på alle dei som var med stod oppførte og med kor dei var i fangenskap osv. Bestefar sitt namn står der og. Han fekk og ein rosebukett av meg og denne passa han godt på. Tusla ut på kjøkkenet og hadde vasen med rosene i i den friske handa si, fyllte på vatn og bar den tilbake på plassen sin.

For over 15 år sidan, 2,5 år etter operasjonen, eit halvt år før han fyllte 80 år, døde min bestefar. 

Eg kan fortsatt sitte med tårer i augo når eg minnes det, men mest tårer fordi at bestefar var så god.

Min kjære bestefar!

3/52 Thalia

Eg har vore så utruleg heldig at eg nok ein gong

har fått teststrikka eit mønster for

Bitta Mikkelborg.

Ho er ein fantastisk designer!

Har du ikkje strikka nokre av hennar mønster før

anbefaler eg deg verkeleg å gjere det.

Mønstra er utruleg flotte og svært godt forklarte.

Dette er eit nydeleg mønster på babysokkar.

Mønsteret kjem nok snart for salg.

Eg har brukt 37 gram DSA Sterk og pinnenr 3,5mm.

I går la min kjære mann, ei svigerinne, ei niese og eg

ut på Bjørn West marsjen.

Dei siste dagane og nettene før hadde det regna

svært mykje så det var veldig sleipt og bløtt

over store delar av løypa.

Ettersom denne sommaren var noko

tørrare enn fjorårets, så hadde eg trudd at det var

blautare i fjor, men faktisk ikkje.

Me snakka med folk som hadde gått fleire år tidlegare

og dei sa at dette var det blautaste det hadde vore

på mange år. 

Men ein flott tur var det i godt selskap!

Bella´s mittens #5 og om det å vere gift med ein bonde

Mi kjære veninne gjennom snart 30 år mista sine Bella´s mittens

som eg strikka til ho for ei tid tilbake og har ønska seg nye.

Eg håpar ho ikkje får bruk for dei før til hausten igjen,

men ein skal no aldri sei aldri.

Som de ser på biletet av vår kjære Scott så var det snø i går,

og det er meldt snø på onsdag.

På vottane har eg strikka ein ekstra rapport med fletter

etter tommelen og så har eg forlenga tommelen noko.

Dei forrige vottane strikka eg i dobbel Kitten Mohair,

og eg må innrømme at det garnet har eg langt oppi halsen.

No har eg strikka i Nepal og dei kjennes mjuke og gode.

Mønster

Garn: Drops Nepal

Pinnenr: 5mm

Mengde: 100 gram

Min kjære mann er jo bonde og i den anledning fann eg nokre ord på

facebook som eg synes passa veldig bra.

Eg tenkte å dele dei med dåke, så kanskje nokre andre kjenner seg att og?

Det kan være du er bonde hvis...

...du har kjørt av veien mens du undersøker naboens avling

...du har dyr som lever i bygninger som er dyrere enn ditt eget hus

...hunden er oftere med i bilen enn ektefellen

...alle i stua blir rolige når været kommer på TV eller radio

...du overbeviser ektefellen om at en tur til nabokommunen er ferie

...du kan huske avling, kalvingsintervall, vær, priser og alt annet som skjedde på gården for 10 år siden, men du husker ikke bursdagsdatoen til kona

...ved planlegging av bursdager og bryllup må du først ta hensyn til våronn, slåttonn, lemming og kalving

...ditt andre kjøretøy er en traktor. Selvfølgelig av riktig merke

...du har hørselvern med innebygget radio

Det einaste som er feil når det gjeld mannen min

er vel at han faktisk hugsar bursdagen min, og så har han enno ikkje køyrd av vegen

medan han ser på naboen si avling, men bortsett frå det så stemmer alt. ;)

Siste bilete frå Bolivia

Ei Cholitadame som sat og tigga ved Kristusstatuen.

Utsikt over Cochabamba.

Takk til desse som bidrog til at eg kunne ta med meg så mykje alpakkagarn heim til Noreg. ;)

Veninna mi, Elsa, og eg i La Paz. ;) Takk for eit fantastisk fint opphold i Bolivia!!

Bolivia

Då er det nokre dagar sidan eg kom heim frå ein fantastisk flott tur i Bolivia!! Eg var der til saman i 14 heile dagar og fekk sett utruleg mykje. Eg skal prøve å legge ut nokre bilete i morgon og. Forrige helg (7.-10.april) la me turen mot La Paz, Copacabana, Titicaca sjøen og Isla Del Sol. Utruleg flott, men kaldt! Denne helga var me mellom 3600 og 4000 m.o.h. og i kontrast til Cochabamba der me var nedi ein dal på 2500 m, var det ein smule kaldare. I Cochabamba var det varmt og godt og skikkeleg sommartemperatur for ein nordbuar som meg, sjølv om vinteren var i emning der. Solte meg med faktor 30 og vart likevel brun og litt solbrent enkelte stader. ;)

Dette biletet er tatt på Isla Del Sol. Ein utruleg nydeleg plass! Sjøen som ligg der så fin og blå er Titicaca sjøen.
Utsikt over delar av La Paz.
Veninna mi jobbar på DNS (Den Norske Skulen) i Cochabamba og misjonen har ein fin ferieplass litt lenger ute på landet. Her er det eit lite basseng og mange flotte frukttre. ;)
Delar av eit fruktmarked nedi i byen ved politistasjonen.
Kristusstatuen sett frå politistasjonen.

Eg har opplevd og sett utruleg mykje, samtidig som eg har fått slappa mykje av, nytt sola og det å vere langt vekke frå alt kjas og mas. Ein dag besøkte me ein barneheim og helste på barna der, ein annan dag var eg med på Barnas Dag der barn med bl.a. Downs syndrom hadde oppvisning av ein dans. Utruleg herlege ungar! Endå er det slik i Bolivia at desse barna vil ikkje foreldra vite av, slik at det er søsken, tanter/onklar eller besteforeldre som skriv dei inn på skulen (det er to skular i byen som har klassar for desse barna), eller tar dei med til lege eller sjukehus. Foreldra vil helst ikkje vise seg saman med dei. Barna var så skjønne! Mange som kom og spurde om ein kunne ta bilete osv. ;) Så herlege!

Eg har prøvd litt spennande mat som: Soupa de maní (peanøttsuppe), anticucho (kalvehjerte) og salteña.
Ein heilt fantastisk kjekk tur som anbefalast på det sterkaste!! :)

Ha ein kjempefin dag alle saman og ein flott påske!

Cochabamba, Bolivia

I dette innlegget blir det ingen bilder, men kanskje eg får lagt inn enkelte når eg er tilbake i Noreg. ;) Onsdag 30.mars la eg turen mot Cochabamba i Bolivia. Sekken var lada med strikketøy, hekletøy, ei bok om fotografering med speilrefleks, ei vanleg humoristisk-treng-ikkje-tenkje-bok, ei digibok (Unni Lindell, mørkemannen, som eg lånte av ei veninne før eg reiste til flyplassen) og så var eg så heldig å finne igjen mp3 spelaren min som eg la musikk innpå for sikkert 4-5 år sidan. ;) Så...turen burde gå bra. Etter forsinkelsar, lange flygningar (lengste på 14 timar), testa nervøsitet (Sør Amerika er verkeleg eit kontinent der klokka tydeligvis ikkje er noko som mange har på armen eller følger), nye bekjentskap og mista bagasje kom eg omsider fram til Cochabamba og fekk treffe veninna mi. Eg kom fram torsdagkveld og endeleg i går fekk eg henta bagasjen, berre for å oppdage at delar av den er stjelt!!!! Det er jo berre ting, men kjedeleg når det er klede som er favoritt og som ein veit at ein aldri kjem til å få tak i igjen. Men, men...får anmelde det og gi beskjed til forsikringsselskapet.

Bortsett frå ein smule uflaks på vegen er Cochabamba og Bolivia absolutt eit land å anbefale!! Men eg er veldig glad for at eg besøker ei som kan spansk, for mine små spansk gloser som "si", "no" og "hola" kjem ein jammen meg ikkje langt med. ;) Og engelsk er ikkje noko som mange snakkar her.

Det er sol og varme her. Eg har fått handla ein del Fotrama alpakkaull på fabrikken. Dei klarte å trekke kortet mitt to gongar, men dei oppdaga det heldigvis sjølve, så i dag skal vi tilbake dit og ordne det. :) Det vert nok sikkert uansett meir garn som må handlast vil eg tru. Litt sightseeing har det blitt og,- utruleg mykje flott å sjå! Crazy køyring i trafikken, flotte områder på landsbygda og mykje fint å sjå i byen her. Eit herleg folkeslag og eit flott land!

Veninna mi er på jobb no, klokka er 0850 her (1450 heime), så om 6 timar har eg litt selskap igjen. I mellomtida skal eg kikke litt på nettet, strikke litt og sole meg.

Ha ein fin dag og ei fin veke alle saman!!

Bronte's mitts #4

Eit par pulsvarmarar som eg strikka ferdig i dag. Desse skal passe i lag med sjalet i innlegget under og går i gåveboksen. Eg synes dette mønsteret er utruleg fint, og det vert nok ikkje dei siste eg strikkar, men eg kjenner no at eg har lyst til å strikke nokre andre pulsvarmarar,- det er jo så mange fine mønster der ute. I kveld har eg starta på fleire tøflar.

Mønster: Det same som før :)

Garn: Kitten Mohair (begynner å minke no... ;) )

Pinnenr: 3,5 og 4mm

Mengde: 30 gram

I dag har eg vore ein tur på fjellet. Fekk ei lita snøbyge medan eg gjekk der, fekk tatt nye bilete av sjalet i innlegget under og litt bilete av naturen. Ikkje så lett å få tatt ordentleg klare bilete ettersom det snøa litt. Vel heime igjen har eg fått baka 7 brød(!!), strikka ferdig pulsvarmarane og laga ein enkel middag. No skal eg slappe av medan bonden er på møte i den nye gensaren sin.

_______________________________
I have finnished my 4th pair of Bronte's mitts today. I love this pattern and this is not going to be my last pair, but I do think I am going to knit a pair of some other wristwarmers/mitts now. There are so many beautiful patterns out there. Tonight I have started on a new pair of slippers. Earlier today I went hiking and took some new pics of the shawl below and some landscape pics,- it was snowing a little so not the best pictures. After I went hiking I have baked 7 breads (!!), finnished the mitts and made an easy dinner. Now I am going to relax and knit on the slippers while the farmer is on a meeting in his new sweater. ;)

Babyhue og VM-prosjekt/ Babyhat and my World Ski Championship project

Denne vart strikka for ei tid tilbake. Eg var litt lei av og berre strikke i gutefargar, ettersom alle vennene mine får gutar for tida. Så i "protest" strikka eg ei rosa hue. ;) Eg er utruleg glad i desse huene, synes dei er kjempefine og ettersom eg har forstått på mammaene så er det god passform på dei og.
Mønster: den same som på alle dei andre. ;)
Pinnenr: 2 og 2,5mm
Garn: Diverse restar,- Lanett og baby ull
Mengde: 23 gram

Så har eg visst hengt meg på SKI VM og strikking. Skal strikke Mariusgensar til min mann, men med rundsal og litt annan vri på mønsteret, så får me sjå. Eg har lagt inn passord og prosjekt på SKI VM bloggen så får me sjå når eg kjem i gong. :)
Fekk melding i dag om at ei veninne har fått ein liten gut i går, så eg burde vel i grunn hatt gåva til dei på pinnane gjennom VM, men, men... :)
Dette blir gøy!! Så får me sjå om min kjære mann har ny gensar til 13. mars.
__________________________________
I knitted the babyhat a while ago. Almost all of my friends are giving birth to babyboys at the moment, so therefor I just had to knit something pink. :) I will put it in my gift box.
I have also signed up for World Ski Championship with lots of other knitters, and we are supposed to knit a project during the championship. I am going to knit a Marius sweater for my husband.

Honeybee socks og/and ein vinnar/ a winner

I adventskalendaren min frå Iris, fekk eg to nøster med Fabel. Etter at eg fekk det første nøstet starta eg kjapt på eit par sokkar. No når eg skulle fortsette på dei, rakk eg opp att og fann eit anna mønster. Mønsteret var kjekt å strikke og raskt, men det er utruleg vanskeleg å få det fram på bileta, og endå vanskelegare når det er melert garn. Eg strikka 7 rapportar med Honeybee mønsteret frå helen og opp, eg droppa dei boblene som skulle vere i vrangmaskene og så hekla eg avslutninga, elles har eg fulgt mønsteret.
Mønster: Honeybee Socks
Garn: Fabel
Pinnenr: 2,5mm
Mengde: 66 gram

Og så må eg berre beklage!! Denne trekninga skulle vore gjort for ei veke sidan. Men...tida har berre ikkje strukke til, både pga lite overskot og ting som måtte ordnast. Og natt til i går fekk eg omgangssjuke. Så formen er ikkje akkurat på topp, men...fann ut at no må det trekkast same kva. ;) Det vart gjort på den gode gammaldagse måten....

Sidan eg har utsatt trekninga ei veke, så vart det to vinnarar. ;) Og vinnarane er:

Tusen takk til alle som har deltatt!! Kjempekjekt!! Som de ser er vinnarane duBedåre og Elin65, flott om de sender meg adressene dykkar på epost: torunnk@gmail.com, så kjem det ei overrasking i posten etterkvart.

______________________________________

Finally, an update. I have knitted a pair of Honeybee socks. I love the pattern, but they are hard to show on a picture. I repeated the Honeybee pattern on the leg 7 times instead of 5, skipped the bubbles and crocheted the ending. Other then that I followed the pattern. The winners of my give away are: duBedåre and Elin65.

Stjernejakke og gje vekk/ My jacket and a give away

Så var omsider denne ferdig. Starta på den 25.12 og strikka ferdig bolen 1. og 2. juledag. 27. og 28. jobba eg, og 29. måtte eg jo starte på hjartekjolen. Så denne jakken har blitt litt nedprioritert. Eg innser at den vert litt for liten og at eg heretter må strikke figurstrikka jakkar, slik at eg kan strikke i S i livet og auke ut til M oppe, for S eller M heile vegen blir heilt feil. Denne er strikka i S og eg meiner den er for liten, for knappane spriker for mykje når eg brukar den. Anten får eg bruke den open, eller så får veninna mi nyte godt av den og så får eg evt strikke meg ei ny. Eg synes fargen er kjempefin,- og biletet nedst til venstre gjengir nok fargekombinasjonen best. Jakken er strikka i Alfa og det har gått med 596 gram med garn. 256 av dei er strikka etter jul. Så då vart det strikka 11,276 gram med garn i 2010. Så får eg ha som mål å strikke meir enn det i år. ;)
Strikka med pinnenr. 7,- angrar på at eg ikkje strikka med pinnenr 8, sjølv om eg trur neppe det hadde gjort den store forskjellen. Mønsteret er henta frå Sandnes ung mix, tema 18.

I dag oppdaga eg plutseleg at eg har passert 20.000 unike besøkande på bloggen,- så gøy!! Tusen takk til alle som kikkar innom! I den anledning må jo eg og ha ein liten gje vekk. Kva premien vert enno veit eg ikkje, men skriv om du vil ha garn eller om du ønskjer noko heimelaga, så kan både dei som strikkar og dei som ikkje strikkar vere med.

1 lodd dersom du skriv ein kommentar til innlegget

1 lodd dersom du linkar til denne,- bruk biletet oppe til høgre i bloggen.

Det er ingen ekstra lodd om du vel å legge deg til som følgar eller om du legg meg til i blogglista di, men veldig koseleg om du gjer det. ;)

Skriv i kommentaren kor mange lodd du tar. ;)

___________________________________

I have finally finnished my jacket, and I realize it might be too small. I have been looking so much forward to use it, so now I am kind of sad. Maybe my friend will be the one to wear it.

I realized today that I have had over 20.000 unique visitors on my blog, and to celebrate that I have to have a give away. :)

Babytøflar og gåver/ Baby booties and gifts

Først av alt,- Tusen, tusen takk for alle dei koselege kommentarane på kjolen min i innlegget under. Det set eg utruleg stor pris på!
Det poppar ut med gutar overalt føler eg. Eg har strikka desse babytøflane som kvar av dei skal vere i lag med ei av desse huene. Kjekt mønster å strikke og artig å prøve noko anna.
Mønster: Saartje's bootees
Pinnenr: 3mm
Garn: Gjestal Baby Ull, Drops Alpakka og DSA Alpakka
Mengde: 26gram
____________________________
Most of my friends give birth to baby boys at the moment. I have used the pattern Saartje's bootees.

Eg har heilt gløymd å legge ut bilete av dei siste gåvene i adventskalendaren frå Iris. Den 22. fekk eg eit nøste med Føn,- det har eg ikkje prøvd før. 23. fekk eg gullblondebånd. 24. to nøster med deilig, mjuk Drops baby merino. Tusen takk, Iris!!
For ei tid tilbake dukka det opp ei koseleg gåve i postkassen, nemleg muffinshua som Mimouna har strikka. Eg kommenterte på eit innlegg og ho trakk ut ein vinnar som fekk den i posten. Kjempesøt! Tusen takk!! Anbefaler å ta ein tur innom bloggen hennar!! Ho strikkar dei herlegaste tippehønene. ;)
I dag dukka det opp nok ei gåve, den hadde eg heilt gløymd, så eg forstod særdeles lite. ;) Men då eg las på lappen som fulgte med skjønte eg jo kor den kom i frå. Denne vann eg hos Mariefriis på same måten som i mimouna sin blogg. Tusen takk!! Alltid kjekt med slike overraskingar. Anbefaler ein tur innom hennar blogg og.
Ha ein fin dag alle saman!!
____________________________________
Gifts I have recieved the last month. Three of the gifts (you may see the numbertags) are the last three gifts in my Advent Calender. The two others are give away gifts from Mimouna and Mariefriis.

Huer og gåver/ Hats and gifts

To The Boy Hats til. Desse er strikka i julegåver. Den raude er strikka i Smart og den mørke blå i Juvel. Begge med garn frå lageret. Strikkar litt i smug for tida til mannen min, så då blir det ikkje strikka så mykje på andre ting. Eg kan ikkje vise fram det som skal til han før på julaftan. Det er ikkje så veldig spennande, men eg vil tru han blir fornøyd. ;) Det har til saman gått med 90 gram på desse to. Det kjedelege er at eg oppdaga desse altfor seint. Dei er utsolgt!! :( Då eg skreiv epost til dei får eg vite at dei ikkje kjem til å produsere nye før langt uti 2011, mest sannsynleg ikkje før til neste jul... :( Men, men...eg skal følge tidlig med til neste år, så kanskje det kan bli neste julegåve til min kjære mann. Det hadde vore så artig og kunne åpne nyefjøsen og servere slike til alle som kom... Men, men....

Sjå alle dei flotte kalendergåvene eg har fått frå Iris! 9. fekk eg mange svarte knappar. 10. Ein pepperkake, til frå "lapp", 11. Eit nøste Fabel i flotte grønnfargar (dette har eg allereie begynt å strikke såvidt på eit par sokkar til meg sjølv av...). 12. Eit nøste lilla Pt Sumtra som eg kan strikke ein kjøkkenklut av,- oppdraget var å strikke den den dagen, men det gjekk litt dårleg sidan me var i 60 årsdag den dagen. ;) Skal nok strikke den i romjula eller på nyåret. 13. Pt2 til å strikke englar av. 14. Eit nøste til med Fabel. 15. Mønster på eit sjal som eg visst skal bruke Fabelnøsta til... obs... eg trur eg må strikke det sjalet av nokre andre nøster... ;) 16. Nydelege maskemarkørar som Iris har laga. 17. Eit nydeleg bilete så eg skal hive meg rundt å sy...Eg veit ikkje heilt om eg tør,- tenk om eg øydelegger det... 18. Ulike ting til å lage maskemarkørar av. Spennande. Det har eg ikkje gjort før. 19. Eit nøste Alpakka i ein nydeleg lillafarge,- til å strikke pulsvarmarar av. 20. Perler til å lage maskemarkørar av. 21. Eit stoffhjarte som Iris har sydd.

Bronte's mitts

Etter at eg hadde strikka swallowtail lace shawl, som du kan sjå her spurde eg inne på Hobbyboden om nokon visste om eit mønster på pulsvarmarar som kan passe til. Då vart eg tipsa av Iduns om desse, Bronte's mitts. Eg har brukt 28 gram på dei, og har no 2 gram igjen med Kauni etter to Swallowtail Lace shawls og eit par pulsvarmarar. Eg har brukt pinnenr.: 3 og 3,5mm. Eit nytt par er allereie på pinnane og skal matche eit anna sjal.

Siko og eg har vassa oss ein tur i snøen i dag og. Rakk berre eit bilete før batteriet i kamera var tom for straum. :( Det tok litt tid før Siko forstod at det var ein smule smartare å gå i mine fotspor enn å brøyte veg for meg. Men me kom oss no rundt beitet ganske anpusten kan ein seie... I dag har eg hengt opp meisebollar, så kjekt å sitte inne og sjå på kjøttmeisen som et medan Sotus (katten) ligg inne i senga si og søv vel uvitande om at det er mykje fugl rett utanfor nasetippen hans.

__________________________________

I have knitted a pair of Bronte's mitts to match the Swallowtail Lace Shawl I knitted earlier. After two Swallowtails and one pair of wristwarmers I now have 2 grams left of Kauni. I have started on another pair to match another shawl.

Our dog, Siko, and I have been walking in the snow today too. But I was only able to take one picture before the battery was out. :(

Snø/ snow

Dei to øvste bileta her vart tekne då Siko og eg vassa på tur i snøen på søndag. Eg elskar slike vinterbilete og håpar me får ein like fin vinter denne gongen som me hadde forrige vinter.

Skimter du fuglane oppe til venstre i bjørketreet? Dette biletet er tatt for ein time sidan ut altandøra. Synes himmelen var heilt fantastisk flott og måtte ta litt bilete. Må nok gå og finne meisebollane i kveld og henge dei ut,- høgt oppe så Sotus (katten) ikkje får tak i fuglane.

I dag fekk eg eit mønster på kjøkkenhandkle til steikeovnsdøra i adventskalendaren frå Iris. Mønsteret har ho designa sjølv. Dei to nøsta med brun Mandarin petit fekk eg i går og i forgårs. Blir spennande å prøve dette etter at alle julegåvene er strikka ferdig. ;)

________________________________

I love the winter and taking pictures on a beautiful winter day. Can you see the birds on the third picture? The top two are taken on Sunday. The next two pictures are taken an hour ago. I recieved a pattern today in my Advent Calender from Iris. Looking forward to start on it.

Bella's mittens og/and julekalendergåve/ Christmas calender gift

I dag har eg opna den første luke i adventskalendaren min. Eg har fått adventskalendar av Iris.

Ho har laga eit hjarte av perler til meg som eg kan ha som pynt i ei blomsterpotte,- og det gjer den no. Litt vanskeleg å få fram fargane. Elles har eg strikka eit nytt par med Bella's mittens til ei veninne som hadde bursdag for 1,5 veker sidan. Dei skal leverast om eit par timar. Eg strikka ei ekstra flette etter tommelen for å få dei litt lenger.

Mønster: Bella's mittens

Garn: Dobbel tråd Kitten Mohair

Mengde: 78 gram

Pinnenr: 5mm

_____________________________

A pair of Bella's mittens for a friend's Birthday. I have also opened my first present in my Christmas calender from Iris, a beautiful ornament for my flower.

Isskrapevottar/julekalender/jul/ Icescrapemittens/Christmas calender/Christmas

Dette biletet vart litt merkeleg, men då fekk eg inn litt diverse ting. ;) Isskrapevottane er strikka på bestilling for ein kollega. Han bestilte 3 til herre og 3 til dame. Eg har strikka 6 av kvar (ein damevott har eg frå før, så den er ikkje med på biletet) så kan han velge kva av dei han vil ha. Resten vert nok i julegåver til ein avløysar og kona ++. Så då får eg sjå på jobb i dag kva av dei han helst vil ha. Det er til saman brukt 739 gram med garn.
Hin dagen mottok eg adventskalendar frå Iris. Eg var for sein på HB til å melde meg på årets runde og Iris var så hyggeleg å sende meg ein pm om me skulle vere adventskalendervenner, så det var jo veldig koseleg. Eg gler meg til å opne den første i morgon. Kjem nok eit innlegg kvar dag med spennande pakkar. ;)
Elles pynta eg litt til jul på søndag. Eg har aldri pynta så tidleg før, og er van med at det blir pynta 23.desember, og kun adventsstake fram til då. Synes jula varer litt kort då, så i år prøver eg ein ny vri, så viss ikkje eg blir lei av jula, så blir nok dette vår tradisjon. Pynter litt kvar helg fram til jul. Men...juletreet får ikkje kome inn i hus før 23. desember. ;) Dei flotte nissane har ei svigerinne strikka til oss.
__________________________________
I have knitted icescrapemittens for a colleague. He ordered 3 of each, but I have knitted some more so he can choose which colors he wants.
I recieved a wonderful package the other day from Iris. She is my adventcalender friend this year. I can't wait until tomorrow!
On Sunday I put out some of the Christmas decoration. I am not used to decorate before the 23rd of December, so this is so early. But I'm planning on decorating a little bit each weekend until the 23rd. But....the Christmas Tree has to stay outside until the 23rd. ;)
The beautiful Santas has a sister-in-law knitted for us.

Bella's vottar og geitramssaft/ Bella's mittens and Fireweed lemonade

For ei stund sidan hadde Beate laga geitramssaft, ho la ut oppskrifta i bloggen sin,- så...då måtte eg prøve. Safta er kjempegod!! Smakar litt solbærsaftaktig. Så min kjære mann og eg har allerede bestemt oss for at det må garantert plukkast meir geitrams og lage meir saft. Takk for at du la ut oppskrifta, Beate!!
Eg har strikka eit par til med Bella's mittens. Synes dette mønsteret er kjempeflott så det blir garantert fleire. Neste par er alt på pinnane. ;)
Mønster: Bella's mittens
Garn: Kitten Mohair, dobbel tråd.
Pinnenr: 5mm
Mengde: 70gram
____________________________
A while ago Beate had made Fireweed lemonade and had the recipe in her blog, so...I had to try it. The lemonade is so good!! My husband and I have already decided that we have to pick more Fireweed flowers and make more lemonade.
I have also knitted another pair of Bella's mittens. I love this pattern, and has already started on another pair.