Vakre ankelsokkar

 Ofelia er nok eit nydeleg sokkemønster som eg teststrikka for Bitta Mikkelborg i september.

Eg trudde eg hadde lagt dei ut då ho publiserte dei, men oppdaga no at det har eg ikkje. Så her kjem mine. Dei er strikka på pinnenr 2 og 2,5mm.

Eg har brukt Drops Fabel på desse og 46 gram.
Viss du klikkar på biletet vert det større og lettare å sjå detaljane i mønsteret.

Nydelege ankelsokkar!
Viss du ikkje er medlem av facebooksida hennar bør du ta ein kikk innom og bli medlem. Du finn den her. I morgon startar det ein klutealong på sida hennar. Bitta har mange flotte klutemønster og. 

Bitta kan verkeleg det med å designe mønster!

Valmue er eit nydeleg sokkemønster designa av Trude Hertaas.
Fleire av hennar mønster finn du her.

Desse er strikka på pinnenr 2 og 2,5mm og det gjekk med eit nøste Arwetta.

Desse var og strikka i september 2013 og eg var sikker på at eg hadde lagt ut bileta av desse før.

Ønskjer alle som er innom ei flott pinsehelg!

Bittasokkar

I grunn litt flaut å legge ut desse bileta, for eg brukar aldri å ta så dårlege bilete av så flotte Bittasokkar! Bileta måtte takast fort og gale på kvelden før dei skulle giast vekk og dette var dessverre på vinteren med dårleg ver.
Paret til venstre er Bure og er strikka i dobbel fabel på pinnenr 3mm. Dei er strikka i str 42 og det gjekk med 182 gram. Meir nøyaktig info finn du her.

Paret til høgre er Styrbord og Babord. Dei er strikka i pt5 sport på pinnenr 3mm. Dei er strikka i str 46 og det gjekk med 150 gram. 

Styrbord og babord sokkane var ei Pay It Forward gåve til ein svoger og desse vart strikka før nyttår. Bure var ei bursdagsgåve til ein annan svoger og desse vart strikka i februar. 

Bitta designer så utruleg flotte mønster. Eg skulle ønskje det var mange fleire timar i døgeret så eg rakk å strikke alt det flotte ho komponerer.

Fotballfans

Jada, så vart det eit lite opphold og eg jobber meg gjennom 2013 fortsatt. Tar si tid, gitt. Eg får no inderleg håpe at eg er komen meg inn i 2014 når påsken startar. ;)

Ein nevø ønska seg eit par Liverpool sokkar til jul. Eg tok utgangspunkt i dette vottemønsteret og strikka sokkar. Sokkane er strikka i Pt 5 Sport og det gjekk med 130gram til saman.

Dei er strikka med pinnenr 2,5 og 3mm. Eg skjønte fort etter eg var komen forbi hælen at dei kom til å bli for trange på leggen, men då hadde eg ikkje tid til å rekke opp att. Så dei ligg her no og venter på at eg skal strikke leggen på nytt med tjukkare pinnar.

Ei nisse ønska seg Brannhue til jul.

Her har eg laga mønster sjølv og hugsar jo sjølvsagt ikkje kva pinnar eg har brukt. Og det er her den kontinuerlege blogginga og ravelryoppdateringa kjem inn,- eg bør definitivt hente meg inn igjen på det. Den er uansett strikka i Smart og det gjekk med til saman 87 gram.

Forrige helg var eg på Strikketreff2014 i Oslo.

Eg hadde jo sjølvsagt ikkje med meg kamera, kunne sjølvsagt tatt bilete med mobilen, men kom no aldri så langt. Viss du er på Instagram kan du ta turen innom #strikketreff2014, så får du sjå kor kjekt me hadde det. 90 damer samla i lag til strikking, skravling, shopping, foredrag, workshop, soft is, popcorn, god mat osv. Krysser fingrar for at det vert nytt treff til neste år, ein eller annan plass i landet. Eg var første gongen i fjor og kjente jo då berre Fru Helianthus og mista fort litt oversikten over kven alle dei andre var. I år hugsa eg igjen ein del og kunne ta opp tråden litt frå i fjor i tillegg til å prate med nye.

Bitta sokkar og blogganbefaling

Det er jammen meg lenge sidan ei bloggoppdatering.

Eg bestemte meg for lenge sidan at eg skulle samle dei siste sokkane som eg teststrikka til boka i eit innlegg. Det har blitt utsatt og utsatt grunna så utruleg mykje som måtte oppdaterast på ravelry før eg fekk eg kunne legge dei inn. Fru Helianthus har purra på meg opp til fleire gongar,- "det er på tide med eit innlegg". No er det endeleg gjort. Eg innser at det ikkje kjem til å bli heilt som eg hadde tenkt og at eg linker til ravelry for fleire bilete og info i stadenfor. :)
Alle desse vart strikka i løpet av 2013.
Klikk på biletet så vert det større.

Dei to para med heilt raude sokkar er Ginas sokker, det eine er strikka i Ida Strømpegarn (80 gram), det andre i Pt5 (100gram). Det tredje paret med raude sokkar er 1913, strikka i fabel (80 gram). Det grøne paret er Yang´s, strikka i Arwetta (70 gram). 

Nedste rekke frå venstre: Yme, strikka i Sandnes Alpakka Strømpegarn (150 gram). Tøff(l)inger, strikka i Sisu og Silja (27 gram). Dei to siste para er Espen Askepott. Blått par strikka i Hifa garn (146 gram) og det siste paret strikka i Silja og Sisu (40 gram).

Viss du ikkje har kjøpt boka enno så bør du springe å kjøpe den over helga! :)

Bitta Mikkelborg - Sokker Strikking hele året.
Det er utruleg mange flotte sokkar i den boka for både nybegynnarar og for vidarekomne. Samstundes som det er ein unik mogelegheit til og kunne avansere, rett og slett fordi Bitta skriv utruleg flotte og detaljerte mønster som alle kan klare å følgje. Og dersom ein får problem undervegs og har spørsmål så har Bitta i tillegg ei flott facebook side der ein kan spør og dermed kan få hjelp undervegs.

Til slutt vil eg tipse om ei kjempeflott facebook-side og ein flott blogg!

Foreløpig er det mest bilete på facebook, men ta deg ein tur innom. Lik og del og løp og kjøp! :) Mange tøffe og fine toalettvesker, vesker, julesokkar osv. Det dukkar stadig opp nye ting der inne.

Anbefaler både facebookside og bloggen på det sterkaste!

Facebooksida kan du kome inn på sjølv om du ikkje har ei facebookside sjølv og. 

Puh! No er eg ferdig med det innlegget eg har utsett og utsett så no vert det forhåpentlegvis litt oftare innlegg på denne sida. ;)

Ha ei strålande helg!

Johanne

I slutten av 2012 og starten av 2013 har eg vore så heldig å få vere ein av åtte teststrikkarar som har vore med på eit fantastisk eventyr forfatta og designa av Bitta Mikkelborg. Resultatet vert snart publisert mellom to permar, 52 par sokkar for liten og stor. Boka kan du bl.a. førehandsbestille her. Boka heiter "Sokker - strikking hele året". I denne boka er det sokkar for einkvar smak, for nybegynnarar og for dei meir erfarne, for godt voksne og for barn og premature. Bitta har tenkt på alle! I dag har me fått tillatelse frå den store sokkedronninga til å "terge" dykk litt etter litt på bloggar og på ravelry med dei flotte mønstra som kjem. Dette er det første eg legg ut, så skal eg prøve å legge ut eit kvar dag ei lita stund framover. Mønsteret på biletet over er Johanne. Det var mitt 22/52 par i 52ppvi. Mine sokkar er strikka i Sterk, pinnenr 2,5mm og det gjekk med til saman 91 gram.

Det er berre til å hive seg rundt og bestille boka, om du ikkje alt har gjort det, og glede seg til den kjem! :)

Eg har mange prosjekt som ligg ferdige, eller delvis ferdige (manglar trådfesting), men som manglar bilettaking. Så sjølv om bloggen ligg halvvegs død så kjem det litt, litt etter litt. ;)

32/52 Little Miss Summer

Par nr 32 og det vert nok eit av dei siste i denne plungen.

Eg kjem meg ikkje nærmare dei 52 para.

Eg kunne jo ha satt i gong med stress strikking og strikka

19 par (eg har par 33 på pinnane) med babysokkar for å klare 52,

men det er ikkje noko mål i seg sjølv.

Og stress strikking har eg gjort nok av opp gjennom

og har ingen behov for å gjere det her. :)

Jaja, eg satsar no friskt og har meldt meg på den nye 52ppvii

som startar 1.juli. 52 nye par sokkar. :) Hoho...

Paret over her vart strikka i mai til ei niese sin bursdag.

Ho fekk desse, Sockdolager (par 26) og par 31 som foreløpig

er eit hemmeleg mønster som eg ikkje kan vise fram.

Dermed fekk ho eit tjukt par, eit tynt og eit par ankelsokkar. 

Nærbilete av eine sokken.

Det kjem vel ikkje som ei bombe at dette er eit mønster

designa av Bitta Mikkelborg.

Mønster

Garn: Drops Fabel

Pinnenr: 2 og 2,5mm

Mengde: 35 gram

30/52 Milla

Desse vart ferdige den 9.mai så det er ei stund sidan.

Det tar tid å få lagt ut bilete. :)

Dette var februar sokkane i sokkealongen på uformelt.

Eg ligg med andre ord langt etter i alongen,

og eg ligg langt etter i 52ppvi, men, men sånn er det.

Wims lagar utruleg flotte mønster så eg skal definitivt strikke resten

av mønstra hennar og.
Eg speglvende mønsteret, men eg tenkte ikkje på å speglvende flettene, jaja...

Mønster

Pinnenr: 2 og 2,5mm

Garn: Arwetta classic

Mengde: 66gram

29/52 Hestesokkar

 Ei flott dame fylte 50 år i april og i den anledning strikka eg desse hestesokkane og dei svarte pulsvarmarane i innlegget under til henne. Det er ho me kjøpte hunden vår, Scott, av. Ho har og sauer og hestar. Me var litt usikre på om eg skulle strikke sauesokkar eller hestesokkar til henne, men endte opp på hest. Eg fann eit mønster på ravelry som eg tok utgangspunktet i. Eg strikka sokkane slik eg sjølv brukar å strikke dei og brukte det eine diagrammet frå mønsteret på ravelry. Mønsteret utover foten droppa eg då eg personleg ikkje synes det var så veldig fint.

Mønster

Garn: Arwetta Classic

Pinnenr: 2,5mm

Mengde: 75 gram

28/52 Havsokken #2

Desse er og strikka på bestilling til ei veninne. 

Det første paret kan du sjå her.

Dersom du er nybegynnar i sokkestrikk ville eg ikkje ha starta med desse då mønsterforklaringa er litt dårleg i overgangen mellom hæl og fot. Når ein gjerne har strikka litt andre sokkemønster med gode forklaringar kan det vere greit å strikke desse.

Sokkane er på veg nordover til Andøya.
Meir informasjon på ravelrysida mi.

Mønster

Garn: Fjell Sokkegarn 3 og Embla - Hifa 3

Pinnenr: 4,5mm

Mengde: 178 gram

27/52 Havsokken

Ei veninne spurde for ei tid tilbake om eg ikkje kunne strikke Havsokken til henne.

Dette er eit mønster frå Hillesvåg Ullvarefabrikk.

Eg kjøpte garnpakken for ei god stund sidan, men det har tatt tid å kome i gong grunna mykje anna strikk med deadline. Det vart to par av desse, så eg skal få tatt bilete av det andre paret ein dag og få lagt ut. I går vart det endeleg vår her på garden, viss du har lyst til å lese om det kan du ta ein kikk her.

I det siste har eg, stort sett, strikka sokkar med pinnenr 2, 2,25 og 2,5mm, så det å strikke med 4,5 var som å strikke med staur. :)

Mønsterforklaringa er noko dårleg forklart i overgangen mellom hæl og fot, så dersom ein er nybegynnar på sokkar ville eg ikkje ha starta med desse. No har jo eg teststrikka og korrekturlest ein del sokkemønster for Bitta Mikkelborg og er vel gjerne derfrå bortskjemt med svært godt forklarte mønster.

Mine endringar har eg skrive om på ravelrysida mi.

Mønster

Pinnenr: 4,5 mm

Garn: Fjell Sokkegarn 3 og Embla - Hifa 3

Mengde: 180 gram

26/52 Sockdolager SM7

Jata, det går framover, sakte, men sikkert. :)

No er eg halvvegs i plungen, men eg har heldigvis kome litt lenger. Eg har nokre fleire sokkar liggande som treng fotografering, så det kjem nok litt fleire sokkeinnlegg etterkvart.

Dette var det første paret i Sock Madness 7. Det er ein konkurranse på Ravelry. Alle påmeldte får først to veker på seg til å fullføre det første paret. Dei som har fullført det innan tidsfristen vert så delt inn på ulike lag. På dei neste para vert det færre og færre på kvart lag og til slutt står det igjen ein på kvart lag som skal konkurrere om å vere raskast på det siste paret.

Eg hadde ein plan om å prøve og henge med ei stund, men eg innsåg kjapt at eg hadde altfor mange ting som skulle vere ferdig innan ein tidsfrist, så eg la strikkepinnane til dette sokkeparet på hylla då eg var komen eit stykke forbi hælen på begge (ved å vere komen forbi hælen på begge para, eller fullført ein sokk, så fekk ein dei vidare mønstra tilsendt).

7.april vart dei ferdige, så, ja, det har tatt litt tid å få dei inn i bloggen. ;)

Eit av formåla med SM7 er å lære nye teknikkar, og vanskelighetsgraden vert større og større for kvart par som kjem. På dette paret lærte eg ein ny måte å legge opp på, German Twisted cast-on, i tillegg til ein annan måte å strikke hælen på. Det er alltid kjekt å lære nye metodar og så plukkar ein ut dei ein sjølv likar best etterkvart.

Mønster

Pinnenr: 2 og 2,25mm

Garn: Drops Fabel long print

Mengde: 71 gram

Meir info på ravelrysida mi.

21/52 Evtherpe

Og dette er vel heller ikkje ei overrasking at dette mønsteret

er designa av Bitta Mikkelborg det og. ;)

Her må du klikke på biletet så det vert større.

Sokkane er strikka for ei tid tilbake, men eg har vore litt treig

med å få tatt bilete.

Mønsteret er ein av dei 4 muser.

Mønster

Garn: DSA Sterk

Pinnenr: 2,5 og 3mm

Mengde: 86 gram

20/52 Little Miss Spring

Nok eit mønster designa av Bitta Mikkelborg.

Dette mønsteret har eg strikka to par av før i Wollmeise.

Det er ei stund sidan dei vart strikka, men ting går litt tregt.

Dette var mitt første møte med Arwetta,

eit utruleg mjukt og godt sokkegarn.

Eg gler meg til å strikke meir i det, og må nok bestille

meir etterkvart. ;)
Klikk på biletet så vert det større.

Mønster

Garn: Filcolana Arwetta

Pinnenr: 2 og 2,5mm

Mengde: 42 gram

18/52 LL Socks (Latvian Love)

Dette sokkemønsteret har eg strikka før og du kan sjå det her.

Som du ser på det biletet har eg strikka kortare legg som då har resultert

i ei anna avslutning på mønsteret på sokken.

Eg synes det er finast når det sluttar i slik spiss framme, så då

eg hadde strikka dei første gongen bestemte eg meg for å strikke eit par til.

Nok ein gong har eg brukt Drops Delight som kontrastfarge.
Klikk på biletet så ser du mønsteret betre.

Mønster

Garn: Drops Fabel og Drops Deligt

Pinnenr: 2 og 2,5mm

Mengde: 81 gram

Meir info på ravelry.

17/52 Maskerade by Wims

No lurer du sikkert på kvifor eg har hoppa rett frå 13 til 17 par,

kor vart liksom 14, 15 og 16 av?!?

Jo, det har seg nemleg slik at eg held på å teststrikke litt sokkar

om dagen og dei er foreløpig "Top Secret" og vert ikkje lagt ut på

bloggen, kun eit sladda bilete på ravelry slik at dei kan vere med

i 52 pair plunge VI.

Wims har starta opp med ein sokkealong på uformelt,

og i januar starta ho med bl.a. eit par Mysteriesokkar.

Som kjent er ikkje eg den kjappaste på avtrekkaren når det kjem til

mysteriestrikk. Så eg starta ut då siste cluet var komen,

og starta på desse 21.januar og ferdig 24.
Klikk på biletet så ser du mønsteret betre.

Det kan jo vere eg kan klare å vere litt betre med i februar?

Sokkane blir ei Pay It Forward gåve (facebook),

så i år er målet å vere litt tidlegare ute. ;)

Garn: Drops Fabel

Pinnenr: 2 og 2,5mm

Mengde: 68gram

13/52 Hjerteglede

Hehe, mysteriesokkar er ikkje mi sterke side.

Eg hang godt med på første delen og så ramla eg heilt av.

Dette var eit sokkemysterium som Bitta Mikkelborg

starta på facebook i september. Eg gjorde meg vel eigentleg ferdig

i løpet av september/oktober, men så hadde eg strikka sokkane for

korte og måtte rekke opp att og strikke tåmønsteret på nytt.

Då hamna sokkane fint i ein krok og der vart dei liggande til

20.januar. Eg vart heldigvis ferdig før neste sokkemysterium

startar opp på facebooksida 1.februar. ;)

Dersom du er på facebook er det berre til å melde seg inn i gruppa

og bli med på eit sokkemysterium.
Ulempen med sokkemysterium er at ein ikkje aner korleis mønsteret
er eller blir. Hadde eg visst korleis desse vart hadde eg nok valgt
å ha både vrangbord, hel og tå i blått, men det får evt bli neste gong. ;)

Mønster

Garn: Drops Fabel

Pinnenr: 2 og 2,5mm

Mengde: 82 gram

Meir info på ravelry.

12/52 Merediths Spring

Jada, det går sakte, men sikkert framover i 52 pair plunge.

Eg er komen til par nr 12, men burde vel ha vore på par nr 30.

Dette er det tredje paret med Merediths Spring designa av Bitta Mikkelborg.

Eg treng vel ikkje seie at eg likar dette mønsteret godt.

Merediths Spring

Garn: Drops Fabel

Pinnenr: 2 og 2,5mm

Mengde: 74 gram

11/52 Beautiful Noah

Nok eit flott mønster frå Bitta Mikkelborg,

men det kom vel ikkje som ei overrasking. ;)

Dette er eit mønster som kan strikkast i mange ulike

barnestorleikar alt etter kva garn og pinnenr ein brukar.

Beautiful Noah

Pinnenr: 2 og 2,5mm

Garn: Drops Fabel

Mengde: 20 gram

10/52 Meredith Spring

Klikk på biletet så får du sjå mønsteret på sokkane betre.

Desse var eit av tre sokkepar som ei niese fekk til jul.

Rykande ferske frå pinnane på julaftan,

festa trådar, tok bilete, pakka inn og leverte. ;)

Eg er utruleg glad i dette mønsteret og kjem garantert til å strikke

eit par til meg sjølv og.

Det forrige paret eg strikka,

gav eg vekk til ei veninne i bursdagsgåve då

eg hadde strikka dei litt for korte til meg. ;)

Og dette er sjølvsagt og eit mønster designa

av Bitta Mikkelborg.

Mønster

Garn: Drops Fabel

Pinnenr: 2 og 2,5mm

Mengde: 70 gram

9/52 Evtherpe

Jaja, eg ligg litt etter når det gjeld 52 pair plunge.

Eg burde vel ha nærma meg 26 par no, men det gjer eg altså ikkje.

Dette nydelege mønsteret er sjølvsagt designa av Bitta Mikkelborg.

Dette paret er ein av dei fire muser.
Viss du klikker på biletet vert det større.

Mønster

Garn: DSA Sterk

Pinnenr: 3mm

Mengde: 94 gram