Adventskalendergåver

Jada, eg jobbar fortsatt med å få ut alt frå 2013.

Kvar gong eg ser gjennom albumet og prøver å samle i hop det eg kan legge ut i lag ser eg at "Oi, der var noko og, det hadde eg jo gløymd". Så det blir litt kollasje framover så eg får dei ut og kan starte på 2014. :)

Barndomsveninna mi, Jorunn, og eg har dei siste to åra laga adventskalendarar til kvarandre. Det er veldig koseleg. I 2013 laga eg store delar av gåvene til henne.

Adventslysa oppe til venstre er IKEA lys. Eg har kopiert tekst over på silkepapir og brukt varmluftspistol til å få det på lysa. 

Ho fekk ei lilla lyslykt og ei raud, men det er to bilete av kvar med og utan lys i.

Det gjekk med 20 gram mandarin petit til den raude og 20 gram Marks & Kattens Bianca (HUV garn) til den lilla lyslykta. Eg hekla ei heilt lik lilla lyslykt til meg sjølv og.

Dei raude glasbrikkene er hekla i Mandarin petit og kanten er London gull. Her bør eg eigentleg springe på loftet å hente fram nøsta for å finne ut nøyaktig kva eg brukte av kvar, men, ja, dei veg 42 gram til saman. :)

Dei kvite make-up remover padsa er hekla i Mandarin petit og det gjekk med 25 gram.

Tøflane og gryteunderlaga er strikka og hekla i Eskimo og tova i vaskemaskin. Det gjekk med 171 gram til tøflane og 81 gram til gryteunderlaga.

Ja, då nærmar eg meg, litt etter litt. :)

Pusetøflar

Desse tøflane skal bli ei gåve til ei veninne som ikkje har det så lett om dagen.

Veldig kjappe å strikke. Desse vart strikka 13.-14.januar, men det har

tatt tid å få dei inn i bloggen. Eg tok utgangspunkt i eit mønster frå Drops,

men endra på det utifrå kva garn eg hadde tilgjengeleg.

Viss du klikker på biletet så vert det større.

Mønster

Garn: Drops Eskimo og Sandnes Funny

Pinnenr: 9mm

Mengde: 300 gram Eskimo og 66 gram Funny

Hue og tøflar

Denne hua strikka eg for mange månadar sidan.

Strikka den med tanke på min yngste nevø som elskar

oransje, lilla, grønn osv.

Den har blitt liggande for eg har vore usikker på om eg

skal ha på dusk eller ei.

Broren hans var på besøk for litt sidan og me vart einige om

at ein dusk passa ikkje til han. ;)

Må seie eg likar fargane på denne, men dei er litt vanskelege

å sjå på biletet. Det er mørk lilla og knall oransje.
Viss du klikker på biletet vert det større og litt lettare å sjå.

Mønster

Pinnenr: 5mm

Garn: Dale Freestyle

Mengde: 100gram

Desse tøflane er hovudsakleg strikka i Monty,

eit utgått garn frå Dale.

Det vart for lite så det mørke gråe og raude er restar

av Eskimo.

Desse vert ei gåve.

Pinnenr: 7mm

Garn: Dale Monty og Drops Eskimo

Mengde: 140 gram

"Ta vare på deg sjølv"-kurv

Dei siste vekene har det vore ein del tøffe tak her i heimen,

så det har blitt lite søvn og lite blogging.

Eg har strikka litt desse vekene, men det er ikkje alltid overskotet

har vore der, men litt skal eg forhåpentlegvis få lagt ut framover.

Ei god veninne av meg har hatt det litt tungt i det siste og eg fann

ut at jenta trong ei lita oppmuntring og, rett og slett, ei påminning

om å ta vare på seg sjølv.

Så i den anledning har eg laga ein "ta vare på deg sjølv"-kurv.

Så når ungane er komen i seng skal ho legge alt husarbeid til sides,

ta på seg varme, gode, tova tøflar, eit par varme pulsvarmarar,

tenne telys, drikke litt god kaffi, ete litt god sjokolade

(troika og kvikk lunsj mjølkesjokolade som er hennar favorittar)

og lese litt i KK eller Julegleder og kun pleie seg sjølv.

Tøflane ho fekk ser du på biletet over.

Dei er strikke i Drops Eskimo på pinnenr 7mm

og det gjekk med ca 171 gram.

Dette er pulsvarmarane ho fekk.

Dei er strikka i Inca Alpakka på pinnenr 3mm.

Det gjekk med 21 gram.

Mønsteret finn du her.

Tøflar/ slippers

Desse starta eg på før eg reiste til Bolivia, hekla kanten og broderte/hekla pynten no når eg kom heim igjen. No har dei hatt tre turar i vaskemaskina,- ein på 60 og to på 40 grader. Fekk hekla to ekstra blomstrar og som eg kan feste på noko anna seinare. Desse går i tøflekista i gangen som gjestar kan bruke når dei kjem på besøk.
Ser ut til at det blir ein strålande dag i dag og, litt meir vind enn dei andre dagane. Men ein flott dag å vere mykje ute.
Mønster: Mitt eige. ;)
Garn: Eskimo
Pinnenr: 9mm og heklenål 7mm
Mengde: 449 gram
____________________________
Slippers knitted for guests to wear when they come to visit. It is a beautiful day today,- a little bit windy, but other then that the sun is shining and it is warm outside.

Tøflar/ slippers

Begynner å innsjå at ein del av dei tova tøflane er moden for utskifting. Me har ei gammal kiste i gangen med mange tova tøflar i, til meg sjølv og til gjester som frys på beina,- eit gammalt hus er golvkaldt. Så når eg ser at fleire og fleire begynner å få hol rundt omkring, så er det vel gjerne på tide med litt fornying. Til bursdagen min var eg så heldig å få eit par tøflar frå tre veninner som den eine hadde strikka,- dei kan du sjå her. Kjekt med eit nytt par i kista. Så...no er eg i gang med prosjekt tøflefornying. ;) Dette er første paret. Dei er strikka i eskimo, hekla kant på toppen og hekla pynt,- den vart litt utståande etter toving. Men...eskimo tova finare denne gongen enn det gjorde på dei forrige tøflane eg strikka. På dei forrige vart dei svært ulikt tova og den eine tøffelen måtte fleire gongar i maskina.
No har mannen renska lyr som me har fått av svigers,- eg skal lage mine første fiskekaker til middag!!! Spennande! Satsar på at ein del kan frysast ned og. Samtidig står brøddeigen til heving og eg har vore på fjellet på tur, klarte det i strålande solskinn, og det hølja ned då eg var komen heim att. Så no er det litt middagslaging, avslapping og baking før eg skal inn på jobb ein tur.

Mønster: I mitt eige hovud. ;)
Pinnenr: 7mm
Garn: Drops eskimo
Mengde 200 gram
________________________________
I have knitted a new pair of slippers. I have figured out that I have to get rid of some of the slippers we have, and make some new ones. These are the first pair.
Today, I have been hiking in beautiful sunshine. Right now I am baking bread and getting ready to cook dinner before I am going to work.

Tøflar og nye bilete i innlegget under av kudressen :) / Slippers

Eit forsøk på å bruke av garnlageret. ;) Dei mørkegrøne er strikka i Eskimo, og tøflane vart tova litt ulikt, så den eine tøffelen måtte ein ekstra runde i maskina. Dei gule er strikka i Vamse og i barnestorleik. Foreløpig hamnar dei i gåvekassa, så får me sjå kor dei vert av seinare.
Det er uansett temmeleg kaldt her for tida, så tøflar er bra å ha.
I dag mottok eg adventskalendar i posten frå Iris,- gjett om eg gler meg til 1.desember!!
Eg har brukt 2nøster med Vamse og 4 nøster Eskimo.
_____________________________________
Two pairs of slippers for my giftbox, one for adults and one for a child.

Prinsessekroner og tøflar/ Crowns for princesses and slippers

Ei veninne av meg såg dei prinsessekronene eg har strikka tidlegare og ønska seg eit sjølv som ho kunne ha i skibakken og eit til kvar av niesene sine. Så då var me på garnbutikken og kjøpte garn. Eg strikka og eit par tøflar til ho, då ho tidlegare har hinta om at ho trong eit par tøflar i huset sitt. ;) Så no er ho klar for bakken og jentene klare for våren!

Blomstrane er hekla i Mandarin Petit.

Mønster: Kronene frå Familien, og tøflane frå eit tema 14 eller 16 frå Sandnes.

Garn: Fritidsgarn

Pinnenr: 6mm

Mengde: 278gram

____________________________________

One of my best friends wanted a crown for herself to use when she is skiing, and she also wanted one for each one of her nieces. She has also talked about that she needs slippers in her house. ;)

Tøflar

Firkanttøflane er strikka til den eine personen på jobb som ikkje kjører bil. :-) Ho var ikkje på jobb i går, så pakken ligg og ventar på henne i skapet.Dei andre tøflane var meint å vere ei julegåve, men så strikka eg dei i dobbelt garn av det grønne og slapp jo då opp for garn. Måtte lage dei då med kvit tå. Så...no ligg dei i tøflekista vår i gangen. :-)

Garn: Diverse

Mengde: 407gram

Lommetøflar/ slippers

Eit par lommetøflar strikka i Perfect som var rester etter Thujasokkane.
Dei forrige eg strikka vart strikka med pinnenr 4 og vart for små til meg. Desse er strikka med pinnenr 4,5 og passar perfect! :)


These slippers are knitted of left over yarn after the February socks.

Firkanttøflar igjen

Nok eit par firkanttøflar. :) Desse er kjekke å strikke. Får sjå etterkvart om desse havner i julegåve/bursdagsgåve-kista eller om det havnar i kista for bruk i heimen...

Restetøflar og firkanta

Tøflane til venstre er strikka av restegarn. Dei er eit sammensurium av Østlandsgarn, Topp Ull og Eskimo. :) Firkanttøflane er strikka i Topp Ull.

Lommetøflar

Då har eg og strikka lommetøflar. :) Desse er strikka i Mor Åse garn og blomsten i Smart. Trur nok det vert fleire av desse, men må nok justere maskeantall og pinnestr litt, for desse passa ikkje til mine bein... Godt eg har nokre vener med små bein. :)

Firkanttøflar

Firkanttøflar strikka i austlandsgarn. Varme og gode, så får eg sjå etterkvart kven som ender opp med desse. ;)

Tova tøflar

Tova tøflar strikka i restegarn. Dette var eit forsøk på å strikke opp dei nøstene eg hadde med Iglo garn frå Europris. Er litt lei av det garnet etter å ha strikka ein del tøflar, så då er det greit å strikke det opp. :)

Eskimotøfler

Dette nydelege garnet og mønsteret på tøflane fekk eg i Hemmeleg ven gåve i mai av Aud på Hobbyboden. Tusen takk, Aud!! Eg gleda meg heile eksamenstida til eg endeleg fekk tid til å strikke desse. Så dei vart strikka straks etter at siste eksamen var avlagt. ;)

Tøflar igjen

Det vart mange tøflar i fjor. Og det vert nok ein del i år og. Dei er raske og enkle å strikkev og dei varmar godt på føtene!!! :)

Varme til kalde føtter

Eit par turkise tøflar (dessverre eit dårleg bilete) strikka i Trysil Iglo garn. Dette var ei bursdagsgåve til ei på kollokviegruppa mi i klassen.