3/52 Thalia

Eg har vore så utruleg heldig at eg nok ein gong

har fått teststrikka eit mønster for

Bitta Mikkelborg.

Ho er ein fantastisk designer!

Har du ikkje strikka nokre av hennar mønster før

anbefaler eg deg verkeleg å gjere det.

Mønstra er utruleg flotte og svært godt forklarte.

Dette er eit nydeleg mønster på babysokkar.

Mønsteret kjem nok snart for salg.

Eg har brukt 37 gram DSA Sterk og pinnenr 3,5mm.

I går la min kjære mann, ei svigerinne, ei niese og eg

ut på Bjørn West marsjen.

Dei siste dagane og nettene før hadde det regna

svært mykje så det var veldig sleipt og bløtt

over store delar av løypa.

Ettersom denne sommaren var noko

tørrare enn fjorårets, så hadde eg trudd at det var

blautare i fjor, men faktisk ikkje.

Me snakka med folk som hadde gått fleire år tidlegare

og dei sa at dette var det blautaste det hadde vore

på mange år. 

Men ein flott tur var det i godt selskap!

Fiori di Sole

No er eg komen heim igjen etter nokre flotte dagar

i lag med fantastisk flotte damer.

Desse vakre og flotte damene har det siste året

hatt utruleg stor betydning i livet mitt.

Me har strikka og brodert,

shoppa, nytt sommarveret,

sett på kunst, turar i skog og mark,

spelt tennis og prata til seine kvelden.

Ei av desse flotte damene vart

70 år i juni.

Og i den anledning har eg strikka Fiori di Sole til henne.

Eit nydeleg mønster.

Mønster

Garn: Drops Lace, oliven

Pinnenr: 4mm

Mengde: 77 gram/ 616 meter

Eg strikka tre repetisjonar av chart E i stadenfor fem.

I utgangspunktet hadde eg tenkt å ta bilete ute,

men eg rakk det ikkje før det skulle overrekkast. :)

Baby Converse #6

Nok eit par Baby Converse.

Synes desse er veldig kjekke å hekle og gi vekk i barselgåver.

Desse skal sendast i posten i morgon til

ei tidlegare kollega som fekk ei lita prinsesse

for nokre månadar sidan.

I dag er det sol og sommar

og no skal eg på jobb. ;)

Ønskjer alle ein strålande dag.

2/52 Merediths Spring

Nok eit mønster designa av Bitta Mikkelborg.

Dette er mitt andre av 52 par i 52 pair plunge på ravelry.

I dag har eg hatt kjempekoseleg besøk av ei veninne som

har hatt med seg to nieser på 3 og 5 år,

og ei veninne som har hatt med seg datra og son sin

på 4 og 2 år. Barna har kost seg med kvarandres selskap,

trampoline, god mat og besøk i fjøsen.

Stor stas når kalvane slikka på dei,

og stor stas med hunden Scott. ;)

Veninnene mine og eg har gått i same klasse frå 1.-9.

Ho som hadde med tantebarna har vore veninna mi

sidan me var 2 år gamle

og ho andre sidan me var 7.

Mønster

Garn: Drops Fabel

Pinnenr: 2 og 2,5mm

Mengde: 68 gram

Bellyphant

Det er mange babyar som blir fødde rundt omkring for tida

og eg prøvar å strikke noko som kan passe til den årstida dei gjerne

er rundt 6-12 eller 12-18mnd.

Denne vart strikka i 6-12 mnd av den enkle grunn

at eg synes det var finare med blomsten midt bak

enn berre elefantar rundt heile.

Eit vennepar er dagsventande og denne vert deira

så snart babyen er ute og me får tatt oss ein tur på besøk.

I helga skal den få ein runde i vaskemaskina,

dampast og syast på ein merkelapp så er den

klar til levering.

Mønster

Garn: Dale Baby Ull

Pinnenr: 3,5mm

Mengde: 101 gram

Oslo Anorakk # 2

Veninna mi fekk ei jente og ein gut.

Her er Oslo anorakken til guten. 

Den er og strikka i Nepal på pinnenr 6mm.

Her gjekk det med 240 gram med garn.

Knappane er kjøpt på etsy.

Link til mønster finn du nokre innlegg under.

Veninna mi gjekk klassen over meg på jordbruksskulen

og me har alltid "krangla" litt om traktorar,

så sidan ho likar grøne fendtar,

må jo sonen få blåe New Holland knappar. ;)

Ønskjer alle ein fin dag i regn eller sol.

Her regnar det.

Julenisse i august

For snart to år sidan strikka eg ei slik Odessahue til ei nabo.

Ho vart svært glad i denne hua og bruka den mykje.

For nokre veker sidan kom ho og fortalte meg at ho hadde klart å miste

hua på ein buss og ho ønska seg mønsteret så ho kunne strikke seg ei ny.

Eg fann ut at eg kan jo liksågodt strikke ho ei ny,

og så er det forskot på årets julegåve.

Den forrige var strikka i Smart,

denne er strikka i Lima, medan det melerte er smart.

Pga mønsteret dannar det melerte ei fin stjerne på toppen.

Syns i grunn det gjer det vesle ekstra.

Det gjekk med til saman 61 gram garn

og hua vart strikka på pinnenr 3,5 og 4mm

Oslo Anorakk # 1

Min første Oslo Anorakk.

Ei veninne av meg fekk tvillingar i slutten av juni

og då fekk eg lyst til å strikke denne.

Oslo Anorakken går som ein farsott i strikkeverda om dagen. ;)

På søndag var me ute med båten på ei fin strand og eg fall heilt for

denne traspa stolen som stod der ute. 

Så bileta måtte jo bli tatt på den.

Synes knappane er ganske søte og.

Gler meg til å levere den og få helse på dei søte tvillingane.
Viss du klikker på biletet vert det større.
Litt vanskeleg å få fram den nydelege lillafargen, men...
Anorakken har vore gjennom vaskemaskina,
men eg har ikkje dampa den enno. ;)

Mønster

Garn: Drops Nepal

Pinnenr: 6mm

Mengde: 235 gram

1/52 Latvian Love

Mitt første par i 52 pair plunge på Ravelry.

Eg skal altså f.o.m 1.juli 2012 og t.o.m. 30.juni 2013

strikke 52 par sokkar. 

Trur eg kan seie med ein gong at det ikkje bli nådd,

men uansett artig å vere med. ;)

Eg fekk akkurat litt for lite av Delight og måtte avslutte den lysaste

sokken med lilla fabel.

Sokkane vart veldig ulike. ;)
Viss du klikker på biletet vert det større

Neste gong kjem eg til å strikke leggen lenger slik at eg

kan avslutte med spiss på mønsteret framme ved tåa.

Eg strikka og ein omgang med berre off white

før eg starta å felle til tå.

Dette er forresten og eit mønster designa av

Bitta Mikkelborg.

Mønster

Pinnenr: 2 og 2,5mm

Garn: Fabel og Delight

Mengde: 70 gram

New Holland møter Marius og Moods

For ei tid tilbake vart eg tipsa på Facebook om å strikke ei slik pute.

Det tok litt tid før eg kom i gong med den, då eg har ein mann som veit veldig godt kva fargar det skal vere. Og det er ikkje kva som helst fargar som passar i lag med New Holland blå må vite...
 Eg viste mannen fleire forskjellige garn,

men fargane var feile uansett kva eg kom med.

Så til trass for at han meiner eg har litt for mykje garn på loftet,

så måtte me sette oss ned i lag ein kveld og bestille dei riktige fargane.
Link til mønster finn du her.

Traktorane er strikka vha Intarsia.

Innerputa er litt i største laget, så eg må justere litt.

Knappane er bestilt på ebay.

Her er puta plassert i sofaen på kontoret i nyefjøsen.

Den er strikka i Karisma og det gjekk med vel 280 gram.

Baby Converse #4 og #5

Desse to para med Baby Converse er bestillingshekling

for ei som skal gje dei vekk i barselgåver.

Kvart av para veg 39gram.

Eg har brukt heklenål

# 2, 3 og 4mm

Eit par i mørkeblått og eit i raudt.

Mønster finn du her.

 Elles har eg mange WIP (work in progress)

for tida.

Eg har litt for mange store prosjekt som

til tider er vanskelege å fullføre.

I tillegg til ein del andre ting som dessverre stel tid og tankar.

Ønskjer alle ei fin veke!!

Little Miss Spring Anklets #2

Desse var ferdig 30.mai, men det tok jammen meg litt tid

å få tatt bilete og legge dei ut.

Ettersom dei forrige eg strikka i WM Twin,

farge Turkise Markise vart for store til meg,

måtte eg jo strikke eit nytt par.

No har eg strikka 9 par ankelsokkar og har eit frå før,

men nokre av desse vert nok bursdags- og julegåver, tenkjer eg.

Men ein del av dei skal eg ha sjølv og.

Ribb og hel på den første sokken starta eg på 20.mai,

og hadde tenkt dei skulle bli Little Miss Summer.

Då eg skulle starte på foten oppdaga eg at ribben på summer

var ulik ribben på spring.

Eg hadde berre tenkt i mitt eige vesle hovud at ribben

på alle dei fire sokkane var like, men det var dei ikkje.

Då vart desse lagt til sides. ;)

Dette mønsteret er og eit av dei fire som skal bli ei ebook.

Alle er designa av Bitta Mikkelborg,

og mønstra vert snart publiserte.
Klikk på biletet så vert det større.
Meir info og bilete på Ravelry.

Mønster

Garn: WM Twin, farge Magnolie Medium

Pinnenr: 2mm

Mengde: 64 gram

I går starta eg forresten på ei ny karriere. ;)

Tanta til min kjære mann var her og lærte meg å sy Hardangersaum.

Så no har eg starta på ein liten løpar og lært meg tre ulike sting.

Eg har arbeid ei stund før ho skal lære meg fleire sting på løparen.

Kjempespennande og kjekt!!

Little Miss Winter Anklets

Nok eit mønster eg har vore så heldig 

å få teststrikke for Bitta Mikkelborg.

Bitta designer mange utruleg fine mønster.

Dette skal bli ei ebook i lag med Little Miss Spring,

Summer og Autumn sokkane.

Viss du klikker på biletet vert det større

og det er då lettare å sjå detaljane.

I dag er det sur og kald nordavind som tar

godt her hos oss som bur ved sjøen,

Så det vart ingen vakre bilete med sjø og blomstrar

i bakgrunnen i dag.

Neste gong eg evt strikkar desse skal dei

strikkast med pinnenr 2,5 og 3mm

pga flettene.

Desse vart litt trange til meg og vert dermed

bursdagspresang til ei veninne med litt

smalare og mindre fot enn meg. ;)

Garn: Drops Fabel

Pinnenr: 2 og 2,5mm

Mengde: 44 gram

Little Miss Summer

I går kveld vart desse ferdige.

Dette er det tredje mønsteret i årstidsserien som

er designa av Bitta Mikkelborg.

Nok eit flott mønster å strikke.

Gler meg til å starte på Little Miss Winter

når eg kjem heim frå jobb i dag.

Viss du klikker på biletet blir det større.

Eg skal linke til Ravelrysida mi så

snart eg har fått lagt ut mengder med bilete der. ;)

Mønster (kjem snart)

Garn: Drops Fabel

Pinnenr: 2 og 2,5mm

Mengde: 35gram

Little miss Autumn

Nok eit nydeleg mønster som eg har teststrikka

for Bitta Mikkelborg.

Dette er eit av fire mønster som kjem til å kome ut

seinare i ei e-book.

Ho har laga eit mønster for kvar årstid.

I morgon kjem Little Miss Summer

i bloggen min.

Little Miss Spring ser du lenger nede på sida.
Viss du klikker på biletet vert det større.

Garn: Drops Fabel

Pinnenr: 2 og 2,5mm

Mengde: 36 gram

Endeleg har me litt sommar her.
Så krysser me fingrane for at den varer ei stund.
Det er utruleg deilig å kome heim frå jobb på kvelden
og kunne sette seg på terassen og slappe av.
Eller ete frukosten ute på terassen.

Gratulera med dagen

Gratulera med dagen!!

I år måtte eg ta bilete av naboen sitt flagg då vårt heng rett ned.

No har me ete ein nydeleg 17.mai frukost hos ei svigerinne

(søstra til min kjære mann), og resten av dagen tar me med ro heime i stova.

Håpar alle får ei kjempefin feiring!

I helga var me i konfirmasjon til vår eldste niese.

I bilen på veg opp og ned fekk eg strikka ein haustvest.

Denne er ganske lik den du ser på nokre innlegg under, men på denne

har eg brukt fargane litt annleis på daisyene i tillegg til at eg har

brukt gammalrosa i den eine.

Viss du klikker på biletet vert det større og du ser det litt betre.

Mønster

Garn: Sandnes Alpakka

Pinnenr: 4mm

Mengde: 91 gram

Str: 1 år

In the Land of Glow #2

Tirsdagkveld oppdaga eg at eg hadde strikka det forrige paret

med In the Land of Glow (sjå innlegget under) like

og ikkje speglvendte som dei skulle vere.

Så då måtte eg starte på eit nytt par på kvelden.

Dei vart ferdige i dagtidleg før eg gjekk på jobb.

Eg trur eg er inne i ein ny sokkestim... :)

Mønster (sjå innlegget under)

Garn: Sandnes Garn Sisu

Pinnenr: 2 og 2,5mm

Mengde: 53 gram
Klikk på biletet så vert det større.

In the Land of Glow

Nok eit flott mønster frå Bitta Mikkelborg.

Desse vart ferdige i dag tidleg, og i dag var det ikkje noko

"ta-bilete-på-terassen" ver.

Det har regna, snødd, hagla og vore solskin om kvarandre.

Eg kunne tenkt meg å strikke desse sokkane i wollmeise

eller fabel, men hadde ikkje lyse fargar i nokon av dei.

Så då var det å finne nokre gamle nøster i sokkekurven.

Eg angrar på at eg ikkje strikka ribben på sokkane i den gulbrune fargen,

i stadenfor, for no ser det ut som om eg gjekk tom for garn

(noko eg jo forsåvidt gjorde, men hadde eg strikka ribb og tå

i den gulbrune fargen hadde det sett litt meir planlagt ut. :) ).

Men ifølge min kjære mann vart dei fine, så då får eg vel tru på han?! :)
Min kjære mann kommenterte forresten i dag:
"Ka, har du begynt på nye sokka no?!
Har du slutta å vaske sokkane dine og heller strikke nye etterkvart?" :)

Mønster

Garn: Gjestal Silja

Pinnenr: 2 og 2,5mm

Mengde: 60gram

Str: 38

Klikk på biletet så vert det større. :)

Brennesle dillesokkar

Nok eit mønster designa av Bitta Mikkelborg

medan eg venter på andre mønster.
Desse vart ferdige 3.mai, men har liksom ikkje fått
somla meg til å legge dei ut.

I dag er det fint ver, men surt og kaldt.

Eg har vore ute i bedet nokre timar og fullført det eg starta

på 1.mai. Det var ei kald oppleving, men godt å vere ute.

Skal ha ein kopp te no, så skal eg ut på tur med Scott.

Han er i allefall klar for tur. ;)

For øyeblikket hjelper han svigerfar å spre kunstgjødning. ;)
Brennesselen min har lagt lenge i sokkegarnkurven min
og venta på det perfekte prosjektet.

Mønster

Garn: WM Twin farge Johannissbeer und Brennessel

Pinnenr: 2mm

Mengde: 90 gram
Meir info og bilete på Ravelrysida mi.
Trykk på biletet så vert det større.

Autumn leaves vest

Tusen takk for koselege "god tur"- helsingar i forrige innlegg.

Me har hatt ein fin tur til Oslo med eit flott bryllup med ein koseleg gjeng.

I anledning flyreise måtte eg jo ha eit nytt strikketøy,

og sidan fleire veninner ventar babyar framover var det jo naturleg

og for ein gongs skuld kanskje ligge litt på forskot. ;)

Så då fekk eg strikka litt i bilen til Flesland på fredag og på flya

tur/retur Bergen-Oslo.

Festa trådar no når me kom heim og har fått lagt den ut.

Litt vanskeleg å sjå fargane,

men dei daisyene er lys grønn og mørk grønn på den nedste og den øvste.

På den midterste er det lys grønn, lilla og mørk grønn.

Håpar alle som har vore på strikketreff i helga har kost seg,-

eg skulle så gjerne ha vore der.

Har fått rapport frå Fru Helianthus om at det var stor stas. ;)

Mønster

Garn: Sandnes Alpakka

Pinnenr: 4mm

Mengde: 90 gram

Storleik: 1 år