søndag 30. desember 2012

VM gensar


Denne VM gensaren er strikka til ei niese til jul.
Str S i vidde og M i lengde.
Erma er like lange, sjølv om det ikkje ser slik ut på biletet.
Eg vart ikkje heilt fornøyd med glidelåsen,
men rakk ikkje å gjere noko med den før eg måtte pakke
gensaren inn og levere den.
Så dersom mottakar ønskjer at den skal ordnast
gjer eg det ved neste møte.
Litt stress vart det den siste veka, men det gjekk. ;)


Nærbilete av rosa.
Eg klarte først å strikke erma for lange og måtte
rekke opp att og strikke kilen på ny.
Kanten nedst festa eg og den såg grei ut før vask,
men etter vask var den heilt bulkete.
Den rekte eg opp att berre timar før gensaren måtte
leverast, og sydde den til på nytt.


Eg kom litt seint i gong med denne,
men starta på den 30.november og var i grunn ferdig
15. desember, men så måtte eg jo ta opp att kanten nede.
Så då vart det 16. ;)

Mønsteret er frå Dale
Pinnenr: 2,5 og 3mm
Garn: Sandnes garn Sisu
Mengde: 500 gram

Meir info på ravelrysida mi.

lørdag 29. desember 2012

Blonder i fleng


I år, som i fjor, har eg vore med på PIF
(Pay it Forward) på facebook.
I fjor mottok eg 2 av 5 pakkar, så eg er spent på dette året. ;)
Desse pulsvarmarane skal giast vekk i dag i lag med eit sett
med støvlettblonder (bilete og info under).
Det er den site gåva eg skal levere, 2 dagar før nyttårsafta. ;)
Desse flotte mønstra er designa av karipia.


Pinnenr: 2,5 og heklekroknr 2,5mm
Garn: Drops Baby Merino
Mengde: 34 gram

Alle lyslyktene har eg hekla med min nye clover heklekrok,
og eg innser etter å ha hekla blonden på desse med vanleg heklekrok at eg
må investere i fleire clover. Det var utruleg klønete
å hekle med vanleg heklekrok igjen.


Desse støvlettblondene har eg strikka to sett av.
Det eine paret var del av ei bursdagsgåve til ei svigerinne,
medan det andre er del av PIF gåva som eg skreiv om over.
Nok eit flott design frå karipia.


Garn: Drops Baby Merino
Pinnenr 2,5 mm og heklekrok 2,5mm
Mengde: 50 gram til kvart par.

fredag 28. desember 2012

10/52 Meredith Spring


Klikk på biletet så får du sjå mønsteret på sokkane betre.
Desse var eit av tre sokkepar som ei niese fekk til jul.
Rykande ferske frå pinnane på julaftan,
festa trådar, tok bilete, pakka inn og leverte. ;)
Eg er utruleg glad i dette mønsteret og kjem garantert til å strikke
eit par til meg sjølv og.
Det forrige paret eg strikka,
gav eg vekk til ei veninne i bursdagsgåve då
eg hadde strikka dei litt for korte til meg. ;)
Og dette er sjølvsagt og eit mønster designa

Garn: Drops Fabel
Pinnenr: 2 og 2,5mm
Mengde: 70 gram

torsdag 27. desember 2012

Hogwarts Express


Dette var nok ei julegåve til ei niese.
Her må du klikke på biletet for å få det større så du ser betre.
Vanskeleg å ta bilete av grått inne.
Ugler er jo veldig in har eg skjønt. ;)

Pinnenr: 4mm
Garn: Drops Merino Extra Fine
Mengde: 150 gram

onsdag 26. desember 2012

Perlestrikka hals og lue


Strikka eit sett i julegåve til ei niese.
Perlestrikka hals og flettelue med pelsdusk,
begge mønstra frå Marte Helgetun.


Litt detaljar frå hua.
Begge er strikka i Drops Lima
og det gjekk med 208 gram til saman,
i tillegg til 26 gram Drops Alpakka 
og ein pakke med refleksgarn på 25 meter.


Eg hekla ein brun kant rundt halsen og
sidan det vart brun dusk.
Ein del av bileta no rett før jul er tatt litt i hastverk
og på morgonen slik at utebileter ikkje var aktuelt.

tirsdag 25. desember 2012

Diverse julegåver



Ja, då er det 1. juledag. Alle pakkar er opna og det er ro i heimen.
Denne halsen i patentstrikk, finn du mønster på her.
Eg har strikka denne i Drops Alpakka og Drops Kid Silk
på pinnenr 8mm.


Det gjekk med 115 gram Drops Alpakka
og 47 gram Kid Silk.


Desse to sitteunderlaga strikka eg i adventkalendargåve til ei veninne.
Eg har skrive ned mønsteret ein stad og skal legge det ut snart.
Dei vart strikka litt på måfå og eg var ganske spent då eg tok dei
ut av vaskemaskina, men det gjekk bra og eg vart fornøyd. ;)


Det gjekk med ca 380 gram Eskimo til kvar av dei.

Denne ølvotten vart del av ei julegåve til ein kjær svoger i Kirkenes.
Eg skulle pynte litt på den før eg sendte den avgårde,
men i alt stresset med å få ferdig moods gensrar til sønene hans,
så strakk ikkje tida til.
Synes i grunn den vart litt stusseleg, så eg får sjå om eg ikkje
må prøve meg på ein ny til neste år. ;)
Denne er strikka i Østlandsgarn og det gjekk med 90 gram garn.
Eg synes sjølve handleddet vart litt langt på denne, så på neste
kjem eg til å korte ned litt.

Ønskjer alle ei fortsatt riktig GOD JUL og 
ein roleg og fin 1. juledag.

Denne konkurransen har eg utsett litt, så heng deg på om du vil.


mandag 24. desember 2012

Lyslykter og jul


Så var det jul!
Eg har fått hekla 11 lyslykter i gåver,
to av dei forsvann litt fort ut av huset i dag,
så dei manglar det bilete av.
Alle desse er hekla i Mandarin Petit og
det har til saman gått med 200 gram garn.
Dei er hekla på clover heklenål 3,5mm.
Eg er veldig fornøyd med den nye heklenåla mi. ;)

Eg vil med dette få ønskje alle som er innom ei
riktig GOD JUL!!

Her vart det faktisk kvit jul i år, snøen kom i dag og ligg
kvit og fin ute.

søndag 9. desember 2012

Marius meets moods #3


Klikk på biletet så vert det større og du ser fargane betre.
Dette er den tredje Marius Moods gensaren eg har strikka og eg trur det
er den kulaste mtp fargane. 
Vår yngste nevø er svært nøye på kva fargar han har på seg,
så eg var litt redd for å finne feile fargar, rett og slett fordi
eg ikkje har lyst til å strikke ein slik gensar og ende opp med at den blir
liggande i skapet. Så eg køyrde innom garnbutikken rett før eg skulle
på jobb ein dag. Tenkte oppi hovudet mitt heile tida at no må eg huske
å trekke sånn gratis parkeringslapp (med den kan ein stå gratis i tre timar).
I det eg parkerte kikka eg på klokka og registrerte at eg hadde dårleg tid
til eg skulle på jobb, gløymde parkeringslappen og sprang inn på
garnbutikken. Kjøpte litt ulike fargar og var maks innom der i 5 minutt.
For så å kome ut att til parkeringsbot!! Det vart ein dyr gensar, gitt...
Fargeprøvar vart sendt til Kirkenes og guten valgte kva fargar han ville ha.
Lilla gensar, grønt mønster og raudt opp mot halsen.
Eg bestilte nøster frå strikkenett og begynte på det lilla.
Då eg skulle starte på det grønne oppdaga eg at den grønne fargen
eg hadde kjøpt som fargeprøve var mykje finare enn den eg hadde
bestilt etterpå. Innfarginga var vidt forskjellig.
Eg tok ein sjanse og starta å strikke med den finaste, men oppdaga då eg begynte
å brodere traktorane at eg hadde absolutt ikkje nok.
Eg kontakta då fleire på ravelry som hadde den fargen i håp om at ein av
fargane stemte. 
Morgenfuglen sendte meg eit heilt nøste, medan robellas sendte meg ein liten prøve.
Kjempesnille menneske der ute i strikkeverda!!
Heldigvis kom nevøen vår på besøk og eg gav han nokre alternativ:
Anten kunne eg rekke opp att, noko eg var innstilt på, og strikke
med den andre grønnfargen, elles kunne eg brodere raude traktorar.
Me gjekk for raude traktorar.
Eg synes den vart kjempetøff! 
Så då håpar eg at han vert fornøyd på julaftan og! :)
Men Drops Muskat har ikkje blitt nokon favoritt etter dette.
Det blir lenge til eg strikkar med det igjen.
Garnet tvinna seg svært mykje, i tillegg til at det delte seg.

Meir info om gensaren finn du her.

Garn: Drops Muskat
Pinnenr: 2,5 og 4mm
Mengde: 610 gram

Ønskjer alle ein fin 2. søndag i advent!!

mandag 26. november 2012

9/52 Evtherpe


Jaja, eg ligg litt etter når det gjeld 52 pair plunge.
Eg burde vel ha nærma meg 26 par no, men det gjer eg altså ikkje.
Dette nydelege mønsteret er sjølvsagt designa av Bitta Mikkelborg.
Dette paret er ein av dei fire muser.
Viss du klikker på biletet vert det større.

Garn: DSA Sterk
Pinnenr: 3mm
Mengde: 94 gram

søndag 18. november 2012

Marius meets moods #3


Våre to nevøar oppe i nord ønska seg Marius moods gensrar
til jul slik som onkelen har. Den eldste ønska i like fargar.
Han er 13 år i januar og allereie begynt å vekse forbi tanta.
Gensaren passar jo til meg og, så det spørs om han får den til jul. ;)
Linselusa, Scott, er med på bileta.
Viss du klikker på biletet vert det større.
Info om mønster finn du på innlegget som er linka til over,
men på denne har eg strikka *1 vridd rett, 1vr*
på vrangbordene.
Gensaren var ferdig i september, men så hadde eg ein
mistanke om at armane vart altfor lange, så då han
var på besøk i oktober vart gensaren prøvd på,
og eg har no i helga tatt opp att ca 15 cm nede på armane
og strikka nye vrangborder.

Pinnenr: 2,5 og 4mm
Garn: Drops Karisma
Mengde: 700 gram, ca 50 av desse var ekstra pga armane.

Meir info på Ravelry

fredag 16. november 2012

Englar og konkurranse


Eg er svært glad i englar og har lenge ønska å lage ein
tennbrikettboksskjular med englar på.
Det første mønsteret eg laga (det til høgre) synes eg englane
vart litt store på. På det andre (det til venstre)
minska eg englane og laga med annakvar
hjarte og annakvar engel.


I utgangspunktet ønskjer eg forslag til namn på
den til venstre, men dersom det er interesse for
mønsteret til høgre og ønskjer eg og namneforslag
på den til høgre. Tenkjer då ein liten namnekonkurranse
med trekning den 31.desember der vinnaren får eit utvalgt
hespe med garn i posten (kjem tilbake til dette).
Meir info på ravelry.

torsdag 15. november 2012

Winter Waves Cowl #3


Nok ein julepresang, og nok ein Winter Waves Cowl
designa av Bitta Mikkelborg.
Bitta designer utruleg mange flotte mønster som eg
fort kan drøyme meg vekk i og eg skulle ofte ønskje
at eg strikka like fort som eg tenker.

Pinnenr: 4 og 5mm
Garn: DSA Mirasol
Mengde: 120 gram

onsdag 14. november 2012

Fleire tennbrikettboksskjularar


Desse er det og ei god stund sidan eg strikka.
Vert nok nokre julegåver desse og.
Veldig flott og enkelt mønster laga av Tone M.
Fargen kjem best fram på det øvste biletet.


Pinnenr: 6mm
Garn: Drops Alaska
Mengde: 170 gram til saman

tirsdag 13. november 2012

Hue og tøflar


Denne hua strikka eg for mange månadar sidan.
Strikka den med tanke på min yngste nevø som elskar
oransje, lilla, grønn osv.
Den har blitt liggande for eg har vore usikker på om eg
skal ha på dusk eller ei.
Broren hans var på besøk for litt sidan og me vart einige om
at ein dusk passa ikkje til han. ;)
Må seie eg likar fargane på denne, men dei er litt vanskelege
å sjå på biletet. Det er mørk lilla og knall oransje.
Viss du klikker på biletet vert det større og litt lettare å sjå.

Pinnenr: 5mm
Garn: Dale Freestyle
Mengde: 100gram

Desse tøflane er hovudsakleg strikka i Monty,
eit utgått garn frå Dale.
Det vart for lite så det mørke gråe og raude er restar
av Eskimo.
Desse vert ei gåve.

Pinnenr: 7mm
Garn: Dale Monty og Drops Eskimo
Mengde: 140 gram

mandag 12. november 2012

Hjertelig tenning #2 og 3


Desse vart og strikka for ei god stund sidan,
men blogglysta har og er vel i grunn ganske laber.
Prøver å få tatt bilete av ting innimellom slik at det kjem
ut litt etter litt før alt etterkvart skal pakkast inn som julegåver.
Dette mønsteret er og eit mønster designa av
Begge desse er strikka til gåver.


Pinnenr: 4mm
Garn: Drops Lima
Mengde: 76 gram på kvar.

søndag 11. november 2012

Gnomestrikk


Eg leita på Ravelry eller mønster på nissar då desse dukka opp.
Eg følte på meg at eg hadde sett dei før og at eg kanskje hadde
mønster på dei allereie. Kikka i stashet mitt på ravelry og oppdaga
at, joda, her var det både grått og kvitt nisseskjegg og raudt nissegarn.
Samstundes spurde Månestråle om nokon ville bytte vekk
Sirdar Foxy gar (nisseskjegg). 
Eg er ikkje glad i å strikke ting der ein må stappe bein, kropp
og armar full i vatt, så eg sa gladeleg ja til å bli kvitt dei nøsta
mot at eg fekk strikka eit skjegg til den eine gnomen eg hadde planar om å strikke.
Så då strikka eg denne og sendte både nisseskjegg garn og
raudt nissegarn avgårde til Månestråle.
Og i retur er eg så heldig at eg skal få litt WM Lace Fliederbusch,
så eg vert ferdig med ein jakke som har vore ufo sidan
april då eg innsåg at eg ikkje kom til å få nok garn.


Pinnenr: 3mm
Garn: Sirdar Foxy, Marks and Kattens Nissegarn,
Sandnes Mini Alpakka og pt2
Mengde: 47 gram.

Det var eit lite øyeblikk då nissen var ferdig at eg kjente,
"Oi, eg har lyst til å strikke fleire".
Eg måtte knipe meg sjølv i armen og seie til meg sjølv
at det ikkje er aktuelt i det heile for sånn strikking som
det her er eg ikkje noko glad i i det heile. ;)

lørdag 10. november 2012

Flaskenissar


Eg har ein lei tendens til å strikke mykje av slike figurar
når eg først set i gong, for det går jo så raskt og det er så kjekt.
Vel, det er inntil eg skal montere.
Berre ta ein kikk på dette innlegget,
så skjønar du kva eg meiner.
På desse var ikkje monteringa så gale, bortsett frå alt
skjegget og håret.
Dati, på uformelt, som eg dessverre ikkje finn nokon blogg
eller heimeside på, gav meg ein gong nokre flotte
"nåler" til å sy glidelåsar på strikka klede.
Dei minner veldig om desse, og var heilt geniale til
å feste Canto´en på nissane.
Eg har brukt pinnenr 5mm.
Det grå og dei to ulike raude garna er pt2.
Hudfargen er Sandnes Minialpakka
og skjegget er Sandnes Canto.
Til saman har eg brukt 150 gram garn.
Desse skal alle giast vekk i gåver.

torsdag 8. november 2012

Winter Waves Cowl #2


Min andre Winter Wave Cowl er strikka.
Dette er nok eit nydeleg mønster designa av
Viss du ikkje har strikka nokre av hennar mønster enno
så anbefaler eg deg å gjere det!


Garn: Fotrama Alpaca
Pinnenr: 4 og 5 mm
Mengde: 125 gram


Fargen på halsen stemmer nok best med dette biletet.
Garnet er utruleg mjukt, så eg håpar den vert god for
vedkommande som får den til jul.

Kjøkkenklutar



Ein del av desse klutane vart strikka for ei god stund sidan,
men bloggmotivasjonen har ikkje akkurat vore tilstades.
På dette biletet skulle det vore tre klutar til,
men dei gav eg vekk på mandag som del av ei
innflytningsgåve og gløymde heilt å ta bilete på førehand.
Dei tre klutane var alle strikka i Paris,
ein lilla og to grå.
Dei blå meiner eg er strikka av eit nøste Mandarin Petit. ;)
Dei rosa er strikka av eit nøste Cotton 8,
og resten er strikka av Paris.


Til saman, inkl dei tre som ikkje er på biletet,
har det gått med 450 gram garn til desse.
Klutane i Paris har eg lagt opp 45masker på pinnenr 4,5mm.
På vrangsida: *1r, 1vr* ut omgangen.
På rettsida: Strikk alle maskene rette.
Gjentar desse to omg til nøstet er nesten tomt for garn,
men såpass mykje att at eg har nok til å felle av.

søndag 4. november 2012

"Ta vare på deg sjølv"-kurv


Dei siste vekene har det vore ein del tøffe tak her i heimen,
så det har blitt lite søvn og lite blogging.
Eg har strikka litt desse vekene, men det er ikkje alltid overskotet
har vore der, men litt skal eg forhåpentlegvis få lagt ut framover.

Ei god veninne av meg har hatt det litt tungt i det siste og eg fann
ut at jenta trong ei lita oppmuntring og, rett og slett, ei påminning
om å ta vare på seg sjølv.
Så i den anledning har eg laga ein "ta vare på deg sjølv"-kurv.
Så når ungane er komen i seng skal ho legge alt husarbeid til sides,
ta på seg varme, gode, tova tøflar, eit par varme pulsvarmarar,
tenne telys, drikke litt god kaffi, ete litt god sjokolade
(troika og kvikk lunsj mjølkesjokolade som er hennar favorittar)
og lese litt i KK eller Julegleder og kun pleie seg sjølv.


Tøflane ho fekk ser du på biletet over.
Dei er strikke i Drops Eskimo på pinnenr 7mm
og det gjekk med ca 171 gram.


Dette er pulsvarmarane ho fekk.
Dei er strikka i Inca Alpakka på pinnenr 3mm.
Det gjekk med 21 gram.
Mønsteret finn du her.

søndag 23. september 2012

Nøstebarndressen


Nok ein nydeleg solskinsdag. Den nytes i det fri.
Denne nøstebarndressen er strikka på bestilling for kusina mi.
Den er strikka i str 6-12mnd og i Merinolammeuld frå Nøstebarn.
Eg er veldig glad i treknappar og spesielt i desse hjarteknappane,
så eg var veldig glad då kusina mi ønska treknappar på dressen.
Denne går i posten i morgon, så håpar eg at ho vert fornøyd.
Beina er like lange, sjølv om det ikkje ser heilt
slik ut på alle bileta her. ;)
Ønskjer deg ein fin søndag.

lørdag 22. september 2012

8/52 Terpsikhore


Nok eit flott sokkemønster frå Bitta Mikkelborg.
Dette har kome ut i ei ebok i lag med mønsteret på 
Thalia, Polyhymnia og eit som heiter Evtherpe.
Terpsikhore var ei av dei ni muser i gresk mytologi.
Ho var dansens og musikkens muse.
Viss du klikker på biletet vert det større.
Eg ser at bileta vart litt mørke sidan det var litt seint på kvelden,
så eg trur nok eg skal ta nokre nye bilete i morgon å legge ut.
I dag har det vore strålande solskin så eg har kost meg i
hagen og på tur med hunden vår, Scott.
Det er utruleg deilig med nokre solskinsdagar etter alt regnet
som har vore.
På desse sokkane brukte eg DSA Sterk
pinnenr 3mm og det gjekk med 83 gram.

fredag 21. september 2012

Ny pyntepute


No er pynt i heimen endra og eg er klar for hausten.
I den anledning trong eg ei ny pyntepute i sofaen.
Denne vart ferdig i dag.
Eg las heile mønsteret litt seint, for i utgangspunktet ville
eg ha knappane på baksida, men, men...
det får bli på neste pute.
Knappane kjøpte eg hos Jannicke´s hjemmekos.
Mønsteret på puta er frå Drops.
Garnet er Drops Alaska
og pinnenr 6mm.
I dag er første dagen på lenge
at det faktisk er opplett heile dagen.
Det surkla godt under beina då eg tusla over
plenen for å plukke plommer i dag,
men det var godt med ein solskinsdag.
No skal eg mekke litt mat til det skal vere
Enjo party/demo her i heimen i kveld.
Ha ein flott fredagskveld alle saman!

søndag 16. september 2012

7/52 Yme på Hardangervidda


Bitta Mikkelborg designer dei mest fantastiske, flotte mønstra.
Dette mønsteret, Yme, som snart kjem ut trur eg er det finaste herremønsteret
eg har strikka. Flotte mønster på legg og fot, men og nedover helen. 
Gled dåke til det kjem ut!
Bileta er tatt på vakre Rauland der me har vore dei siste dagane.
Nydeleg ver, frisk fjelluft, flotte hausfargar og godt
å vere på ferie i lag med mann og hund. 
Sokkane er strikka i DSA Sterk.
Det gjekk med litt over to nøster.
Pinnenr 3mm

onsdag 12. september 2012

Bonderomantikk og min kjære bestefar


Fru Helianthus har meir enn ein gong etterlyst bilete av kunsten frå nyefjøsen vår, og her kjem dei omsider. :) Det er ei lokal jente som har måla desse bileta på veggane i nyefjøsen. Bileta du ser over har ho malt etter gamle bilete frå garden. Det største biletet har ho forlenga litt og fyllt på med ein grindagut, litt geiter og sauer osv. Ho er utruleg dyktig! Og me er svært glade for at me gjorde det vesle ekstra.
Viss du klikker på bileta vert dei større.


Denne vesle krabaten var ein av dei første som kom til verda i ny fjøs. Kyrne vart flytta inn og me starta å mjølke første gongen 23.juli 2011 i ny flott fjøs. Vel....dei første dagane var vel ikkje alt så veldig fryd og gammen. Meir enn ei ku ville ikkje inn i den nye mjølkestallen og det krov mykje tolmod og list og lempe for å få dei inn ein etter ein. Den eldre garde kom etterkvart med hentydningar om at "detta e heilt forferdeleg. Me må jaga dei ner att i gamle flor´n og mjelka dei dar!"


Men etter nokre dagar vart det meste berre kjekt og dei fleste kyrne kjem no frivillige til mjølkestallen og vil mjølkast. Det vil alltid vere ei og anna som synes det er særdeles godt å liggje på madrassa si og har liten lyst til å reise seg, men stort sett kjem dei av seg sjølve,- som denne linselusa over.


Dette er bestemora til mannen min rett nedforbi huset vårt.
Det er same kunstnaren som over som har måla dette og. Dette og det under stod ho på ein nabolåve heime hos seg sjølv og malte. Dei er ca 2x2 meter store. Dei fleste som kjem inn i fjøsen trur det er vanlege fotografi som er forstørra opp.


Dette er min bestefar som 16-17 åring i Husdalen der han hadde det meste av sin barndom.
Han har alltid hatt ein spesiell plass i livet mitt. Når eg står nede i mjølkestallen og kikkar inn i sjølve fjøsen fell augo mine rett på bestefar. Eg kan mang ein gong få ei lita tåre i augekroken, men mest av alt føler eg godhet og glede over å ha fått hatt ein slik god bestefar.
Eg minnes kortspel med han om søndagane då eg besøkte dei på Austevoll, og så snart bestemor sine veninner kom på besøk til henne måtte kortspelet ryddast vekk til fordel for yatzy eller ludo, for kortspel passa seg ikkje på ein søndag. Bestefar kjøpte den første ludoen til meg og sorga var stor då veninna mi hadde teikna i lokket på den.
Han tok meg med på turar både i skogen og på sjøen.
I sept 1994 vart bestefar operert for kreft og fekk slag under operasjonen. Legane meinte han berre kom til å leve nokre månadar til, men nokre dagar etter operasjonen kom min gode bestefar gåande mot meg då eg besøkte han på sjukehuset.
Han kunne ikkje prate, men bestefar kunne synge.
Dei budde i kjellaren hos foreldra mine. Bestefar og eg song "Mellom bakkar og berg", "Fager kveldsol smiler" og "Den fyrste song". Nydelege songar som har ein spesiell plass i mitt hjarte. Bestefar var med under 2.verdskrigen og sat i fangenskap i Tyskland. Då det var 50 år sidan frigjeringa gav eg han ei bok om krigen der namna på alle dei som var med stod oppførte og med kor dei var i fangenskap osv. Bestefar sitt namn står der og. Han fekk og ein rosebukett av meg og denne passa han godt på. Tusla ut på kjøkkenet og hadde vasen med rosene i i den friske handa si, fyllte på vatn og bar den tilbake på plassen sin.
For over 15 år sidan, 2,5 år etter operasjonen, eit halvt år før han fyllte 80 år, døde min bestefar. 
Eg kan fortsatt sitte med tårer i augo når eg minnes det, men mest tårer fordi at bestefar var så god.
Min kjære bestefar!

LinkWithin

Related Posts with Thumbnails