Symre

Dette er mønster nr. 2 i Bitta sin klutealong på facebook.

Viss du ikkje er med enno bør du henge deg på. :)

Det er mange flotte mønster!

Eg er så heldig at eg får teststrikke, så denne var ferdig før alongen starta. Min Symre er strikka i Mandarin Petit, pinnenr 3mm og 23 gram.

Eg skal i grunn ikkje kjøpe garn, men bruke av det eg har, men eg synes i grunn at Mandarin Petit er for tynt til klutar. Eg har strikka nokre i dobbel tråd, men det passar ikkje til desse mønstra. Det einaste er at eg har høyrd rykter om at det er tomt for Tuva, som mange skryt av, på dei fleste Europris butikkane i landet. Det har verkeleg blitt ein klutefeber i landet. Nei, eg må nok skaffe meg litt tjukkare bomullsgarn, ein mellomting mellom Mandarin Petit og Drops Paris, tenkjer eg. :)

Ha ein strålande søndag! :)

Bergknapp

Bitta Mikkelborg har ei kjempeflott facebookside, Bittamis Design for strikkelystne. Via denne gruppa har ho starta ein klutealong. Forrige fredag kom mønsteret på Bergknapp og i morgon kjem det eit nytt mønster. Det er berre til å gle seg for det er nydeleg!

Eg er så heldig og beæra at eg er ein av Bitta sine teststrikkarar, dermed får eg tilgang til mønstra medan dei enno er under produksjon og kan kose meg med alt det flotte Bitta designer.

Bergknapp vart ferdig fredag føremiddag og no gler eg meg til og kunne vise dykk det neste mønsteret som kjem i morgon! :)

Eg har strikka min Bergknapp i Mandarin Petit, pinnenr 3mm og brukte 23 gram.

Eg likar i grunn ikkje så korte klutar, så dei neste vert nok lenger.

Eg vaska kjapt over vaskebrettet før bilettaking, men burde så absolutt hatt litt tolmod og venta med bilettakinga til det var tørt. ;)

Vakre ankelsokkar

 Ofelia er nok eit nydeleg sokkemønster som eg teststrikka for Bitta Mikkelborg i september.

Eg trudde eg hadde lagt dei ut då ho publiserte dei, men oppdaga no at det har eg ikkje. Så her kjem mine. Dei er strikka på pinnenr 2 og 2,5mm.

Eg har brukt Drops Fabel på desse og 46 gram.
Viss du klikkar på biletet vert det større og lettare å sjå detaljane i mønsteret.

Nydelege ankelsokkar!
Viss du ikkje er medlem av facebooksida hennar bør du ta ein kikk innom og bli medlem. Du finn den her. I morgon startar det ein klutealong på sida hennar. Bitta har mange flotte klutemønster og. 

Bitta kan verkeleg det med å designe mønster!

Valmue er eit nydeleg sokkemønster designa av Trude Hertaas.
Fleire av hennar mønster finn du her.

Desse er strikka på pinnenr 2 og 2,5mm og det gjekk med eit nøste Arwetta.

Desse var og strikka i september 2013 og eg var sikker på at eg hadde lagt ut bileta av desse før.

Ønskjer alle som er innom ei flott pinsehelg!

Bitta sokkar og blogganbefaling

Det er jammen meg lenge sidan ei bloggoppdatering.

Eg bestemte meg for lenge sidan at eg skulle samle dei siste sokkane som eg teststrikka til boka i eit innlegg. Det har blitt utsatt og utsatt grunna så utruleg mykje som måtte oppdaterast på ravelry før eg fekk eg kunne legge dei inn. Fru Helianthus har purra på meg opp til fleire gongar,- "det er på tide med eit innlegg". No er det endeleg gjort. Eg innser at det ikkje kjem til å bli heilt som eg hadde tenkt og at eg linker til ravelry for fleire bilete og info i stadenfor. :)
Alle desse vart strikka i løpet av 2013.
Klikk på biletet så vert det større.

Dei to para med heilt raude sokkar er Ginas sokker, det eine er strikka i Ida Strømpegarn (80 gram), det andre i Pt5 (100gram). Det tredje paret med raude sokkar er 1913, strikka i fabel (80 gram). Det grøne paret er Yang´s, strikka i Arwetta (70 gram). 

Nedste rekke frå venstre: Yme, strikka i Sandnes Alpakka Strømpegarn (150 gram). Tøff(l)inger, strikka i Sisu og Silja (27 gram). Dei to siste para er Espen Askepott. Blått par strikka i Hifa garn (146 gram) og det siste paret strikka i Silja og Sisu (40 gram).

Viss du ikkje har kjøpt boka enno så bør du springe å kjøpe den over helga! :)

Bitta Mikkelborg - Sokker Strikking hele året.
Det er utruleg mange flotte sokkar i den boka for både nybegynnarar og for vidarekomne. Samstundes som det er ein unik mogelegheit til og kunne avansere, rett og slett fordi Bitta skriv utruleg flotte og detaljerte mønster som alle kan klare å følgje. Og dersom ein får problem undervegs og har spørsmål så har Bitta i tillegg ei flott facebook side der ein kan spør og dermed kan få hjelp undervegs.

Til slutt vil eg tipse om ei kjempeflott facebook-side og ein flott blogg!

Foreløpig er det mest bilete på facebook, men ta deg ein tur innom. Lik og del og løp og kjøp! :) Mange tøffe og fine toalettvesker, vesker, julesokkar osv. Det dukkar stadig opp nye ting der inne.

Anbefaler både facebookside og bloggen på det sterkaste!

Facebooksida kan du kome inn på sjølv om du ikkje har ei facebookside sjølv og. 

Puh! No er eg ferdig med det innlegget eg har utsett og utsett så no vert det forhåpentlegvis litt oftare innlegg på denne sida. ;)

Ha ei strålande helg!

7/52 Yme på Hardangervidda

Bitta Mikkelborg designer dei mest fantastiske, flotte mønstra.

Dette mønsteret, Yme, som snart kjem ut trur eg er det finaste herremønsteret

eg har strikka. Flotte mønster på legg og fot, men og nedover helen. 

Gled dåke til det kjem ut!

Bileta er tatt på vakre Rauland der me har vore dei siste dagane.

Nydeleg ver, frisk fjelluft, flotte hausfargar og godt

å vere på ferie i lag med mann og hund. 

Sokkane er strikka i DSA Sterk.

Det gjekk med litt over to nøster.

Pinnenr 3mm

4/52 Surt

Dette er nok eit fantastisk mønster designa frå

Bitta Mikkelborg´s hand som eg har vore
så heldig å få lov til å teststrikke.

Eit par herresokkar som ho har gitt namnet Surt

etter jotnen Surt.

Det har tatt litt tid før eg har fått tatt ordentlege bilete

av dei då det jo skal klaffe med tidspunktet

både modellen og fotografen er tilgjengeleg på,

i tillegg til at det skal klaffe med lys- og verforhold.

I dag sneik me oss ut innimellom nokre regnbyger.

Eg har brukt pinnenr 2,5mm og strikka 20cm legg.

Garnet er Drops Fabel og det gjekk med

90 gram i str 44/45.

3/52 Thalia

Eg har vore så utruleg heldig at eg nok ein gong

har fått teststrikka eit mønster for

Bitta Mikkelborg.

Ho er ein fantastisk designer!

Har du ikkje strikka nokre av hennar mønster før

anbefaler eg deg verkeleg å gjere det.

Mønstra er utruleg flotte og svært godt forklarte.

Dette er eit nydeleg mønster på babysokkar.

Mønsteret kjem nok snart for salg.

Eg har brukt 37 gram DSA Sterk og pinnenr 3,5mm.

I går la min kjære mann, ei svigerinne, ei niese og eg

ut på Bjørn West marsjen.

Dei siste dagane og nettene før hadde det regna

svært mykje så det var veldig sleipt og bløtt

over store delar av løypa.

Ettersom denne sommaren var noko

tørrare enn fjorårets, så hadde eg trudd at det var

blautare i fjor, men faktisk ikkje.

Me snakka med folk som hadde gått fleire år tidlegare

og dei sa at dette var det blautaste det hadde vore

på mange år. 

Men ein flott tur var det i godt selskap!

Little Miss Spring Anklets #2

Desse var ferdig 30.mai, men det tok jammen meg litt tid

å få tatt bilete og legge dei ut.

Ettersom dei forrige eg strikka i WM Twin,

farge Turkise Markise vart for store til meg,

måtte eg jo strikke eit nytt par.

No har eg strikka 9 par ankelsokkar og har eit frå før,

men nokre av desse vert nok bursdags- og julegåver, tenkjer eg.

Men ein del av dei skal eg ha sjølv og.

Ribb og hel på den første sokken starta eg på 20.mai,

og hadde tenkt dei skulle bli Little Miss Summer.

Då eg skulle starte på foten oppdaga eg at ribben på summer

var ulik ribben på spring.

Eg hadde berre tenkt i mitt eige vesle hovud at ribben

på alle dei fire sokkane var like, men det var dei ikkje.

Då vart desse lagt til sides. ;)

Dette mønsteret er og eit av dei fire som skal bli ei ebook.

Alle er designa av Bitta Mikkelborg,

og mønstra vert snart publiserte.
Klikk på biletet så vert det større.
Meir info og bilete på Ravelry.

Mønster

Garn: WM Twin, farge Magnolie Medium

Pinnenr: 2mm

Mengde: 64 gram

I går starta eg forresten på ei ny karriere. ;)

Tanta til min kjære mann var her og lærte meg å sy Hardangersaum.

Så no har eg starta på ein liten løpar og lært meg tre ulike sting.

Eg har arbeid ei stund før ho skal lære meg fleire sting på løparen.

Kjempespennande og kjekt!!

Little Miss Winter Anklets

Nok eit mønster eg har vore så heldig 

å få teststrikke for Bitta Mikkelborg.

Bitta designer mange utruleg fine mønster.

Dette skal bli ei ebook i lag med Little Miss Spring,

Summer og Autumn sokkane.

Viss du klikker på biletet vert det større

og det er då lettare å sjå detaljane.

I dag er det sur og kald nordavind som tar

godt her hos oss som bur ved sjøen,

Så det vart ingen vakre bilete med sjø og blomstrar

i bakgrunnen i dag.

Neste gong eg evt strikkar desse skal dei

strikkast med pinnenr 2,5 og 3mm

pga flettene.

Desse vart litt trange til meg og vert dermed

bursdagspresang til ei veninne med litt

smalare og mindre fot enn meg. ;)

Garn: Drops Fabel

Pinnenr: 2 og 2,5mm

Mengde: 44 gram

Little Miss Summer

I går kveld vart desse ferdige.

Dette er det tredje mønsteret i årstidsserien som

er designa av Bitta Mikkelborg.

Nok eit flott mønster å strikke.

Gler meg til å starte på Little Miss Winter

når eg kjem heim frå jobb i dag.

Viss du klikker på biletet blir det større.

Eg skal linke til Ravelrysida mi så

snart eg har fått lagt ut mengder med bilete der. ;)

Mønster (kjem snart)

Garn: Drops Fabel

Pinnenr: 2 og 2,5mm

Mengde: 35gram

Little miss Autumn

Nok eit nydeleg mønster som eg har teststrikka

for Bitta Mikkelborg.

Dette er eit av fire mønster som kjem til å kome ut

seinare i ei e-book.

Ho har laga eit mønster for kvar årstid.

I morgon kjem Little Miss Summer

i bloggen min.

Little Miss Spring ser du lenger nede på sida.
Viss du klikker på biletet vert det større.

Garn: Drops Fabel

Pinnenr: 2 og 2,5mm

Mengde: 36 gram

Endeleg har me litt sommar her.
Så krysser me fingrane for at den varer ei stund.
Det er utruleg deilig å kome heim frå jobb på kvelden
og kunne sette seg på terassen og slappe av.
Eller ete frukosten ute på terassen.

Little Miss Spring

Eg har vore så heldig å få teststrikke nok eit 

nydeleg mønster designa av

Bitta Mikkelborg. Ho er utruleg dyktig 

og lagar dei flottaste sokkemønstra.

Mine sokkar er strikka i WM Twin

og fargen Turkise Markise.

Pinnenr: 2 og 2,5mm.

Normalt sett må eg gå opp i pinnestr når eg strikkar,

men med WM viser det seg at eg må gå ned.

Så neste sokkepar strikka med WM Twin

skal eg bruke pinnenr 2mm heile vegen.

Det gjekk med 66 gram.

Meir info på Ravelrysida mi.

I dag regnar det igjen og det er meldt tropevarme over helga,

så får me sjå om det slår til.

Må nok innrømme at eg trur det ikkje før eg ser det.

Spesielt sidan me hadde haust med regn og storm i heile 2011. ;)

Men...kryssar fingrar!

Perfect Spring Hearts

Eg har vore så heldig å få teststrikke desse sokkane for

maskesprell. Kjempefine, raske og enkle sokkar å strikke.

Synes det gjorde seg med fletta langs sidene og det vesle

hjartet på skaftet.

Hæltypen vart ikkje min favoritt, men...smaken er som baken. ;)

Eg starta på mine på laurdag og var ferdig med dei på søndagen,

men så har veka flydd avgarde med travle dagar og seine kveldar

på møte og kurs så det å ta bilete og legge inn har tatt litt tid.

Burde jo hatt utebilete og fått hjelp av min kjære mann,

men då kjem ikkje bileta før i morgon. ;)

Tusen takk for at eg fekk teststrikke desse!

Mønster

Garn: DSA Sterk (fantastisk!!)

Pinnenr: 3,5mm

Mengde 79 gram

Klikk på biletet så vert det større.

Running dog of meander

GOD PÅSKE!! :)

Eg har vore så heldig å få spørsmål frå

Bitta Mikkelborg om eg kunne teststrikke eit mønster for ho,

Running Dog of Meander.

Kjekt mønster å strikke, og ein fin detalj med flettene som går

langs sida på heile sokken.

Det er vanskeleg å få det ordentleg fram på svarte sokkar,

men det viser på biletet oppe til høgre.

Litt vanskeleg å ta bilete i dag når eg er åleine heime,

men, men...

Mønster

Pinnenr: 2 og 2,5mm

Garn: Drops Fabel

Mengde: 80 gram

Meir info på Ravelry

Bailey´s

Eg har vore så heldig å få teststrikke

nok eit mønster frå O´store Bitta Mikkelborg!

Ho lagar fantastiske sokkemønster,

i tillegg til huer, sjal og vottar/pulsvarmarar.

Mønsteret heiter Bailey´s.

Eg har strikka sokkane i

DSA Sterk.

Mitt første møte med dette garnet

var fantastisk!

Eg er glad eg fekk tak i fleire nøster på sal.

Eg er i grunn ikkje så glad i off white/kvite sokkar,

men i mangel på andre lyse fargar

i Sterk, så vart det desse.

Pinnenr: 2,5 og 3mm

Mengde: 62 gram

Flott og røft flettemønster,

som var raskt å få inn i hovudet.

Sokkane er ikkje dampa enno.

Og så må eg ikkje gløyme:

Gratulera med kvinnedagen, jenter! :)

Elles har eg meldt meg inn i Strikkeblogger.no.

Anbefaler å ta ein kikk innom der,

eller dersom du har ein strikkeblogg,-

meld deg inn! :)

Eco Hat and Fingerless Mittens

Først av alt må eg seie TUSEN, TUSEN TAKK for alle koselege og rørande kommentarar

på forrige innlegg. Det var litt skummelt å legge ut noko som eg har designa sjølv

og som eg hadde så dårlege bilete av. Men det varma stort med alle dei gode kommentarane frå dykk! Tusen takk!! ♥ Eg kjem nok til å legge ut begge mønstra ein gong,

men må berre finne motivasjon til å reinskrive dei og så finne teststrikkarar osv. ;)

Så tilbake til innlegget.

Eg har vore så utruleg heldig å få teststrikke to flotte mønster frå vår alles

O´Store Bitta Mikkelborg!!

Hua over heiter Eco Hat.

Mi er strikka i Nepal på pinnenr 4 og 6mm. 6mm rett og slett fordi eg ikkje fann 5,5mm, og så strikkar eg litt stramt. Garnbutikken var tom for rosa blomstrar, så eg må sjå om eg evt skal skifte knapp på hua. Det gjekk med 132 gram Nepal.

Eg fekk mønsteret rett før eg for på styremøte på jobb på mandagaen, så eg fekk starta tysdagmorgon og strikka litt på kvelden igjen etter jobb, før den var fullført torsdag kveld.

Nydeleg mønster!!

Bitta Mikkelborg har og laga mønster på matchande pulsvarmarar,- Eco Fingerless Mittens.

Eg hadde ikkje nok brun Nepal, så då vart desse i den lillafargen i Nepal som

eg er blitt utruleg glad i! Og...det betyr jo at eg må strikke fleire slik at det blir

to matchande sett. ;) Litt vanskeleg å få fram den flotte lillafargen i dette lyset, men, men...

Her har det gått med 106gram Nepal og dei er strikka på pinnenr 4 og 5mm.

Nydeleg mønster dette og!! Har planer om å strikke fleire, ja!

Desse vart strikka mesteparten på på torsdag. På fredag vart siste vrangborda strikka og begge tomlane. Trådar festa og knappar sydd på i dag.

Begge mønstra vert lagt ut for sal hos Strikk Innom når

Bitta er heilt ferdig med dei,-

så "løp og kjøp". ;)

Sildre babysokkar

Eg var så heldig å få lov til å teststrikke desse nydelege babysokkane som Marit Sættem ved Strikk Innom har designa. Nydelege!! Mønsteret vert nok lagt ut på Strikk Innom sine sider etterkvart. Det heiter Sildre Babysokker. Eg har strikka dei i str 3-6mnd og har brukt Sisu og pinnenr 3mm. Det gjekk med nøyaktig 20gram.

Raggsokkane fekk svigerfar som ein del av bursdagspresangen sin i dag. Det ser ut som om det er eit parti på den eine sokken i ein annan farge, men det stemmer ikkje. ;) Dei er heilt like og i same garnet. ;) Litt kjedeleg å strikke raggsokkar, men kjekt når mottakar set pris på dei. Dei er strikka i Tresko raggegarn, pinnenr 3,5mm og det gjekk med 129 gram. Bileta av raggsokkane vart tekne litt i hui og hast før me skulle inn og levere gåva, så det vart ikkje utebilete av dei.

Min perfekte ankel

Desse flotte ankelsokkane har i grunn vore ferdige sidan 29.mai, men blogg- og strikkehumøret er ikkje heilt i slaget for tida, så ting går litt treigt. Kjekke sokkar å strikke. Sokkane er designa av Bitta Mikkelborg, med bloggen meisebo. Ho har designa mange flotte sokkemønster,- eit av dei ser du i to innlegg under dette.

Mønster: My Perfect Ankle

Garn: Sisu

Pinnenr: 2 og 2,5mm

Mengde: 52 gram

________________________________

I finnished these socks on May 29th, but I am not in the biggest blogging and knitting mood at the moment... The pattern is called: My Perfect Ankle.