Desse har eg aldri strikka før, men dei var kjappe å strikke, varme og gode. Langt skaft på dei, som gjer at dei varmar godt til vinteren. Eg kjem garantert til å strikke fleire av dei. I går hadde eg besøk av ei veninne, som allereie har putta dei på ønskelista si til jul. ;)
Då går det unna. Deilig med avspasering. Dagen starta ganske trått i dag, men begynte på desse badedamene, som skal henge på veggen, i går, så fekk gjort siste finishen i løpet av dagen. Det skal eigentleg vere tre damer på rad og rekke på eit slikt veggteppe, men...ettersom badet vårt er ganske lite og me ikkje har dei store veggflatene, så delte eg dei opp. No heng det eine over dei badedamene som du ser i forrige innlegg og den andre heng over do. ;)
Endeleg!! Det er minst 2 år sidan eg klipte opp delane til desse, la det vekk og tok det først fram igjen i gårkveld. Synes desse er kjempeartige og dei passar bra inn på badet. Eg avspaserer dei fire første dagane av denne veka, søv mykje og kosar meg elles med handarbeid. Eg har henta fram eit veggbilete med badedamene på og, så får eg sjå om eg får sydd det og. Litt smale veggar på badet vårt, så dei må i såfall delast opp litt med ei badedame på kvar. Ha ei strålande veke alle saman!!
Dette gjekk superkjapt å strikke. Starta på det seint på kvelden 18.juli og var ferdig dagen etterpå. La det til blokking rett før forrige helg og fekk endeleg tatt bilete av det i kveld. Eg strikka ein rapport ekstra på chart 1, slik at eg strikka rad 1-22 ein ekstra gong. Synes det vart passeleg lengde på det då. Dette hamnar og i gåvekassen min. No har eg ganske mange gåvekassar, så det vert greit til jul og til bursdagar framover. ;) 
For ei tid tilbake vart eg med på ein giveaway på TanteUlla's blogg. Og eg vann dette flotte Wollmeise nøstet. Eg har aldri prøvd Wollmeise før, så dette blir spennande. Eit deilig å mjukt garn.
Den off white look alike hua vart strikka for ein del veker sidan. Den koksgrå vart strikka i helga. Det koksgrå garnet fekk i HV gåve på Hobbyboden i juni. Eg har endra noko på mønsteret slik at det er ein del enklare,- kan berre strikke i veg utan å tenke på kor tid eg er ved starten og slepp følge med på mønsteret. ;) Blir nok fleire av desse, vil eg tru. Den flotte hortensiaen i lag med ein del andre ting i ein pakke har me fått av søstra mi med mann og barn då dei var på besøk her i nesten to veker i sommar og eg passa barna 2 dagar. Nydeleg! Desse hamnar og i ein gåvekasse,- dei begynner å bli passe fulle...
Jobbar meg fortsatt gjennom garnlageret, så denne er strikka av noko melert Smartgarn som eg hadde liggande. Passar nok ein jaktperson. :) Så vi får sjå kor den hamnar. Foreløpig hamnar den i ein av gåvekassane den og. Trur eg snart må ha fleire gåvekassar for dei begynner å bli ganske fulle... :)
For nokre veker sidan var det storm her ein fredag. Me hadde sjølvsagt ikkje somla oss til å sikre trampolina så den tok seg ein tur nedover lia mot sjøen. Heldigvis har me enno ikkje rydda beitet for å få betre utsikt slik at trampolina hamna heldigvis ikkje på sjøen. Stormen tok og toppen på eit kastanjetre som står rett ved sida av terassen vår. Det var då nordavind og toppen datt over terassen vår og øydelagte heldigvis berre den eine altankassen og fjerna ei blomsterkrukke. For nøyaktig to veker sidan var det ein ny storm, denne gongen sønnavind. Trampolina var sikra og eg sprang ut og fyllte vatn på syrekannene for å vere sikker. Eg sat på nettet og kikka på bloggar. Plutseleg høyre eg eit knirk, som om ein knekk ein kvist, og så eit brak... Resten av toppen på kastanjetreet knakk og tok med seg telefonledningen i same slengen. Heile kastanjetreet ser litt rart ut no, det er berre ein kvist att. Dette treet var ein gong eit stort og flott tre. :) Eg er i grunn glad det var sønnavind for då datt det i allefall ikkje på huset. På biletet oppe til høgre ser de den delen som ramla ned. I forrige storm var det vel ein tilsvarande stor del som knakk om ikkje den var større...
Denne hamnar i gåvekassen. Eg veit ikkje heilt kven som skal få den enno... ;) Men eg har fortsatt brukt garn frå garnlageret. Det skal eigentleg vere ein vest, men eg har strikka den noko lenger så kan den brukast som kjole/tunika.
Innimellom ein del større prosjekt har eg no strikka ein del huer. Jobbar meg fortsatt gjennom garnlageret, så det minkar sakte, men sikkert, sjølv om det ikkje akkurat føles slik. Alle på det øvste biletet er strikka i Smart, medan den nedste er strikka i Edda frå Viking Garn. Eit utruleg mjukt og godt garn. Då eg strikka den lilla hua i Smart gjekk eg tom for garn før eg var ferdig, så eg endte opp med å bruke melert garn på toppen. Synes i grunn det vart ein fin detalj og har difor gjort det på dei to andre som er strikka i smart og. Desse havner og i gåvekassa. Kjekt å ha litt gåver liggande til jul og bursdagar.
Har strikka eit rosa/lilla babyteppe og. Brukar fortsatt garn frå garnlageret. ;) Denne gongen er eg like misfornøyd med det brune garnet som eg var på det blå. Det tovast ein god del mindre enn resten av garnet slik at det vert bulkete inni teppe og skjeivt og skakt langs kanten. :(
Dette er det ei stund sidan var ferdigstrikka. Eg starta på det på toget på veg til Hønefoss den første helga i mai då eg skulle på kurs i Bløtvevskirurgi på smådyr. Eg tok ikkje med meg oppskrifta og dermed visste eg ikkje kva rekkefølge dei ulike lappane skulle vere i. Angra litt på det ettersom eg kunne ha strikka dei remse for remse,- det hadde gitt meg litt mindre monteringsarbeid. Men...eg kan jo ikkje sitte på toget frå Bergen til Hønefoss utan noko handarbeid!!! Så då var det berre å strikke, og montere i veg etterpå. Det har lagt ei stund etter toving, før eg hekla kanten rundt, sydde alle kastestinga rundt kvar rute og nålefilta figurane på. Fargane kjem ikkje heilt til sin rett, men, men... Det limegrønne og den lyseblå er Tove garn. Resten er Rauma Finull. Mange flotte fargar i Rauma Finull, men eg er veldig misfornøyd med den brune. For den tovar IKKJE likt som resten av garnet, slik at dei rutene er større enn dei andre og gjer teppet litt bulkete inni teppet og litt skeivt og skakt på midten. Hadde jo forventa at alle fargane innanfor same garntype tova likt. Men, men... Eg har no fått brukt opp meir garn frå garnlageret, så det er kjekt. Eg har ikkje kjøpt eit einaste nøste enno, bortsett frå garnet til Prinsessekronene som eg strikka for ei veninne (men der var det ho som kjøpte garnet. :) ).
Eg held fortsatt på med nokre større prosjekt som det gjenstår litt montering på. I mellomtida har eg strikka ein del huer. Men...eg har vore dårleg på blogginga i det siste, så det går litt trått med å få det ut i bloggen. Skal forsøke no å legge ut eit innlegg kvar dag ei lita stund framover så får me sjå. Alt avheng litt av pc'en og ettersom den har ein tendens til å henge seg opp så får me sjå korleis det går... ;(
Desse huene vart strikka for ei god stund sidan, men eg har ikkje vore i det voldsomme bloggehumøret i det siste. Fekk tatt bilete av dei i går. Det brune og petrol garnet er frå dei to flettejakkene eg har strikka. Det grøne frå flettegensaren eg strikka til mannen min. Min kjære mann har kapra den brune hua. Robin's Egg blue hat hamnar nok i ei gåve kasse.
Det er strålande sol her for tida, blå himmel, men ein del vind. Eg har to veker igjen på jobb så skal eg ha to veker med ferie. Det gler eg meg til.
Blomstrane på biletet har eg fått plukke frå svigermor sin nydelege Rododendron. Steintrolla er det ein kunde på jobb som har laga. Eg har operert hunden hennar to gongar, så då me var ferdige fekk me alle på jobb slike. Kjempesøte!!
Mønster: Robin's Egg Blue Hat den brune er fritt etter eige hovud :)
Garn: Alfa
Pinnenr: 6mm
Mengde: 57gram (brune) og 82 gram (petrol)
________________________________________
I had to use some left over yarn so I could do some quick knitting in between. I am working on four bigger projects at the same time, and hopefully I will finnish them one by one and be able to blog. I have not been the greatest blogger lately. ;)
For tida held eg på med tre større prosjekt, då er det greit å ha nokre småprosjekt innimellom. :) Strikka desse to huene ein kveld. Artige og kjappe å strikke. Veldig greit å få brukt litt meir frå lageret. Elles er det litt bilete frå terassen vår med utsikt mot "sjødn og havet". ;) Det er deilig no når veret er så flott. Kjekt å ha fått planta ein del både i bedet, krukker og balkongkassar. Herleg å sitte ute og nyte utsikten.
Dette vart strikka før jul, men somla meg ikkje til å feste knappar og hekle blomst før etter jul. Eigentleg skulle det vere nålefilta hjarter på, men må innrømme at eg ikkje gadd det no når det hadde gått så lang tid. Teppe kan brukast som pose og som leiketeppe når ein opnar knappane. Hadde fleire hesper med Fritidsgarn liggande, så veldig kjekt å få brukt opp ein del av det. ;) Biletet er tatt kl 2230, så det er godt i gong med å mørknast ute. Ei eg kjenner spurde meg om eg kunne lage kort for ho, kjekt å få eit slikt spark i baken så eg kjem i gong med kortlaginga igjen. Så då vart eg sittande ein liten time etter eg kom heim frå jobb. Men måtte berre få ferdig desse før eg reiser på kurs på torsdag.
Då er jakken min ferdig og eg har fått brukt opp litt meir av garnlageret mitt, sjølv om det ikkje viser. :) Den var ferdig for ei veke sidan, men eg har ikkje somla meg til å legge den inn før no. Eg strikka ein slik jakke til den eine søstra mi i fjor, den kan du sjå i menyen under "Vaksen". Så no har eg strikka til meg sjølv. Då har eg att å strikke til ei svigerinne når ho kjem med garnet. ;)
Ei veninne av meg fekk ein son 11.april. Ettersom dei ikkje visste kjønnet på førehand vart jakken strikka i nøytrale fargar. Det brune garnet er garn som var i den store kassen med garn som eg fekk frå søstra mi. Det er ei eldre utgåve av Dale Baby Ull, så då det nærma seg slutten skjønte eg at å finne nytt garn i same fargen var lite truleg. Heime hadde eg berre Dale Baby Ull i turkis og i gult, og frå kassen frå søstra mi, så då var eg innom garnstuen i Åsane og kjøpte eit nøste med off white. I går var eg innom garnbutikken i Knarvik og kjøpte knappar. Så no er den ferdig og klar til å bli levert. Så no er eg ferdig med babytøy for ei lita stund. ;)
Dette sjalet er strikka til svigermor og vart ferdig strikka for ei god stund sidan. Men før påske var eg ei veke i Finnmark på ferie, så var det travelt i påsken med besøk, vakt osv. Ein dag på jobb og så gjekk turen til England og kurs. Så først i går fekk eg lagt sjalet til blokking. Synes det vart kjempefint og gler meg til å overrekke det når dei kjem heim att frå ferie. Så håpar eg ho vert glad.
Eit vennepar av oss fekk ei lita tulle på sjølvaste kvinnedagen, 8.mars. Så då var det å ta pinnane fart og strikke. Eg har fortsatt som mål i år og ikkje kjøpe garn, så dette er og frå garnlageret mitt. Kjolen er strikka i str 1-2 år. ;)
Ei veninne av meg såg dei prinsessekronene eg har strikka tidlegare og ønska seg eit sjølv som ho kunne ha i skibakken og eit til kvar av niesene sine. Så då var me på garnbutikken og kjøpte garn. Eg strikka og eit par tøflar til ho, då ho tidlegare har hinta om at ho trong eit par tøflar i huset sitt. ;) Så no er ho klar for bakken og jentene klare for våren!
Desse to para med vottar er strikka til to nieser som vart 6 og 9 år i februar. Mjuke og gode vottar så eg håpar og trur dei vil varme godt no i vinterkulda. Det gjekk med ganske nøyaktig eit nøste Funny til dei to vottane. Det rosa tove er strikka av restegarn. Så det minkar sakte, men sikkert i garnlageret.
Ei niese hadde bursdag no i februar og ho elskar å leike med dukker. Så kva passar vel betre då enn dukkeklede? I februar var eg med på HV på HB og fekk bl.a. 3 nøster grønn Tove av Hege81. To av nøsta gjekk med til dette dukkesettet. Resten av garnet få du sjå seinare kva eg har brukt til. ;) Vottane vart litt store, men, men... Det blå garnet var ein rest frå ein tova barnekjole eg strikka for nokre år sidan.
Ei veninne av meg fekk ein liten son 25.januar. I den anledning har eg strikka ein babyjakke til han. Eg elskar dette mønsteret!! Synes knappane var utruleg herlege og, så eg må innrømme at eg har lyst på fleire av dei! Gler meg til å helse på den vesle guten og til å levere gåvene. Forresten...så er eg Torunnk på Ravelry for dei som vil vere min venn der inne. ;)
Forrige helg vart endeleg gensaren til min kjære mann ferdig. Hadde eg hatt nok garn hadde eg vore ferdig etter ei veke, men etter litt under ei veke var garnlageret mitt tomt for Alfa 8972, og ein jakt etter garn starta. Sandnes Uldvarefabrikk slutta å produsere garnet i oktober 2008, så det hjalp lite. Men... etter nokre søk på nettet kom det dalande eit nøste i posten frå Frk.Badegakk og eit frå Spøt-oline. Begge berre kjempeglade for å kunne hjelpe. Lisemor var så snill å søke litt på Ravelry for meg og fann der eit nøste hos Nagamori. Ettersom eg er medlem på Ravelry, men ikkje har vore den flittigaste brukaren opna Lisemor eit hav av nye muligheter for meg, så då var det inn å leite i håp om å få tak i eit enslig lite nøste til slik at eg kunne bli ferdig med gensaren. Og der fann eg AnetteK som gladeleg putta det eine nøste ho hadde i posten til meg. Så....no er altså gensaren ferdig og min kjære mann har allereie brukt den litt og. ;) TUSEN TAKK til alle som hjalp meg med å få gensaren ferdig!!! Det er det same mønsteret på baksida som på framsida. Kjapp og grei å strikke ettersom det var pinnenr. 6 og 7 mm.
Då har eg blitt ferdig med halsane i Hals- og skjerfalongen for oktober. Kjekke å strikke og veldig greie å ha på lager til ulike gåver. Eg er litt usikker på kva str desse er, men kanskje nokre andre har strikka dei og?
Då er eg ferdig med alle julegåvene untatt ei, men det er ei gåve eg skal lage til ei veninne. Deilig når nesten alle gåvene er innpakka og ligg klar. Skal kose meg med å lage pakkelappar og kanskje nokre julekort no fram mot jul.
I går kom mønsteret for oktober i Luer for huer på Uformelt. Og no er hua ferdig strikka. ;) Kjekt å vere raskt ferdig til ei forandring. Ei artig hue. Usikker på om den vert tatt i bruk sjølv eller om den havnar i pakkepapir... 
Eg har mange nesten ferdige prosjekt liggande, men eg jobbar lange dagar for tida og er ganske trøtt når eg kjem heim. Så eg må innrømme at montering, strikking og blogging er ganske nedprioritert. Mykje å gjere på jobb, så eg gler meg mykje til eg skal ha ferie!! Berre 7 dagar igjen på jobb no, så skal eg ha to veker ferie,- DEILIG!! Kjenner at det trengs no!! Kan ta meg inn igjen litt då og ikkje vere redd for å sovne på veg til og frå jobb... Litt skummelt når eg har 40 minutt i bil kvar veg, møtet med autovernet trur eg vert ganske kort... Så...det blir deilig med litt ferie, men eg kosar meg på jobb og, så det blir rart å vere vekke i to veker. ;)
